Ŋibur. 6:2 - Ebaibul

² akitatam ŋakiro ŋuna a ŋibatisimui, ŋuna ka akidokonokin ŋakan, ŋuna ka ayarun a ŋikatwak ka ŋuna ka atubokino a ŋina nyedaun.

Ŋibur. 6:2 Iomraidhean Croise

Ekal. 12:14

Ikitubokini Akuj iwon anakiro a daadaŋ a ŋuna ikitiyat iwon, kejokak, kori keroko ka anakiro a ŋuna itiyao iwon anakimunono.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Mat. 28:19

Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan.

Mat. 3:14

Adikino Yoana ewouni aŋuna abaakar, “Arae ayoŋ etemokino kibatisa iyoŋ, nai ibu iyoŋ neni kaŋ!”

Mar. 16:16

Ituŋanan ŋini enupi kibatisae, eiunio, nai ŋini nyenupi, etubokinio.

Mar. 7:4

Tari ŋina eboŋunioto ikes alomaket daŋ, pa emujete, mati mono kitesegut ŋakecewat. Aya nabo ŋicetalyo ŋulu alalak ŋulu ericito ikes, ikwa akilot ŋikopoi, ŋamoti ka ŋiboro ŋulu alalak ŋulukimujet daadaŋ, ŋulu etiyaunitae a ŋasuwa a ŋuna areŋak ka elosete ikes ŋikitaadae daŋ.)

Mar. 7:8

Iesikis iyes Ŋakiciketa ŋuna ka Akuj, aŋuna ka akiricit ŋitalyo a ŋituŋa.”

Luk. 11:38

Toumok Eparisayot iŋolikini Yesu imuji nyilotara ŋakan.

Luk. 12:50

Eyai akibatisao ŋina itemokino ayoŋ oryamu, nai akaryebete ayoŋ ŋakiro ŋun etau tari neni irikakinotor!

Luk. 14:14

Iryamuni iyoŋ arereŋu, anerae emam ikes ibore ikiinakinete iyoŋ. Ikitaci iyoŋ Akuj akoloŋit ŋina eyaruniata ŋituŋa ŋulu ajokak.”

Luk. 3:16

Toboŋok Yoana ikes daadaŋ tema, “Kire ekebatisae ayoŋ iyes a ŋakipi, nai ebunit ŋolo ekeloit ayoŋ ŋolo nyapedori ayoŋ tari alacakin ŋakeemuk. Ikibatisae iŋes iyes a Etau a ŋolo Asegan ka akim.

Yoa. 1:33

Ariŋa jik ayoŋ pa ayeni iŋes, nai abu Akuj, ŋina ekeyakuunit ayoŋ akibatis a ŋakipi, okolimok tema, ‘Ituŋanan ŋini iŋolikini iyoŋ Etau ŋolo ka Akuj ebuni anakuj, min neni keŋ, iŋes ŋolo ebuni akibatis a Etau a ŋolo Asegan.’

Yoa. 5:29

Elomunete ikes kiŋa; ŋulu itiyato ŋuna ajokak, eyarunete toryamut akiyar; ŋulu itiyato ŋuna aronok, eyarunete totubokinae.

Ŋitic. 10:47

“Aryamut ŋituŋa lu Etau ŋolo Asegan ikwaŋina aryamunere iwon daŋ. Epedori nai idiotuŋanan akiretakin ikes anakibatisao a ŋakipi a?”

Ŋitic. 13:3

Ani kedaut ikes akikany akimuj ka kilipete, kidokokis ŋakan kec neni a Baranaba ka Saulo, kiyakiyasi ikes.

Ŋitic. 16:15

Ani kibatisae iŋes kaapei ka ŋituŋa ŋulu ke ekal keŋ, itodyek isua tema, “Ani kire kitamete iyes atemar arae ayoŋ akanupan ŋina ke Ekapolon, potu kiboiyoto alokai kaŋ.” Abu iŋes ikitacamu isua alosit ka iŋes.

Ŋitic. 16:33

Ya iŋes ikes nakwaare esaa ŋolopei ŋol, kilot ŋajemei kec. Aponi kibatisae iŋes atipei kaapei ka ekal keŋ.

Ŋitic. 17:18

Kimocoto daŋ iŋes ka ŋikaosok ŋulu anyaritae Ŋipikuriyae ka Ŋisitoikae. Temasi ŋice, “Inyoni ecamit ekile ŋolo irworo car lo alimun?” Temasi ŋice, “Esibit elimonokini iŋes ŋakiro ŋuna a ŋakujo a ŋuna egelaaka.” Alimunete ikes ŋun, anerae alimonokini Paulo ŋakiro ŋuna a Yesu ka ŋuna ka ayarun alokatwak.

