Ŋibur. 2:11 - Ebaibul

¹¹ Iŋes ŋolo itesegi ŋitai kaapei ka ŋulu itesegunio, erae papa kec epei. Erae ŋakiro ŋun nyitimitor Yesu anyarare ikes ŋikaitotoi keŋ.

Ŋibur. 2:11 Iomraidhean Croise

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 28:10

Tolimok Yesu ikes tema, “Nyikibul, toloto tolimokisi ŋikaitotoi kaŋ toloto Galileya, akaanyuwarete ikes ayoŋ aina.”

Mar. 3:34

Kitek iŋes daadaŋ ŋulu aya nawae keŋ, tolimok tema, “Kiŋolikisi, lugu ikes erae toto kaŋ ka ŋikaitotoi kaŋ!

Mar. 8:38

Anerae ŋinituŋanan irumete ŋileec aŋuna kaŋ ka aŋuna a ŋakaakiro ananyamet a na a ŋina aloman ka a ŋina asecesecan; Lokoku a Ituŋanan daŋ irumete ŋileec aŋuna keŋ apaki ŋina eboŋunio iŋes ka apedor a Papa keŋ kaapei ka ŋimalaikan ŋulu ka Akuj.”

Luk. 9:26

Anerae ŋini irumito ŋileec aŋuna kaŋ ka aŋuna a ŋakaakiro, irumete Lokoku a Ituŋanan daŋ ŋileec aŋuna keŋ ŋina ebunio anapolou a ŋina a Papa ta ŋina a ŋimalaikan a ŋulu ka Akuj.

Yoa. 17:19

Aruwor ayoŋ ŋolo akatyakunitae aŋuna kec, ikotere toruworos ikes daŋ ŋulu seuna anakirot a ŋina a kire.

Yoa. 17:21

Elipit ayoŋ atemar toruworos ikes daadaŋ ŋipei. “Papa! [Ikwaŋinapei iyakar iyoŋ tooma kaŋ, ka ayoŋ daŋ tooma kon,] pena ikes tooma yok, ikotere enupi akwap atemar, ikiyakuunit iyoŋ ayoŋ.

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.

Ŋitic. 17:28

Anerae ebookoi ebe: ‘Ikiyari, ikilosi ka ikiya iwon aŋuna ka Akuj.’ Ikwaŋinapei ebaakatar ŋikegirak kus ŋice ebe, ‘Ikirae iwon kire ŋiletok keŋ.’

Ŋirom. 8:29

Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Ŋibur. 10:10

Aŋuna etiyaa Yesu Kristo ŋuna acamit Akuj iŋes kitiya, ikitesegun iwon anasecisya alotooma ainakin akeekuwan ainakinet apei ŋina itemokino jik.

Ŋibur. 10:14

Aŋuna ka amuronot ka apei, eturuwo iŋes ŋulu itesegunio anasecit ŋulu iyookino jik.

Ŋibur. 11:16

Nai arae akibois ŋina ajokan akilo eitanito ikes, akibois ŋina eyai nakuj. Aŋun, nyirumito Akuj ŋileec enyarito ikes iŋes Akuj kec, anerae etemok etaun aŋuna kec.

Ŋibur. 13:12

Ŋakiro ŋun, iŋes atwania Yesu daŋ alokiŋa Yerusalem, ikotere itesegi ŋituŋa anasecisya a ŋaokot keŋ ke elope.

Ŋibur. 2:14

Aŋuna eraakatar ŋituŋa ŋulu enyarit iŋes ŋidwe, ŋulu eya ŋawat ka ŋaokot, abu Yesu tomora ka ikes ekuwane ŋol; ikotere alotooma atwanare keŋ inyasuni Satan ŋolo epolokinit atwanare.

Ŋibur. 3:1

Ŋikaitotoi ŋulu adau Akuj anyarare, ŋulu iraakasi ŋulu keŋ! Totamatamata ŋuna a Yesu a ŋolo erae ekiyakia ŋolo ka Akuj ka erae Esacaradoti ŋolo Apolon nooi ŋolo ka anupit yok.