Ŋibur. 2:17 - Ebaibul

¹⁷ Apolou a ŋakiro a ŋun atemar etemokino iŋes kikwaanikinos ka ŋikaitotoi keŋ alopitesyo a daadaŋ, ikotere toruwor Esacaradoti ŋolo Apolon nooi ŋolo isyoniono, ŋolo ikinyoma alotic ka Akuj, ikotere elemarere ŋasecisya a ŋituŋa.

Ŋibur. 2:17 Iomraidhean Croise

2 Ŋakiro a ŋirwa 29:24

Ekaku ŋun, apotu ŋisacaradotin toara ŋikorwa, yaasi ŋaokot a ŋikorwa kidiama Namuroet erae ainakinet ŋinalemaret asecit tomookunere Ŋisirael daadaŋ, anerae keris sek erwosit kelimu atemar tolemunae aŋuna a Ŋisirael a daadaŋ ŋainakineta ŋuna epeyo ka ŋainakineta ŋuna elemarere asecit.

Isa. 11:5

Eruwor akiyookino arokoba keŋ, eruwor akikinyoma arokoba ŋina ka acir keŋ.

Esek. 45:15

Amesek apei alotooma ŋamesekin ŋamiae ŋaarei a ŋinadakari a Ŋisirael. Emaikina iyes yaut ŋainakineta a ŋuna a ŋikinyom ka a ŋuna a ŋibaren, toruwor ikes ŋainakineta ŋuna epeyo ka ŋuna ekisil, ikotere ikimookunere iyes anasecit kus.

Esek. 45:17

Nai erae etic a ekepukan alemunun ŋainakineta a ŋibaren ŋuna epeyo, ŋainakineta ŋuna a ŋikinyom, ŋainakineta ŋuna a ŋimaten. Emaikina iŋes kitiya ŋun a ŋuna a ŋituŋa a akwap keŋ apaki ŋina a ŋasuban a elap a ŋolokitete, a ŋasuban a Sabato ka anasuban a ŋunace daŋ. Emaikina iŋes yau ŋainakineta aŋuna ka asecit, ŋainakineta ŋuna epeyo ka ŋuna a ekisil aŋuna ka amookunia ŋituŋa alo Isirael.”

Esek. 45:20

Emaikina iyes kitiya ŋunapei ŋun edoli ŋirwa a elap ŋikanikaarei aŋuna a ituŋanan a daadaŋ a ŋini eseci pa iredakinit, kori pa sek eyeni; emaikina iyes tomookut Akai ka Akuj.

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Ŋilep. 14:18

Akimyet nai ŋinace ŋina idoŋit nakan ke esacaradoti, emaikina iŋes kiosak nakou a ituŋanan a ŋini italeunio, tomooku esacaradoti ituŋanan ŋin alokiŋaren Ekapolon.

Ŋilep. 16:16

Alopite a ŋol, emookuni iŋes akibois ŋina Asegan nooi ŋin, aŋuna abunio toruwor ŋina apotu Ŋisirael kituruwosi ŋina itoroniyaritae aŋuna etoroniyaritere ikes ka aŋuna ka aŋecanut kec ta aŋuna a ŋasecisya a daadaŋ aŋuna etiyato ikes. Emaikina Aron tomooku eema ŋolo ilipere daŋ, eema ŋolo eyai kidiŋ alomar kec a ŋulu itoroniyaritae.

Ŋilep. 6:30

Nai ainakinet aŋuna ka asecit daadaŋ, ŋina eyaunio ŋaokot keŋ tooma eema ŋolo ilipere nakibois ŋina asegan nooi, aŋuna ka amookunia ituŋanan anasecit, nyemaikina kimujae ŋin; itemokino kicunyae.

Ŋilep. 8:15

toarae nai emoŋ ŋol. Tolemu Moses ŋaokot ke ekimoin keŋ, kiwosak loboorei ŋulu asibito ŋamomwar anamuroet aŋuna ka akitaleun namuroet. Tobukok ŋaokot ŋunace ŋuna idoŋete neni ewuar namuroet. A ŋun, abu Moses kitaleu amuroet tomooku.

Ekim. 15:25

Emaikina esacaradoti tomooku atukot a Ŋisirael a daadaŋ, ido isyonio ikes, anerae pa eredakinete ikes akiŋer akiwuap ŋakiciketa a Ekapolon, tosodi adaut ikes ayaun neni ke Ekapolon ainakinet kec ŋina epeyo kaapei ka ainakinet kec aŋuna ka asecit neni ke Ekapolon aŋuna ka adyakaret kec.

Ŋirom. 15:17

Anakimorikina nai ka Yesu Kristo, apedori ayoŋ akiturokin, anerae etiyae etic ŋolo ka Akuj.

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

Ŋiep. 2:16

Abu Kristo anatwanare keŋ alomusalaba tolema akimananu a ŋikabilae a ŋuluarei a ŋul ka kituruwo ikes ŋipei anakuwan keŋ a ŋina erae Ŋikristo; ido abu kinyaku ikes neni ka Akuj.