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 2:41

Tonupa ŋituŋa ŋulu alalak ŋakiro keŋ kibatisae, ido kiyatakin lokanupak ŋituŋa ŋulu adolito ŋalipyo ŋauni akoloŋit ŋin.

Ŋitic. 23:6

Nai ani eanyuni Paulo atemar arae ŋice a nen Ŋisadukayon ka ŋice arae Ŋiparisayon, kiworou neni ka Atukot tema, “Ŋikaitotoi kaŋ! Arae ayoŋ Eparisayot, lokoku a Ŋiparisayon. Ekesitakinitae ayoŋ a ne, anerae egeno ayoŋ atemar eyarunete ŋikatwak!”

Ŋitic. 24:15

Egeno ayoŋ neni ka Akuj, ikwaŋinapei igenotor ikes lu, ebe eyarunete ŋikatwak ŋulu iyookino kaapei ka ŋulu nyiyookino.

Ŋitic. 24:21

alemar akirot apei bon ŋina abu ayoŋ olimu apaki ŋina awoitor alokiŋaren kec ebe, ‘Ekesitakinitae ayoŋ nakoloŋit na, anerae anupit atemar eyarunete ŋikatwak.’ ”

Ŋitic. 24:25

Nai ani erubakini Paulo irworo ŋuna ka akiyookino, ŋuna ka akiyapara ka ŋuna ka abunore Akoloŋit ŋina etubokinia Akuj ŋituŋa, tobul Pelekis tolimok Paulo tema, “Ape mono! Akanyarae ayoŋ iyoŋ nabo aryamuni apaki.”

Ŋitic. 26:8

Kaanukiro egogoŋio iyes akinup atemar epedori Akuj akiteyarun ŋikatwak?

Ŋitic. 4:2

Aŋoito ikes, anerae etatamete ka eseraete Ŋikiyakia ŋuluarei ŋul ŋakiro ŋuna ka ayarun alokatwak aŋuna abaakatar ayaru Yesu.

Ŋitic. 6:6

Yaasi ŋituŋa ikes neni a Ŋikiyakia, kilipakis Ŋikiyakia ikes ka kidokokis ŋakan nakyes akiterereŋ ikes.

Ŋirom. 2:16

Etakanunete ŋun Akoloŋit ŋina ebunio Akuj atubokin ŋituŋa alotooma Yesu Kristo anakiro a ŋuna eya lotai kec, ikwapei iteyenunitotor Ŋakiro ŋuna Ajokak ŋuna alimonokini ayoŋ.

1 Ŋikor. 10:2

Aponi kibatisae ikes daadaŋ ananam eriŋa edou imukorit ikes, toruworos ŋikewuapak a Moses.

1 Ŋikor. 12:13

Ikwaŋinapei, iwon daadaŋ tari kikirae Ŋiyudayan kori ŋituŋa ŋulu nyerae Ŋiyudayan, ŋipi kori ŋulu nyerae ŋipi, ikibatisae tooma nakuwan apei a Etau a ŋolopei a ŋol ka ikimori iwon Etau ŋolopei ŋol.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋipil. 3:21

Ilocokini iŋes ŋawat yok ŋuna palag ka ŋuna etwakete, kituruwo ikes ŋuna ikwaan ka akuwan keŋ ŋina ka apolou a ŋina anakuj. Isitiyae iŋes apedor ŋina epedoritor akiwuakin ŋiboro daadaŋ Napukan keŋ.

Ŋikol. 2:12

Anerae apaki ŋina ikibatisaere iyes, aponi itonuki iyes ka Kristo ka alobatisimu a ŋolopei, aponi ikiteyarun iyes ka Kristo aŋuna ka anupit kus a ŋina iyakatar iyes anapedor a ŋina ka Akuj, a ŋina abu kiteyaru Kristo alokatwak.

2 Tim. 2:18

Aoliyosi ikes anakiro a ŋuna a kire aŋuna itatamyata atemar adau ayarun alunyar, ido alopite a ŋol, etaŋayaŋayakis anupit a ŋice.

Ŋibur. 11:35

Anupit iŋes aponiata ŋaberu toryamuniata nabo ŋiyeneta kec ŋulu sek atwakito, anerae aponi kiteyarunae. Apotu ŋice towuout alacakino, ido kisicanae totwaka, anerae acamito ikes akiteyaruno nakiyar ŋina ajokan adepar.

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.