Ŋibur. 2:3 - Ebaibul

³ Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Ŋibur. 2:3 Iomraidhean Croise

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 20:6

Akoloŋit ŋin elimunete ŋituŋa ŋulu iboiyete alodiyete anam ebe, ‘Kiŋolikisi ŋakiro ŋuna etiyakin neni a ŋituŋa a ŋulu ikigeno iwon, a ŋulu aponi iwon toemae neni kec aryamun akiŋarakinet ka alakuno aneni a erwosit ka Asiriya. Ani bo iwon, ikokinio ai ebucaroi?’ ”

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 51:8

anerae irikari ekurut ikes lopite ŋolo irikarya abebe elou, irikari ekurut ikes lopite ŋolo irikarya ŋajul a amesek; nai erubakini alakuno ŋina ebunit aneni kaŋ ŋikaru ka ŋikaru ka eropari aiuno ŋina ebunit aneni kaŋ ananyameta a daadaŋ.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Esek. 17:15

Nai abu eyenet a erwosit a Yerusalem ŋol toŋer ŋakiro a erwosit a Babilon, kiyakiya ŋikawoikinitok keŋ nakwap a Ijipit erae kepedorete ikes ainakin iŋes ŋaŋolei ka ŋasigarya ŋuna alalak.’ Abu Akuj tema, ‘Epedori mono kire iŋes akiloun a? Epedori mono kire ituŋanan ŋini itiyae ŋakiro ŋuna ikote ŋun abucar a? Nyemaikina iŋes toŋer ŋakiro ŋuna aris kecamunoi, ido kimyekinae nyisicani.’

Esek. 17:18

Nyebucar iŋes aneni a Ŋibabiloniyae, anerae ajamuwa iŋes akikoŋet keŋ ka aŋer acamunet keŋ ka erwosit a Babilon. Nyebucar iŋes, anerae abu kiik akitiya ŋun, nai tokona nyiwuapa iŋes ŋakiro ŋun daadaŋ.’

Mat. 23:33

Iyes ŋulu aronok ŋulu ikote ŋapomia, ikokinete iyes ibucarosi anatubokino ka anakim a ŋina nyeduŋe ai?

Mat. 4:17

Ŋinapei ŋina, kisyak Yesu alimonokin ebala, “Kibelekinos anasecisya kus, anerae aapuu Apukan ŋina anakuj.”

Mar. 1:14

Kedaun akiwuakin Yoana mabus, bu Yesu Galileya, kitatam Ŋakiro ŋuna Ajokak ŋuna ka Akuj,

Luk. 1:2

Ikote nenipei ikilimokinitotor iwon ŋituŋa ŋulu aanyunito ka kiseraete daŋ anageunet.

Luk. 1:69

Ikiinak iwon Ekaiunan ŋolo etiron anateker a Daudi eketiyan keŋ.

Luk. 24:19

Tema Yesu iŋisi ikes, “Anukiro?” Toboŋokis ikes temasi, “Ŋakiro ŋuna etiyakin neni a Yesu a ŋolo a Nasaret. Arae iŋes kire ekadwaran ŋolo ka Akuj, ŋolo etiyae ŋakujuwuanisya, nabo etatami ŋakiro ŋuna apolok alokiŋaren Akuj ka alokiŋaren ŋituŋa.

Yoa. 15:27

Irae iyes daŋ ŋisuudae kaŋ, anerae ikirukit iyes ka ayoŋ ŋinapei anakisyakinet.

Ŋitic. 1:22

ameun apaki ŋina ebatisaa Yoana, akitodol ŋina ayaarere Yesu kidiama aneni yok. Itemokino iŋes oruko ka iwon oruworos ŋisuudae ŋulu ikibala ayaru Yesu alokatwak.”

Ŋitic. 2:22

Topupokisi ŋakiro nu, iyes ŋituŋa a Isirael! Arae Yesu ŋolo a Nasaret ituŋanan ŋini eyakuunit Akuj. Abu iŋes kiteyenik ŋakiro neni kus alotooma ŋakujuwuanisya ka ŋaumonokineta ta ŋakitoodikineta ŋuna abu Akuj kitiya alotooma keŋ. Iyenete iyes ŋilopeyek ŋun.

Ŋitic. 4:12

Emam aiuno aneni a ice a daadaŋ, anerae emam ekiro ece anakwap a daadaŋ ŋolo einit Akuj ŋituŋa, ŋolo epedoryata ŋituŋa aiunor.”

Ŋirom. 11:14

Acepaki apedori ainakin arakao lotuŋa kaŋ, Ŋiyudayan, ikotere aŋuna kaŋ toiunia Akuj ikes ŋice.

Ŋirom. 2:3

Nai iyoŋ ituŋanan ŋini itubonokini ŋulu itiyaete aronis, ido kitiyae iyoŋ daŋ ŋunapei, itami iyoŋ atemar ipedori abucar anatubokino a ŋina ka Akuj a?

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

Tito 2:11

Anerae etoodiu Akuj ajokis keŋ aŋuna ka aiunia ŋituŋa daadaŋ.

Ŋibur. 1:1

Koloŋ sek, abu Akuj kirwor neni atapapaa yok alotooma ŋikadwarak ŋarwa ŋakalalak, alopitesyo a ŋulu agelegelya;

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Ŋibur. 1:2

nai ŋirwa ŋulu esidyok lu erwor iŋes neni yok alotooma Lokoku keŋ. Iŋes abunio Akuj tosubunia akwap, toseu iŋes aryamun ŋiboro daadaŋ ekaku.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 4:1

Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Yoa. 1:1

Erae ŋakiro nu ŋuna ikamunito Akirot ŋina ka akiyar a ŋina ayai anakisyakinet. Aponi isua kiirarae ka kiŋolikinae a ŋakonyen kosi a ŋilopeyek; kire ikianyu isua iŋes ka ikitap a ŋakan kosi.

Yud. 1:17

Ŋikaakonei ŋulu minan, totamunito ŋakiro ŋuna sek aris Ŋikiyakia a Yesu Kristo ke Ekapolon yok kirwor.

Akis. 7:10

Tocelas a ŋitoilon a ŋulu apolok ebasi, “Ebunit aiuno aneni ka Akuj yok a ŋina iboi alokicoloŋ ka aneni a Imesek!”