Ŋibur. 6:17 - Ebaibul

¹⁷ Ikwaŋinapei, acamit Akuj akisileerekin neni a ŋulu eikinit iŋes atemar nyilocokini iŋes ŋuna adau akiikin. Aŋun, abu kiyatak akikoŋiet nakiikinet keŋ.

Ŋibur. 6:17 Iomraidhean Croise

Akisy. 26:28

Temasi ikes, “Ikianyu isua kire jik atemar irukito iyoŋ ke Ekapolon; aŋun, ikitemari, ekoŋo iwon ŋinituŋanan neni a ŋinice ka ewuakisi acamunet yok, ŋinituŋanan neni a ŋinice,

Ŋikiru. 110:4

Adau Ekapolon akikoŋ, ido nyilocokini nabo ŋatameta keŋ tema, “Irae iyoŋ esacaradoti ŋoloruba, lopite ŋolo ke esacaradoti a ŋolo anyaritae Melekisedek.”

Ŋikiru. 33:11

Nai ŋakiro ŋuna eye Ekapolon erubakinete jik ŋikaru ka ŋikaru. erubakinete ananyameta a daadaŋ ŋakiro ŋuna eye iŋes alotau keŋ.

Ŋikiru. 36:8

Imujete ikes akimuj ŋina alalan ŋina iinanakini iyoŋ ikes. eryamununeete ikes ŋiboro ŋulu ajokak ŋulu iteleleunit iyoŋ lopite ŋolo eleleya aŋolol.

Awos. 22:11

emaikina ebura ŋolo ikoni ŋol tocamunos ŋituŋa ŋul ŋiarei, kikoŋo alokiŋaren Ekapolon atemar mam sek nyitatacit ŋini alemar ikeebore ekidunyet keŋ ibore idio. Emaikina ŋini alemar ikeebore tocamu ŋakiro ŋun, ido mam ibore etacakini ikidunyet keŋ ŋin iŋes.

Ŋakit. 19:21

Epedori ituŋanan ayere anatameta keŋ akitiya ŋakiro ŋuna alalak, nai erae ŋuna ecamit Ekapolon ikes bon itiyakin.

Eete a Ŋie. 5:1

Abu ayoŋ lomanikor kaŋ, nakaato kaŋ ka ateran kaŋ, adau ayoŋ acunakin eminae ŋolo akukunyon ka ŋikito ŋulu akukunyok, adau ayoŋ akinyam ŋapune ŋuna ka ao kaŋ ka akimyet ŋina ka ao kaŋ, adau ayoŋ akimat epiini kaŋ ka ŋakile kaŋ. Okoe ŋikonei kaŋ, kimuja ka tomata, ibus ŋolominat kaŋ alokidiŋ ŋisorok, ŋuluminan kaŋ, tomata kimwoko.

Isa. 14:24

Ekoŋ Ekapolon ŋolo a ŋajoresyo ebala, “Itiyakin ŋakiro lopite ŋolo adaunia ayoŋ akitemokin, itiyakin ŋakiro lopite ŋolo adaunia ayoŋ ayeun ikote ne:

Isa. 46:10

Abu ayoŋ olimu ŋakiro ŋuna esidyok anakisyakinet ka abu ayoŋ alimu anapakio a ŋuna akoloŋ ŋakiro ŋuna ariŋa nyitiyakina otema, ‘Iyookin ŋakiro ŋuna ayeunit ayoŋ ka erikakini akitiya ŋuna acamit kitiyakin.’

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Mal. 3:6

Arae ayoŋ Ekapolon ŋolo nyeloconokin; a ŋun, iyes ŋiletok a Yakob, eriŋa iyes nyemunyara.

Yoa. 10:10

Elomuni ekokolan akoko bon, akiar ka akinyasun ŋamesekin; nai abunit ayoŋ ainakin ikes akiyar, akiyar ŋina ka akileile.

Ŋirom. 11:29

Anerae nyiloconokini Akuj ŋatameta keŋ alotooma ŋuna ikamunito ŋini adau iŋes aseun kori akiterereŋ.

Ŋirom. 8:17

Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

Ŋigal. 3:29

Ani nai kiraakasi iyes ŋulu a Kristo, iraakasi ŋiletok ŋulu ka Aburaam ka iryamunete ŋuna adau Akuj akiikin.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

Ŋibur. 11:9

Anupit iŋes abunio Aburaam kiboi anakwap a ŋina eikinit Akuj iŋes erae ituŋanan ŋini gela. Abu iŋes kiboi aloeemae ikwa Isaka ka Yakobo ŋulu apotu toryamut akiikinet ŋinapei aneni ka Akuj.

Ŋibur. 6:12

Nyikicamit isua iyes tokalanyakiata, nai ikicamit iyes kituputo ŋulu aryamut ŋuna adau Akuj akiikin aŋuna ka anupit ka atitinyikinit.

Ŋibur. 6:16

Ani ikoŋi ituŋanan, elimuni iŋes ekiro a ituŋanan a ŋini epol akilo iŋes, akitogogoŋio akikoŋiet ŋin, todaunos ŋakiro daadaŋ ŋuna ke epeget.

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Pet. 3:7

Ikwaŋinapei, iyes daŋ ŋikilyok, itemokino kiboiyete ka ŋaberu kus ejok, toyenete atemar epalag ikes. Tokerito ikes, anerae einakini Akuj ikes daŋ ikwa iyes akiyar ŋina nyedaun. Kitiyata ŋun, ikotere tomam ibore isigukini akilip kus.