Ŋibur. 4:13 - Ebaibul

¹³ Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Ŋibur. 4:13 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

2 Ŋakiro a ŋirwa 6:30

ekelipit kiira anakuj aneni erae akibois ŋina iboiyo iyoŋ. Ekelipit kisyoni ka kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

Yob 26:6

Ite Akuj akibois a ŋikatwak erae ŋina emam ibore eyai, ite iŋes Abadon.

Yob 34:21

Ite Akuj ŋakiro daadaŋ ŋuna itiyaete ŋituŋa ka ite neni daadaŋ elosete ikes.

Yob 38:17

Eyai ituŋanan ikidodik iyoŋ ŋipukei ŋulu elomarere nakibois a ŋikatwak a? Kori iŋolikinit iyoŋ akibois ŋina ka akiryonut cuc a?

Ŋikiru. 139:4

Ani eriŋa ayoŋ nyelimuno akirot, iyeni iyoŋ Ekapolon ŋuna acamit ayoŋ alimun daadaŋ.

Ŋikiru. 44:21

pa mono keyenunit Akuj ŋun a? Anerae eyeni iŋes ŋuna imunono alotai.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Ŋikiru. 90:8

Ileerete aneni kon ŋasecisya kosi, ite iyoŋ tari ŋasecisya kosi ŋuna ikitiyae isua anakimunono.

Ŋakit. 15:11

Ani kileere aneni a Ekapolon akibois a ŋikatwak ka amunyaro, ikokini nai Ekapolon pa eyeni ŋuna eya lotau a ituŋanan ai?

Ŋakit. 15:3

Ite Ekapolon ŋuna itiyao a ŋinakibois a daadaŋ, ite Ekapolon ŋuna itiyao iwon, kerae ŋuna aronok, kori ŋuna ajokak.

Ŋakit. 5:21

Ite Ekapolon ŋakiro daadaŋ ŋuna itiyaete ŋituŋa, neni daadaŋ itorete ikes, eripiripi Ekapolon.

Ekal. 12:14

Ikitubokini Akuj iwon anakiro a daadaŋ a ŋuna ikitiyat iwon, kejokak, kori keroko ka anakiro a ŋuna itiyao iwon anakimunono.

Yer. 16:17

anerae ete ayoŋ daadaŋ ŋuna iwuapito ikes; nyeŋopito ikes aneni ayai ayoŋ, ŋiticisyo kec daŋ ŋulu aronok nyililiŋiyaritae, ayeni ayoŋ.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 23:24

Ataŋae epedorete akiŋop anakiboisyo a ŋuna imunono ikotere nyeŋolik ayoŋ ikes? Nyayai mono ayoŋ nakuj ka nakwap a?

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Dan. 2:22

isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.

Mat. 6:4

ikotere akonikiŋarakinet eruwor ŋina imunono, ido Papa kon ŋolo ite ŋuna nyetakanete iŋes ikiropi iyoŋ.

Yoa. 2:24

Nai pa ekinyomit Yesu ikes, anerae ayeni ŋatameta a daadaŋ.

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Yoa. 4:16

Tolimok Yesu iŋes tema, “Ape, tonyarau lokile kon, ido toboŋu ne.”

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

Ŋirom. 2:16

Etakanunete ŋun Akoloŋit ŋina ebunio Akuj atubokin ŋituŋa alotooma Yesu Kristo anakiro a ŋuna eya lotai kec, ikwapei iteyenunitotor Ŋakiro ŋuna Ajokak ŋuna alimonokini ayoŋ.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”