Ŋibur. 2:9 - Ebaibul

⁹ Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.

Ŋibur. 2:9 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Isa. 11:1

Ijojouni ateni aneni a Yese, elomuni ateni anataagor keŋ tora.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Mat. 16:28

Akalimokini ayoŋ iyes kire atemar, eya nege ŋice ŋulu nyetwakete nyeanyuwara Lokoku a Ituŋanan ebuni anapolou keŋ.”

Mat. 6:28

Nabo, nyo iyaloloŋioto iyes aŋuna a ŋilowi? Kiŋolikisi iyes epite ŋolo epolooto ŋatur ŋuna ka ariet; nyitiyaete kori nyedonyete ŋilowi.

Mar. 9:1

Torubak Yesu irworo ebala, “Akalimokini ayoŋ iyes kire atemar, eyakasi ne ŋulu nyiirete atwanare, eriŋa nyeanyuwara Apukan ka Akuj ebuni ka apedor.”

Luk. 9:27

Akalimokini ayoŋ iyes kire atemar, eya ne ŋice ŋulu nyiirete atwanare, eriŋa nyeanyuwara Apukan ka Akuj.”

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 10:17

“Akamina ayoŋ Papa kaŋ, anerae ajalit akiyar kaŋ oyeni atemar aryamuni nabo.

Yoa. 12:32

Ani kedaun akikyaar ayoŋ kidiama anakwap, eriuni ŋituŋa daadaŋ neni kaŋ.”

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Yoa. 8:51

Akalimokini ayoŋ iyes kire atemar, ŋini iricakini ŋakiro kaŋ, nyetwani jik.”

Yoa. 8:52

Tolimokis Ŋiyudayan Yesu temasi, “Kire ikidau isua tokona aanyun atemar eyai ekipye neni kon. Abu Aburaam totwan, totwaka tari ŋikadwarak daŋ; nai ibala iyoŋ ebe ‘Ŋini iricakini ŋakiro kaŋ, nyetwani jik.’

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 3:13

Akuj ŋina atapapaa yok ŋina ka Aburaam, Isaka ka Yakobo, iŋes ainaki eketiyan keŋ Yesu apolou ŋina ka Akuj. Ipotu iyes kipotokis Yesu ŋolopei ŋol neni a ŋikepukak ka toŋero iŋes alokiŋaren Pilato, tari daŋ ketubu Pilato atemar itemokino iŋes tolacakinae.

Ŋirom. 5:18

Aŋun, ikwapei abunio asecit ŋina a ipeituŋanan totubok ŋituŋa daadaŋ, ikwaŋinapei, adaun alacakin ka eteyari ŋituŋa daadaŋ aŋuna ka akiyookino a ŋina a ipeituŋanan.

Ŋirom. 5:8

Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

2 Ŋikor. 5:15

Abu iŋes totwan aŋuna a daadaŋ, ikotere ŋulu eyarete tojoŋoto akiyar aŋuna kec make, nai toyara aŋuna a ŋolo atwani ka kiteyarunae aŋuna kec.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

1 Tim. 2:6

Abu iŋes elope tojal akiyar keŋ aiunia ŋituŋa daadaŋ. Ŋakiro ŋun, ikes apotu toruworos akitoodikinet anapaki a ŋina eyookino atemar ecamit Akuj aiun ŋituŋa daadaŋ.

Ŋibur. 1:9

Ibu iyoŋ tominak ŋuna iyookino ka ibu toŋer ŋuna aronok. Aŋuna a ŋakiro a ŋun, akaseu ayoŋ ŋina arae Akuj kon iyoŋ alelyan aŋuna akainakinia iyoŋ apolou ŋina iloit ŋina a ŋirukitos kon.”

Ŋibur. 10:5

Aŋakiro a ŋun, abu Kristo ŋina aapuunia iŋes abunore nakwap tolimok Akuj tema, “Ibu iyoŋ nyicamak ŋamuronisya ka ŋainakineta, nai ibu ikiinak ayoŋ akuwan.

Ŋibur. 11:5

Anupit iŋes pa abunio Enok totwania. Akilo, aponi yaarae iŋes kidiama ka emam ituŋanan abu toryamu iŋes, anerae abu Akuj ya iŋes nakuj. Igiritae Nakigireta atemar ani eriŋa Enok nyeara kidiama, aris iŋes kitalaka Akuj.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 2:7

Ibu iyoŋ kitiditeu iŋes apaki ŋina diouriyen akilo ŋimalaikan, ibu nai inak iŋes apolou ka akerit;

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

Ŋibur. 8:3

Eseununuyo ŋisacaradotin ŋulu Apolok nooi, ikotere einanakinete Akuj ŋainakineta ka ŋamuronisya. Ikwaŋinapei, itemokino Yesu daŋ Esacaradoti yok ŋolo Apolon nooi toyakar idiobore ŋini einakini.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Yoa. 2:2

Iŋes erae amuronot ŋina isyoniyere ŋasecisya yok; meere ŋasecisya yok bon, nai ŋasecisya a ŋituŋa a daadaŋ.

Akis. 19:12

Ekote ŋakonyen keŋ arira ka anapit ŋatoryet ŋuna alalak. Egiritae ekiro neni keŋ, nai amam ituŋanan ŋini ayeni, mati elope.

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.