Ŋibur. 2:16 - Ebaibul

¹⁶ Ileere kire ebe, meere ŋimalaikan iŋaranakini Yesu, nai erae ŋiletok ŋulu ka Aburaam, ikwapei igiritere.

Ŋibur. 2:16 Iomraidhean Croise

Akisy. 22:18

ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon, anerae idau iyoŋ akiwuap ŋakiro kaŋ.’”

Ŋirom. 2:25

Ani kiwuap iyes ŋuna ebasi Ŋikisila, nyeruwor akileŋeryo kus akoŋinait. Nai ani pa kiwuap iyes ŋuna ebasi Ŋikisila, eruwor akileŋeryo kus akoŋinait.

Ŋigal. 3:16

Nai tokona toyenete ebe, abu Akuj inak akiikinet keŋ neni ka Aburaam ka neni ke eletonit keŋ. Nyelimunito Ŋakigireta ebe “Ŋiletok”, iŋes atemar ŋituŋa ŋulu alalak, nai “Eletonit”, iŋes atemar ipeituŋanan bon, Kristo.

Ŋigal. 3:29

Ani nai kiraakasi iyes ŋulu a Kristo, iraakasi ŋiletok ŋulu ka Aburaam ka iryamunete ŋuna adau Akuj akiikin.

Ŋibur. 12:10

Apotu atapapa yok ikisican iwon apaki ŋina euruwuana alopite a ŋolo ayenete ikes, nai ikisicani Akuj iwon aŋuna ka akiŋarakin iwon, ikotere kikwaanikinos ŋipitesyo yok ka ŋulu keŋ.

Ŋibur. 2:15

Alopite a ŋol abu Yesu tolacaki ŋulu arae ŋipi anakiyar kec a daadaŋ, aŋuna akeritotor ikes atwanare.

Ŋibur. 2:17

Apolou a ŋakiro a ŋun atemar etemokino iŋes kikwaanikinos ka ŋikaitotoi keŋ alopitesyo a daadaŋ, ikotere toruwor Esacaradoti ŋolo Apolon nooi ŋolo isyoniono, ŋolo ikinyoma alotic ka Akuj, ikotere elemarere ŋasecisya a ŋituŋa.

Ŋibur. 6:16

Ani ikoŋi ituŋanan, elimuni iŋes ekiro a ituŋanan a ŋini epol akilo iŋes, akitogogoŋio akikoŋiet ŋin, todaunos ŋakiro daadaŋ ŋuna ke epeget.

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.