Ŋibur. 7:10 - Ebaibul

¹⁰ Tari ŋina ariŋaakar Lepi nyidouno, ikitemari ayai iŋes tooma akuwan ŋina a papaa keŋ Aburaam ŋina eryamunotor Melekisedek ka iŋes.

Ŋibur. 7:10 Iomraidhean Croise

Akisy. 35:11

Tema Akuj neni keŋ, “Arae ayoŋ Akuj ŋina Etiron: Topit, tolalata ŋituŋa kon; elomunete aneni kon ŋituŋa ŋulu ka akwap a apei ka ŋituŋa ŋulu a ŋakwapin a ŋuna alalak, elomunete ŋirwosi aneni kon.

Akisy. 46:26

Ekimar a ŋituŋa a ekal a Yakob a ŋulu arukorete ka iŋes Ijipit pa imarakinitae ŋaberu a ŋidwe keŋ, arae daadaŋ ŋatomonikanikapei ka ŋikanikapei.

1 Ŋirw. 8:19

Kikote neni daŋ, meere iyoŋ iduki Akai ka Akuj, nai lokoku kon, ŋolo erae iyoŋ iuruuni, iŋes eduki Akai aŋuna a ekiro kaŋ.’

Ŋibur. 5:6

Tolimu nabo Akuj ŋuna igiritae iwace tema, “Irae iyoŋ Esacaradoti ŋoloruba, lopite ŋolo ke esacaradoti a ŋolo anyaritae Melekisedek.”

Ŋibur. 7:11

Abu Akuj inak ŋituŋa a Isirael Ŋikisila aŋuna a ŋisacaradotin a ŋulu anateker a Lepi. Kerae koloŋ tojok nooi etic ŋolo a ŋisacaradotin a ŋul, kemam akiitanit esacaradoti ece ebuni alopite a ŋolo a Melekisedek, meere alopite a ŋolo ka Aron.

Ŋibur. 7:5

Ŋipapae a Lepi ŋulu arae ŋisacaradotin ikes elimokinitae alotooma Ŋikisila a Moses atemar itemokino tocunanakinete ŋatutubeta ŋapeipei anatomon aneni a ŋituŋa a Isirael, iŋes atemar aneni a ŋituŋa a ŋulu ka akwap kec; tari daŋ kerae ŋituŋa ŋul ŋipapae ka Aburaam.

Ŋibur. 7:9

Apolou a ŋakiro a ŋun iŋes atemar, ani einakini Aburaam atutubet apei anatomon neni a Melekisedek, abu Lepi daŋ, ŋolo acunanakinete ŋipapae keŋ ŋatubeta ŋapeipei anatomon alotuŋa a Isirael, inak Melekisedek.