Ŋibur. 4:15 - Ebaibul

¹⁵ Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

Ŋibur. 4:15 Iomraidhean Croise

Awos. 23:9

“Kimyekisi akisiyaloloŋ ŋituŋa ŋulugelae ŋulu iboiyoto iyes; iyenete iyes ŋuna eya lotai a ŋituŋa a ŋulu erae ŋigelae, anerae iraakasi paaran iyes daŋ ŋigelae alo Ijipit.”

Isa. 53:9

Aponi tonukae iŋes neni anukanakinio ŋikaronok, kiwuakinae iŋes nalyal a ŋikabarak, tari ŋina pa etiyator iŋes aronis adio, ka nyelimuno iŋes alyokonu.

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Mat. 12:20

Nyebili iŋes akasirimaete ŋina edapony kori nyituduŋe iŋes ausi ŋina epurui akitodol ŋina eyaunia akiyookino kipuka.

Mat. 4:1

Ya nai Etau ŋolo ka Akuj Yesu nalongisat, ikotere itemi Satan iŋes.

Luk. 22:28

“Irae iyes ŋulu ikiruk ka ayoŋ anakikatakineta kaŋ a daadaŋ.

Luk. 4:2

kiboi aina ŋirwa ŋatomoniomwon, kitem Satan iŋes. Kiriya iŋes ŋirwa ŋul daadaŋ nyimuja, tonyam nai akoro.

Yoa. 8:46

Ŋae alokidiŋ kus epedori akitoodiun atemar asecit ayoŋ? Ani kerworo ayoŋ ŋakiro ŋuna a kire, nyo bo nai nyikinupitotor iyes ayoŋ?

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

Ŋibur. 5:2

Ikwaŋinapei epalagia iŋes daŋ alotau, epataniar iŋes aneni a ŋulu edyakanarete, anerae emam ŋuna eyenete.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Pet. 2:22

Nyeseca iŋes ka emam ituŋanan ipei daŋ ŋini abu kiira elimuni iŋes alyokonu.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.