Ŋibur. 13:21 - Ebaibul

²¹ Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

Ŋibur. 13:21 Iomraidhean Croise

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

Ŋikiru. 138:8

Isiyoonokini Ekapolon acamit keŋ aneni kaŋ. Okoe Ekapolon, erubakini amina kon ŋina nyiryaŋiryaŋa ŋikaru ka ŋikaru. Nyimek ŋituŋa kon ŋulu ibu iyoŋ tosub.

Mat. 12:50

Anerae ituