Ŋibur. 4:11 - Ebaibul

¹¹ Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Ŋibur. 4:11 Iomraidhean Croise

Mat. 11:12

Ameun alorwa a Yoana ke Ekebatisan akitodol tokona, eryamunit Apukan ka Akuj ŋican ŋulu apolok; nabo eŋirikinito ŋikadedeŋak alemar iŋes ka agogoŋu.

Mat. 7:13

“Tolomasi alokek a ŋolo adidiŋan, anerae elolom ekek ka epatana erot ŋolo elosi natwanare, elalak ŋulu itorete nen.

Luk. 13:24

“Toŋirikisi ka agogoŋu alomar alokek a ŋolo adidiŋan. Anerae akalimokini ayoŋ iyes atemar, eŋirikinete ŋikalalak alomar tooma, nai nyepedorete.

Luk. 16:16

“Etatamyo koloŋ Ŋikisila a Moses ka ŋakigireta ŋuna a ŋikadwarak tari lorwa ŋulu a Yoana ke Ekebatisan. Ŋinapei alorwa a ŋul, aponi kisyakinae alimonokin Ŋakiro ŋuna Ajokak ŋuna ka Apukan ka Akuj. Nabo ecamit ŋinituŋanan alomar Napukan ka agogoŋu.

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

Ŋitic. 26:19

“Aŋun, erwosit Agripa, abu ayoŋ nyawou akiwuap atakanikinet ŋina anakuj.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Ŋikol. 3:6

Aŋuna a ŋakiro a ŋuna ikote nen, ebuni anyunyura ŋina ka Akuj neni a ŋulu nyepupete ŋakiro keŋ.

Tito 1:16

Ebasi ikes iwogasi ebe ikiyeni Akuj, nai itepegito ŋiticisyo kec ŋun. Erae ikes ŋulu emoitaka, nyepupete ŋakiro ka nyepedorete akitiya idiobore ŋini ajokan.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Ŋibur. 3:18

Arae ataŋae erworor Akuj apaki ŋina ekoŋio iŋes atemar, “Nyelomarete ikes jik nakwap ŋina eikinit ayoŋ ikes akieŋunia?” Arae ŋituŋa ŋulu aŋerete iŋes.

Ŋibur. 4:6

Pa apotu ŋulu ageunete akiirar Ŋakiro ŋuna Ajokak toryamut akieŋun ŋin, anerae pa anupito. Nai eyakasi nabo ŋice ŋulu ecamakinitae tolomasi nakieŋun ŋin.

Ŋibur. 6:11

Ŋuna ikicamit isua iŋes akiŋolikin ebe erubakinit ŋinituŋanan alokidiŋ kus iricuna tari nasalunet; ikotere kiyookinos ŋakiro ŋuna igenosi iyes.

Yos. 7:3

Ani kedaut ikes akireb, toboŋut neni ayai Yosua temasi, “Nyitemokino ŋituŋa daadaŋ elosete akirem Ai. Kiyakiya ŋituŋa ŋalipyo ŋaarei, kori ŋauni make. Nyiumia ŋituŋa daadaŋ aina, anerae ekudyoko ŋituŋa ŋulu eyakasi Ai.”

2 Pet. 2:6

Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.