Ŋibur. 7:19 - Ebaibul

¹⁹ amam ibore ŋini apotu Ŋikisila ŋulu a Moses kisiyookis kire. Nai tokona ikianyu iwon akigeno ŋina ajokan adepar ŋina ikiyauni iwon diyete Akuj.

Ŋibur. 7:19 Iomraidhean Croise

Ŋikiru. 73:28

Nai ani eruwor ayoŋ, ejok akikinyomit Akuj, akituruwor Ekapolon ŋolo etiron ekaiunan kaŋ ka alimor ŋiticisyo keŋ daadaŋ.

Aum. 3:57

Ibu iyoŋ bu neni kaŋ, apaki ŋina akanyaritor ayoŋ iyoŋ, Itolimok ayoŋ ebe, ‘Nyikuryaniar.’

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Ŋitic. 13:39

Alotooma keŋ, ŋinituŋanan enupi, elacakinio anasecit a daadaŋ a ŋina pa apedorete Ŋikisila a Moses alacakin iŋes.

Ŋirom. 5:2

Aŋuna a Yesu Kristo, ikiyakar iwon apedor ŋinamoret ajokis na ŋina ka Akuj ka ikilelyani daŋ, anerae ikigeno atemar ikiruki moi ka Akuj anapolou keŋ.

Ŋirom. 7:7

Ikitemari nai tokona iwon Ŋikisila ikes erae asecit a? Mam jik! Nai arae Ŋikisila apotu eketeyenut ayoŋ ibore ŋini erae asecit. Pa kayenunit ayoŋ atemar erae akiŋobel icebore, kerae nyebasi Ŋikisila ebe, “Nyiŋobel.”

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

Ŋigal. 2:16

oyenete bo isua atemar elimori Akuj atemar iyookino ituŋanan alokiŋaren keŋ aŋuna ka anupit Yesu Kristo bon, meere aŋuna itiyaa ŋuna ecamito Ŋikisila. Isua daŋ, ikinupit Yesu Kristo, ikotere elimori Akuj atemar ikiyookino isua alokiŋaren keŋ aŋuna ka anupit kosi Yesu Kristo, meere aŋuna ka akitiya ŋuna ecamito Ŋikisila. Anerae emam ituŋanan elimoryo atemar iyookino alokiŋaren Akuj aŋuna itiyaa ŋuna ecamito Ŋikisila.

Ŋigal. 3:21

Apolou mono a ŋakiro a ŋun atemar itepegito Ŋikisila ŋakiikineta ŋuna ka Akuj a? Mam jik! Anerae ani kerae toryamunite ituŋanan Ŋikisila ŋulu epedorete ayaun akiyar, kepedo nai ŋinituŋanan aruwor ŋini iyookino alokiŋaren Akuj aŋuna ka akiwuapit Ŋikisila.

Ŋigal. 3:24

Aŋun, apotu Ŋikisila ikiyok iwon nooi akitodol ŋina abunio Kristo, ikotere nai ikilimoryo iwon ikirae ŋulu ikiyookino alokiŋaren Akuj aŋuna ka anupit Kristo.

Ŋiep. 3:12

Alotooma akimorikina ka Kristo ka aŋuna ka anupit yok neni keŋ, ikipedori iwon aponare neni ka Akuj emam akuryanu ka ikiyakar akikinyomit.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

1 Tim. 1:1

Ayoŋ Paulo ŋolo arae ekiyakia ŋolo a Yesu Kristo, aŋuna ka akicikakinet a ŋina ka Akuj a ŋina erae Akaiunan yok ka aŋuna ka akicikakinet a Yesu Kristo a ŋolo erae akigeno yok,

Ŋibur. 10:1

Nyepedorete Ŋikisila akitetem ŋakiro ŋun ejok. Erae ikes etorube ŋolo a ŋakiro a ŋuna ajokak a ŋuna epote rwanu. A ŋolokaru elemununuyo ŋamuronisya ŋunapei sek. Ikokinete nai tokona Ŋikisila ituruworete ŋituŋa ŋulu epote neni ka Akuj ŋulu iyookino aŋuna a ŋamuronisya a nu ai?

Ŋibur. 11:40

aŋuna abunio Akuj totubunio ibore ŋini ajokan nooi aŋuna yok, pa acamit iŋes akituruwor ikes ŋulu iyookino kire emamukae iwon.

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

Ŋibur. 7:11

Abu Akuj inak ŋituŋa a Isirael Ŋikisila aŋuna a ŋisacaradotin a ŋulu anateker a Lepi. Kerae koloŋ tojok nooi etic ŋolo a ŋisacaradotin a ŋul, kemam akiitanit esacaradoti ece ebuni alopite a ŋolo a Melekisedek, meere alopite a ŋolo ka Aron.

Ŋibur. 7:20

Nabo daŋ, eyai akikoŋiet ŋina ka Akuj aŋuna ka akigeno a ŋin. Abu Akuj nyituruwo ŋiletok a Lepi ŋisacaradotin anakikoŋiet;

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

Ŋibur. 8:6

Nai tokona, ainakin Yesu etic ŋolo ke esacaradoti ŋolo epol nooi akilo. Nabo ikoŋinapei, erae Acamunet ŋina iloit--Acamunet ŋina eyaunitor iŋes akimorikina ŋina ka Akuj ka ŋituŋa, anerae itorunit nakiikineta ŋuna ajokak nooi akilo.

Ŋibur. 9:9

Erae ŋakiro ŋun ŋakisikwaanet a ŋakiro a ŋuna a ŋirwa a lu. Itoodiunito atemar ŋamuronisya ka ŋainakineta ŋuna elemianakinio Akuj, nyituruworete ŋitai a ŋituŋa a ŋulu ilipete neni ka Akuj ŋulu iyookino,

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!