Ŋibur. 6:19 - Ebaibul

¹⁹ Ikiyakar iwon akigeno na erae ŋina ikituruworit iwon ŋulu ikiuna ka ŋulu nyikiryaŋiryaŋa ka itogogoŋit akiyar yok. Edolit akigeno na tari yaaye anaŋga ŋina ineno alokai ka Akuj kiteriboorite akibois ŋina eyai kidiŋ jik Akai ŋina anakuj.

Ŋibur. 6:19 Iomraidhean Croise

Ŋikiru. 39:7

“Nai tokona, Okoe Ekapolon, nyo eriŋa ayoŋ edarit? Neni kon iŋes eyai akigenokaŋ.

Ŋikiru. 42:11

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 42:5

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 43:5

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Ŋilep. 16:15

“Ani irikakin ŋun, elemuni iŋes ekoroe ŋolo erae ainakinet aŋuna ka asecit a ŋituŋa, toar ya ŋaokot yaaye anaŋga, kisitiya lopite ŋolo abunio kisitiyaa ŋuna ke emoŋ: kipakak kiŋaren akibois ŋina ka akisyonio ka kiŋaren Asaduku ŋina ka Acamunet.

Ŋilep. 16:2

Tema Ekapolon neni a Moses, “Tolimok lokaato kon Aron atemar nyeloma adiopaki nakibois ŋina asegan nooi, nyeloma yaye anaŋga kiŋaren ekicoloŋ ŋolo ka akisyonio ŋolo eyai kidiama Asaduku ŋina ka Acamunet, ani kebu nen, etwani, anerae atakanuni ayoŋ alodou omin kidiama ekicoloŋ ŋol.

Sakar 9:12

Toboŋutu iyes ŋulu iyakatar akigeno, iyes ŋulu sek ikirikoritae nakwapin toboŋutu nakibois kus ŋina eyai aiuno. Akalimokini ayoŋ iyes tokona atemar, ekenyakakini ayoŋ iyes ŋinibore ŋarwa ŋaarei adepar ŋini sek.

Mat. 27:51

Tocila anaŋga ŋina eneno alo Kai ka Akuj beret ageun alokidiama tari kwap. Tomaranik akwap tobwaŋabwaŋas ŋamoru.

Ŋitic. 23:6

Nai ani eanyuni Paulo atemar arae ŋice a nen Ŋisadukayon ka ŋice arae Ŋiparisayon, kiworou neni ka Atukot tema, “Ŋikaitotoi kaŋ! Arae ayoŋ Eparisayot, lokoku a Ŋiparisayon. Ekesitakinitae ayoŋ a ne, anerae egeno ayoŋ atemar eyarunete ŋikatwak!”

Ŋitic. 27:29

Tobul ikes temasi kori elosi ameeli anaŋakin neni eya ŋatabab, aŋun kiyooliyosi ikes alokaku ŋiboorei ŋulu apotyok ŋiomwon ŋulu itowuoete ameeli, togata atemar kerae kiwala akwap atipei.

Ŋitic. 27:40

Aŋun, totubutuboto ikes ŋaunoi ŋuna aenitere ŋiboorei ŋulu itowuoete ameeli, kidoŋo tooma nakipi; ŋinapeipaki, tolacanakis ŋaunoi ŋuna aenito ŋameeta. Kikyaasi nai anaŋga ŋina alokiŋaren ameeli, ikotere ekutarya ekuwuam ameeli kiŋaren, tolot lokipetot.

Ŋirom. 4:16

Aŋun, arae akiikinet aŋuna ka anupit, ikotere toruwor akiikinet ainakinet ŋina a ikoŋin aneni ka Akuj, neni a ŋiletok ka Aburaam a daadaŋ--meere neni a ŋulu iwuapito Ŋikisila make, nai tari neni a ŋulu enupito ikwaŋina anupitor Aburaam. Anerae Aburaam erae papaa yok a daadaŋ,

Ŋirom. 4:18

Abu Aburaam tonup ka kigeno, tari ŋina amamukatar ŋuna etemokino iŋes igenor, ido toruwor “Papa a ŋakwapin a ŋuna alalak.” Ikwapei igiritere Nakigireta ebe, “Elalakiarosi ŋikoniletok ikwa ŋikacer.”

Ŋirom. 5:4

Ani kikititiny iwon, ikidaŋidaŋakini, ido ikiinak akidaŋidaŋ akigeno.

1 Ŋikor. 13:13

Eriŋa nai nu ŋunauni eroparito: anupit, akigeno ka amina, nai ŋina iloit ŋun daadaŋ iŋes amina.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

Ŋiep. 2:6

Aŋuna ka akimorikina yok ka Yesu Kristo, abu Akuj ikiteyar iwon kaapei ka Kristo, ido ikisiboik iwon kaapei ka iŋes nakuj.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

Ŋikol. 3:1

Adaun akiteyarun iyes kaapei ka Kristo, aŋun, itemokino kiwara ŋuna anakuj, neni iboiyo Kristo alokicoloŋ keŋ alowae a ŋolo aloteten a ŋolo ka Akuj.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Ŋibur. 9:3

Yaaye anaŋga ŋina eneno alotooma, ayai agule ŋina a ŋaarei ŋina anyaritae Akibois ŋina Asegan nooi.

Ŋibur. 9:7

nai arae Esacaradoti ŋolo Apolon nooi bon elomanari nagule ŋina a ŋaarei ŋina a yaaye anaŋga apeilomaret a ŋolokaru. Nyepedori iŋes alomar nen emam ŋaokot ŋuna ka ajulot, ŋuna einakini iŋes Akuj kisyoniyere ŋasecisya keŋ ka ŋasecisya ŋuna apotu ŋituŋa kitiyata pa eyenete atemar ikisecit.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,