Ŋibur. 13:4 - Ebaibul

⁴ Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

Ŋibur. 13:4 Iomraidhean Croise

Akisy. 2:21

Kitojotoo Ekapolon Akuj ekile nooi, tosodi tolemu amaran keŋ apei, kimuleleya nen a akiriŋ.

Akisy. 2:24

Aŋakiro aŋun, eesikini ekile papa keŋ ka toto keŋ, tosodi kimorikinos ka aberu keŋ; toruworos ikes apeikuwan.

2 Ŋirw. 22:14

Apotu Ilikia ka Aikam ka Acibor ta Sapan kaapei ka Asaia toloto aanyun aberu ŋina anyaritae Ulida ŋina arae akadwaran, torae aberu a Sulam alokoku a Tikiba a ŋolo arae lokoku ka Arias a ŋolo edarit akabati a ŋilowi a ŋulu elipere. Eboi iŋes alo Yerusalem anatutubet a ŋina a ŋaarei alotooma ŋaomwon a akwap a Yudaya, aneni aloseneneete ŋituŋa aanyun iŋes.

Yob 31:12

Kikwaanikin ŋun ka akim ŋina ikinomiyari toloma nakibois a ŋikatwak kikwaanikin ŋun ka akim ŋina enyamuwari ibore kaŋ daadaŋ.

Isa. 8:3

Abu nai ayoŋ eryamakin ka aberu kaŋ ka abu topoti ka kidou ikoku ŋinisapat. Okolimok nai Ekapolon ayoŋ tema, “Tolimok iŋes ekiro ‘Toŋatasi atipei ka Toryatasi atipei.’

Ŋilep. 15:18

Ani kiryamakin ekile ka aberu, emaikina ikes ŋuluarei ŋul kiloŋaros, ido erubakinete erae ŋulu itoroniyaritae akitodol eboŋ.

Ŋilep. 18:20

Nyiryamakinosi ka aberu a eyenet kon, anerae iruwor iyoŋ ka iŋes ŋulu a ŋilam.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

1 Ŋikor. 6:18

Toŋero amalao. Nyetapito ŋasecisya ŋunace ŋuna itiyae ituŋanan akuwan keŋ, nai ituŋanan ŋini itiyae amalao, itiyae asecit nakuwan keŋ a ilope.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

1 Ŋikor. 7:38

Aŋun, ekile ŋolo iitari apese ŋina iikina akiito ka iŋes, itiyae ŋuna ajokak; nai ekile ŋolo nyiitari, itiyae ŋuna ajokak nooi.

1 Ŋikor. 9:5

Nyayakar mono ayoŋ apedor ŋina ryamunet aberu ŋina Kristoit orukito ka ayoŋ analosit kaŋ, ikwapei Ŋikiyakia ŋuluce ka ŋikaitotoi ŋulu ke Ekapolon ka Petero a?

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋigal. 5:19

Ileere aseconu ŋina itiya alotooma ituŋanan anakiro a nu: amalao, asiilyanut, adoteu,

Ŋigal. 5:21

akimanit, emeret, amatanu ŋagwe ka ŋace daŋ ŋuna ikote nenipei nen. Akalimokini tokona ayoŋ iyes ikwapei sek akalimokinitor: ikes ŋulu eyakatar ŋun, nyeyakaun Napukan ka Akuj.

Ŋiep. 5:5

Toyenete nai atemar emam ituŋanan ŋini amalaanan, asiilyanan kori ŋini arorokanan (anerae ikwaan arorokanut ka akilip akuj ace) ŋini eyakaun Napukan ŋina a Kristo ka Akuj.

Ŋikis. 22:22

Ani keryamun ekile eperete ka aberu a ekile a ece, emaikina ikes daadaŋ toarae, aŋun ilemarete iyes aronis alo Isirael.

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.

1 Tim. 3:12

Itemokino ŋikeŋarakinitok ŋulu a Ŋikristo toyakatar ŋaberu ŋapeipei ka topedorito akidar ŋikalya kec a ŋilopeyek ejok.

1 Tim. 3:2

Itemokino ekarikon ŋolo a Ŋikristo erae ŋolo nyitoronitae, ŋolo eyakar aberu apei, ŋolo etyamaarit, ŋolo ecayete ŋatameta, ŋolo ejokak ŋipitesyo, ŋolo ijaununui ŋituŋa lore keŋ ka ŋolo epedorit akitatam ejok.

1 Tim. 3:4

Itemokino iŋes erae ŋolo epedorit akidar ekal keŋ ke elope ejok ka ŋolo epedorit akituruwor ŋidwe keŋ ŋulu epupete ŋakiro ka ŋulu eyakatar akerit alopitesyo a daadaŋ.

1 Tim. 4:3

Itatamete ŋituŋa ŋul atemar erono akiitar ka akinyam ŋamuja ŋace. Nai erae ŋamuja ŋun ŋuna abu Akuj tosub, ikotere ŋituŋa ŋulu enupito ka toyenete ŋuna a kire imujete kedaut alakari neni ka Akuj.

1 Tim. 5:14

Aŋun, atami ayoŋ atemar emaikina ŋapuseru ŋuna eriŋa esorokaka kiitae, toryamut ŋidwe ka kidara ŋirerya kec, ikotere nai nyeryamut ŋimoi yok adiopaki ŋina ikitoroniyaryata iwon.

Tito 1:6

Itemokino ŋolokatukon kikoni ne: torae ŋolo nyitoronitae, toyakar aberu apei; tonupito ŋidwe keŋ Yesu Kristo ka nyelimitoe anakiro a ŋuna ka adedeŋu ka aŋerit akipup ŋakiro.

Ŋibur. 12:16

Nyitemokino idio kus eruwor ŋini emalaana kori ŋini ejamuwarit Akuj, ikwa Esau ŋolo abu kisyeca anakimujet ka apei bon apolou ŋina araakar iŋes esapat ŋolo kiyae.

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.