Ŋibur. 3:14 - Ebaibul

¹⁴ Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

Ŋibur. 3:14 Iomraidhean Croise

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋirom. 11:22

Anakiro a ŋun ikiyenuni epite ŋolo erimaania Akuj ka epite ŋolo ededeŋia. Ededeŋ iŋes aneni a ŋulu adaut atwakiar, nai erimaana aneni kus--erae kirubakis iyes iyakasi narimaanut keŋ. Nai ani pa kirubakis, ikibilaryo iyes daŋ.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 10:17

Aŋuna eyakar amugati apei, ikirae iwon ŋulu alalak akuwan apei, anerae ikimori iwon daadaŋ amugati apei.

1 Ŋikor. 9:23

Etiyae ayoŋ ŋun daadaŋ aŋuna a Ŋakiro a ŋuna Ajokak, ikotere oryamunia ayoŋ daŋ ŋarereŋisyo aneni kec.

Ŋiep. 3:6

Ŋakiro ŋuna imunono ikes nu ebe, aŋuna a Ŋakiro a ŋuna Ajokak, amora ŋituŋa ŋulu nyerae Ŋiyudayan ka Ŋiyudayan ŋarereŋisyo ŋuna ka Akuj; eraakasi ikes ŋipei ka amora ŋakiikineta ŋuna abu Akuj kiik alotooma Yesu Kristo.

Ŋikis. 1:35

“Emam ipei daŋ a ŋituŋa a lu a ŋulu a anyamet a na a ŋina aronon a na ŋini edoli nakwap ŋina ajokan ŋina abu ayoŋ ekoŋ ainakin neni atapapaa kus,

1 Tim. 6:2

Nyejok ŋipi ŋulu erae ŋikapolok kec Ŋikristo ejamuwarito ikes, aŋuna eraakatar ŋikepukak kec ŋikaitotoi alotooma Kristo. Nai akilo, itemokino ikes kitiyanakis ikes ejok nooi, anerae ŋulu itiyanakinio eraakasi ŋikanupak ŋuluminan.

Ŋibur. 11:1

Anupit iŋes ayenut kire atemar erae ŋakiro ŋuna ikigeno iwon ŋuna a kire, anupit iŋes amamukau ka aŋayaŋayat aloboro a ŋulu nyikite iwon.

Ŋibur. 12:10

Apotu atapapa yok ikisican iwon apaki ŋina euruwuana alopite a ŋolo ayenete ikes, nai ikisicani Akuj iwon aŋuna ka akiŋarakin iwon, ikotere kikwaanikinos ŋipitesyo yok ka ŋulu keŋ.

Ŋibur. 3:1

Ŋikaitotoi ŋulu adau Akuj anyarare, ŋulu iraakasi ŋulu keŋ! Totamatamata ŋuna a Yesu a ŋolo erae ekiyakia ŋolo ka Akuj ka erae Esacaradoti ŋolo Apolon nooi ŋolo ka anupit yok.

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

Ŋibur. 6:11

Ŋuna ikicamit isua iŋes akiŋolikin ebe erubakinit ŋinituŋanan alokidiŋ kus iricuna tari nasalunet; ikotere kiyookinos ŋakiro ŋuna igenosi iyes.

Ŋibur. 6:4

Nyepedorete ŋituŋa ŋulu adaut akiŋer anupit kec akibelekin nabo anasecit kec. Anapakio a ŋace a ŋuna alunyarosi, ayenete ikes ŋakiro ŋuna ka Akuj; eirito ainakinet ŋina anakuj ka aryamunito Etau ŋolo Asegan.

1 Pet. 4:13

Nai itemokino iyes tolakara aŋuna imoryata ŋican ŋulu a Kristo, ikotere nai iruworosi ŋulu ileleba alelyan apaki ŋina isileereunere apolou keŋ.

1 Pet. 5:1

Ŋikatukok, ayoŋ ŋolopei arae ekatukon, ŋolo arae esuuda a ŋican a Kristo, ŋolo alosi aryamun atyaket anapolou a ŋina itoodiunio: ekelipit iyes!

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.