Ŋibur. 3:8 - Ebaibul

⁸ nyitininika ŋatameta kus, lopite ŋolo koloŋ etiyaata atapapaa kus apaki ŋina akaŋeritotor ayoŋ. Nyitiyata ŋuna ikote ŋuna apotu ikes kitiyata analoŋisat apaki ŋina ekekatakinitotor ayoŋ.

Ŋibur. 3:8 Iomraidhean Croise

2 Ŋirw. 17:14

Nai apotu nyiirasi, towout icasito lopite ŋolopei ecasitotor atapapaa kec akiirar. Apotu atapapaa kec towout akinup ŋakiro ŋuna ke Ekapolon Akuj kec.

2 Ŋakiro a ŋirwa 30:8

Nyitogogoŋo tokona ŋakyes kus lopite ŋolo etogogoŋitotor atapapaa kus, nai inakinos neni ke Ekapolon, potu nakibois keŋ ŋina asegan, ŋina adau iŋes akitaleun ŋikaru ka ŋikaru, ido kitiyanakis Ekapolon Akuj kus, ikotere elemari iŋes aŋoit keŋ ŋina aryenyaanan aneni kus.

2 Ŋakiro a ŋirwa 36:13

Abu daŋ Sedekia toŋer Nebukadinesar ŋolo sek abu kisikoŋ alokiro ka Akuj atemar iwuapi ŋakiro a Nabukadinesar; abu iŋes kitogogoŋ akou keŋ ka kitininik ŋatameta keŋ towou akiwuap ŋuna a Ekapolon Akuj a Ŋisirael.

Neem. 9:16

“Nai apotu atapapaa kosi kiturokinos, tosodo kitogogo ŋakyes kec ka nyiwuap ŋakiciketa kon;

Yob 9:4

Eos Akuj nooi ka erae agogoŋu keŋ ŋina etiron, ŋae mono abu kitiji Akuj, ido kilou?

Ŋikiru. 106:14

Apaki ŋina ayakatar ikes naloŋisat, apotu toyakaunotor ka akiitanit ŋina apolon, ido apotu ikes kitemo Akuj analoŋisat.

Ŋikiru. 78:18

Apotu ikes kiredakis akitem Akuj, iŋitasi ka agogoŋu akimuj ŋina eitanito ikes.

Ŋikiru. 78:56

Nai apotu ikes kitemo Akuj, toŋero Akuj ŋina alokidiama nooi; apotu nyiwuapa ŋakiciketa keŋ.

Ŋikiru. 95:8

“Nyisyaaka ikwa atapapaa kus koloŋ alo Meriba, apaki ŋina ayakatar ikes naloŋisat ŋina a Masa,

Awos. 17:7

Tolimok Moses ŋirorwa a akibois a ŋin Masa anerae apotu Ŋisirael kisiburata ka kikatakis Ekapolon a nen kiŋita temasi, “Eyai mono Ekapolon kaapei ka iwon, kori mam?”

Awos. 8:15

Nai ani eanyuni Parao atemar eeŋa iŋes alocan a ŋul, abu kitogogoŋ akou keŋ; nyepupok ŋakiro ŋuna erworosi Moses ka Aron ka abu kitiya lopite ŋolo sek alimunitor Ekapolon.

Ŋakit. 28:14

Elakara a ŋinapaki ituŋanan ŋini itopoloorit Ekapolon, nai ituŋanan ŋini itogogoŋit akou keŋ, elomari locan.

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Dan. 5:20

Nai aŋuna abunio iŋes kiturokin, kitogogoŋ akou keŋ, kitiya ŋakiro anakituro, aponi tolemarae iŋes alokicoloŋ keŋ a ŋolo ka apukan ka aponi tolemarae apolou keŋ.

Ekim. 14:11

Kirwor Ekapolon neni a Moses tema, “Tari ori akajamuwarito ayoŋ ŋituŋa lu? Tari ori ewounito ikes akinup ŋakiro kaŋ tari ketiyat ayoŋ ŋakitoodyanakineta ŋuna alalak alokiŋaren kec?

Mat. 13:15

Anerae ileleba abaŋao lotuŋa ka agol ŋakeceki, nabo arap ikes ŋakonyen kec; kerae nyikote neni, keanyuwarito ŋakonyen kec ka kiirarito ŋaki kec, nabo keyenunito ŋitai kec, toboŋut neni kaŋ akitaŋaleuno.’

Ŋitic. 19:9

Nai esyaaka ŋice jik, nyenupa; ido irworotor Erot ŋolo ke Ekapolon alopite a ŋolo aronon alokiŋaren atukot daadaŋ. Aŋun, toesik Paulo ikes, totyakaros ka ŋikasyomak aneni kec. Anyoun apaki ŋin, erworo iŋes jwi jwi alokai a Tiranus neni a ŋituŋa.

Ŋitic. 7:36

Abu Moses kiten Ŋisirael, kitiya ŋakujuwuanisya ka ŋaumonokineta alo Ijipit ka ananam a ŋina enyaritae Anam ŋina Areŋan ta analoŋisat ŋikaru ŋatomoniomwon.

1 Ŋikor. 10:9

Nyitemokino iwon etemo Ekapolon ikwa etemitotor ŋice kec; aŋun, apotu ŋimuno tomunyasi ikes.

Ŋikis. 6:16

Nyitemo Ekapolon Akuj kus, lopite ŋolo itemitotor iŋes alo Masa.

1 Sam. 6:6

Kaanukiro itogogoŋitotor iyes ŋakyes kus ikwa aponiata Ŋijipitian ka Parao kitiyaata? Pa mono apotu ikes kimyekis Ŋisirael toloto apaki ŋina atiŋia Akuj ikes ka aryenyeo a?