Ŋibur. 4:1 - Ebaibul

¹ Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

Ŋibur. 4:1 Iomraidhean Croise

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 28:14

Elakara a ŋinapaki ituŋanan ŋini itopoloorit Ekapolon, nai ituŋanan ŋini itogogoŋit akou keŋ, elomari locan.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Ekim. 14:34

Iryamunete iyes akisicanio aŋuna ka aronis kus ŋikaru ŋatomoniomwon, isikwaaniyaritae ka ŋirwa ŋatomoniomwon ŋulu ipotu iyes yaasi irebete akwap ŋin; epeikaru aŋuna ka akoloŋit ka apei. Iyenunete iyes atemar nyalakara ayoŋ aŋuna kus.’

Mat. 24:48

Nai ani kerae iŋes eketiyan ŋolo aronon, etemari alotau keŋ, ‘Adid ekapolon kaŋ,’

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋirom. 11:20

Erae ŋun kire! Aponi tobilanarae ikes, anerae pa anupito, tosodi ikilunyokin iyes nen, anerae inupito. Nai nyiturokinosi a ŋun; akilo, itemokino toyakatar akerit.

Ŋirom. 3:23

anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut.

1 Ŋikor. 10:12

Aŋun, itemokino ituŋanan ŋini etami atemar eboi ecasit, tocoite nyibusokin.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋigal. 5:4

Iyes ŋulu ikatakinito aruwor ŋulu iyookino alokiŋaren Akuj aŋuna ka akiwuapit Ŋikisila, idaut iyes atyakar aneni a Kristo. Ipena iyes neni nyikiinakinia Akuj iyes ajokis keŋ.

2 Tim. 2:13

Ani kejoŋoe iwon akikinyomit iŋes, erubakini iŋes erae ŋolo ikinyoma, anerae nyepedori iŋes akilocokin eyakae keŋ.”

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 13:7

Totamutu ŋikarikok kus ŋulu koloŋ, ŋulu ikilimonokinete iyes ŋakiro ŋuna ka Akuj. Totamutu epite ŋolo ayakar akiyar kec ka ŋolo atwakyata; torokutu anupit kec.

Ŋibur. 3:11

Abu ayoŋ oŋo nooi, ekoŋ otema, ‘Nyelomarete ikes jik nakwap ŋina eikinit ayoŋ ikes akieŋunia.’ ”

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Ŋibur. 4:9

Aŋun nai, eriŋa akieŋun ace eyai aŋuna a ŋituŋa ka Akuj; akieŋun ŋina ikoni ŋina eeŋunia Akuj akoloŋit ŋina a ŋakanikaarei.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’