Ŋikol. 1:21

Ilwaka koloŋ sek iyes nooi aneni ka Akuj ka iraakasi ŋimoi keŋ aŋuna a ŋakiro a ŋuna aronok a ŋuna itiyaete ka itamete iyes.

Ŋibur. 10:21

Ikiyakar iwon Esacaradoti ŋolo Apolon nooi ŋolo epolokinit ekal ŋolo ka Akuj.

Ŋibur. 2:11

Iŋes ŋolo itesegi ŋitai kaapei ka ŋulu itesegunio, erae papa kec epei. Erae ŋakiro ŋun nyitimitor Yesu anyarare ikes ŋikaitotoi keŋ.

Ŋibur. 2:14

Aŋuna eraakatar ŋituŋa ŋulu enyarit iŋes ŋidwe, ŋulu eya ŋawat ka ŋaokot, abu Yesu tomora ka ikes ekuwane ŋol; ikotere alotooma atwanare keŋ inyasuni Satan ŋolo epolokinit atwanare.

Ŋibur. 2:16

Ileere kire ebe, meere ŋimalaikan iŋaranakini Yesu, nai erae ŋiletok ŋulu ka Aburaam, ikwapei igiritere.

Ŋibur. 3:1

Ŋikaitotoi ŋulu adau Akuj anyarare, ŋulu iraakasi ŋulu keŋ! Totamatamata ŋuna a Yesu a ŋolo erae ekiyakia ŋolo ka Akuj ka erae Esacaradoti ŋolo Apolon nooi ŋolo ka anupit yok.

Ŋibur. 3:2

Ekinyomit Yesu Akuj ŋina abu kiyaku iŋes akitiya etic keŋ lopite ŋolo koloŋ ekinyomitor Moses etic ŋolo ke ekal a ŋolo ka Akuj.

Ŋibur. 3:5

Arae Moses ekile ŋolo abu Akuj kikinyom ikwapei eketiyan keŋ alokal a ŋolo ka Akuj, ido abu kiteyenu ŋituŋa ŋakiro ŋuna epote ekaku.

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

Ŋibur. 5:1

Esacaradoti daadaŋ ŋolo Apolon nooi, eseununui Akuj alokidiŋ ŋituŋa keŋ, ikotere itiyae etic ka Akuj aŋuna a ŋituŋa; inak ŋainakineta ka ŋamuronisya aŋuna a ŋasecisya.

Ŋibur. 5:10

ka abu Akuj tolimu atemar erae iŋes Esacaradoti ŋolo Apolon nooi, lopite ŋolo ke Esacaradoti a ŋolo anyaritae Melekisedek.

Ŋibur. 5:2

Ikwaŋinapei epalagia iŋes daŋ alotau, epataniar iŋes aneni a ŋulu edyakanarete, anerae emam ŋuna eyenete.

Ŋibur. 5:5

Ikwaŋinapei, abu Kristo nyitopoloor bon kituruwor Esacaradoti ŋolo Apolon nooi. Akuj alope alimokini iŋes atemar, “Irae iyoŋ Lokoku kaŋ, aruwor ayoŋ papa kon nakuwar na.”

Ŋibur. 6:20

Akibois ŋin iŋes ŋina adau Yesu alosit ikwapei ŋolo aberar aŋuna yok, kedau aruwor Esacaradoti ŋolo Apolon nooi ŋoloruba lopite ŋolo ke Esacaradoti a ŋolo anyaritae Melekisedek.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

Ŋibur. 7:28

A Lokisila a Moses, aseununuyo ŋikilyok ŋulu apalag alotai aruwor ŋisacaradotin ŋulu Apolok nooi; nai anakiikinet a ŋina ka Akuj a ŋina elimunitoe anakikoŋiet a ŋina abuni eriŋa Ŋikisila, aponi toseunae Lokoku ka Akuj ŋolo aponi kituruworoe ŋolo iyookino kire ŋikaru ka ŋikaru.

Ŋibur. 8:1

Akirot ŋina ikirworo iwon iŋes na: ikiyakar iwon Esacaradoti yok ŋolo Apolon nooi, ŋolo iboi alowae a ŋolo aloteten ke ekicoloŋ a ŋolo ka Akuj a ŋina etiron a ŋina anakuj.

Ŋibur. 8:3

Eseununuyo ŋisacaradotin ŋulu Apolok nooi, ikotere einanakinete Akuj ŋainakineta ka ŋamuronisya. Ikwaŋinapei, itemokino Yesu daŋ Esacaradoti yok ŋolo Apolon nooi toyakar idiobore ŋini einakini.

Ŋibur. 9:11

Nai adau Kristo abunore ŋolo erae Esacaradoti ŋolo Apolon nooi, ŋolo a ŋakiro a ŋuna ajokak a daadaŋ a ŋuna a tokona. Adau iŋes alomar loeema ŋolo apolon, ŋolo asegan akilo, ŋolo nyitiyaunito ŋituŋa, iŋes atemar nyimarakinitae iŋes losubuna ŋulu ka akwap a na a ŋina asubunio.