Ŋibur. 4:12 - Ebaibul

¹² Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

Ŋibur. 4:12 Iomraidhean Croise

Ŋikiru. 110:2

Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

Ŋikiru. 119:130

Epite ŋolo isileereunitere ŋakiro kon, ikiinakinete apiiryanut; einakinete apiiryanut neni a ŋulu emam ŋuna eyenete.

Ŋikiru. 139:2

Iyeni iyoŋ ŋuna etiyae ayoŋ daadaŋ iyeni iyoŋ ŋatameta kaŋ tari daŋ kilwana iyoŋ.

Ŋikiru. 149:6

Elipi kipuro ikes Akuj ecelasi, etiŋito ŋileŋia ŋulu ekwaka ŋiwaetin daadaŋ,

Ŋikiru. 45:3

Toenik ekileŋ kon losyepi kon erwosit ŋolo etiron irae iyoŋ erwosit ŋolo iyakar apolou ka ailiil.

Ŋakit. 5:4

nai ekaku, eroniar iŋes aneni kon ikokini aronis keŋ neni edwarya ecucuka, ikokini aronis keŋ neni ikicumia ekileŋ ŋolo ekwaka ŋiwaetin daadaŋ.

Ekal. 12:11

Ikwaan ŋakiro a ŋikaosok ka ŋamorokin ŋuna eiitaaka ŋuna isitiyaete ŋikeyokok a ŋamesekin akiyokiyo, ikwaan ŋakitadapeta ŋuna igirito ŋikaosok ka ŋisumari ŋulu egogoŋ aneni ibubukinitoe. Erae Akuj abu inak ŋikaosok ŋakiro ŋun, Akuj ŋina erae Ekeyokon yok a daadaŋ.

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 49:2

Abu iŋes kitipipil ŋakiro ŋuna alimuni ayoŋ ikwa ekileŋ ikiduŋi, abu iŋes ekemuko ayoŋ alotolim a akan keŋ, abu iŋes ekesikwaanik ayoŋ ka ekaleŋeleŋet ŋolo epwasitae, abu iŋes ekeŋadaa ayoŋ ikwa ekaleŋeleŋet ŋolo iŋadaaritae natoros,

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 23:29

Nyikoni mono akirot kaŋ akim ka nyikoni mono iŋes enyondo ŋolo ebwaŋabwaŋaari ataaba toruwor ŋakanyilinyili a?

Luk. 8:11

“Apolou ŋina ka akitadapet iŋes na: ekinyomit iŋes akirot ŋina ka Akuj.

Yoa. 12:48

Ŋinituŋanan akaŋeri ayoŋ, nyecamu ŋakiro kaŋ, eyakar iŋes ekatubon. Ŋakiro ŋuna erworo ayoŋ, ikes eruworosi ekatubon keŋ Akoloŋit ŋina esidyon.

Yoa. 6:51

Arae Ayoŋ akimuj ŋina ka akiyar a ŋina ebunit anakuj; ŋini imuji akimuj ŋin, eyari iŋes jik. Akimuj ŋina ainakini ayoŋ toyarya akwap, erae akuwan kaŋ.”

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

Ŋitic. 5:33

Ani iirari Atukot ŋakiro ŋun, toŋo nooi, kiitan akiar ikes.

Ŋitic. 7:38

Arukito iŋes ka asepic ŋina a Ŋisirael, ŋina acunakina naloŋisat. Abu iŋes kirworo ka atapapaa yok ka emalaika daŋ ŋolo erworotor iŋes alomoru Sinai, aneni ejaunia iŋes Ŋakiciketa ŋuna eteyarak, ikikobak iwon.

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

1 Ŋikor. 1:24

Nai neni a ŋulu adau Akuj anyarare, kerae Ŋiyudayan kori Ŋigirik, erae Kristo apedor ka aosou ŋina ka Akuj.

2 Ŋikor. 2:17

Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

Ŋiep. 5:13

Nai ani isileereunio ŋakiro daadaŋ anakica, apaki ŋin nai itoodiunere ŋipitesyo kec ejok;

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

Ŋiep. 6:17

Tocamutu aiuno ikwa akopiya ŋina iuryarit akou nyewana; totiŋa ikwa atum akirot ka Akuj, ŋina ikiinakini iyes Etau ŋolo ka Akuj.

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

Ŋibur. 13:7

Totamutu ŋikarikok kus ŋulu koloŋ, ŋulu ikilimonokinete iyes ŋakiro ŋuna ka Akuj. Totamutu epite ŋolo ayakar akiyar kec ka ŋolo atwakyata; torokutu anupit kec.

Ŋibur. 6:5

Eirito anakiyar kec ajokis ŋina ka akirot ka Akuj ka aris ketap a ŋakan ŋapedorosyo ŋuna ka Apukan a ŋina ebuni.

Yak. 1:18

Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

1 Pet. 1:23

Pa aponi ikidoun iyes nabo alokinyomit a ŋolo ebosi, nai alokinyomit a ŋolo eyari, alotooma akirot ŋina ka Akuj, ŋina nyedaun.

Akis. 1:16

Anakan keŋ a ŋina aloteten, adakit ŋikacer ŋikanikaarei; anakituk keŋ, tolomu atum ŋina akwaka ŋiwaetin daadaŋ. Acai ereet keŋ ikwaŋina ecaya akoloŋ kidiŋ apaaran.

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.

Akis. 19:21

Aponi ŋasigarya kec toarae ka atum a ŋina alomuni anakituk a ŋolo amet aŋole, tonyama ŋikyeny daadaŋ ŋawat kec lopite ŋolo apedoritotor.

Akis. 2:16

Toki nai tokona! Ani pa kikii, abuni ayoŋ neni kon atipei akitijiyore iyoŋ ka atum a ŋina elomuni anakituk kaŋ.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.

Ŋikat. 3:16

Abu Eud kitiyau aŋuna keŋ ekileŋ ŋolo epenitae ŋiwaetin daadaŋ, ŋolo arae aoyau keŋ ŋasentimitae ŋatomonikan, abu iŋes tonap ekileŋ ŋol anamuro keŋ a ŋina aloteten, alotooma ŋilowi ŋulu anapit iŋes.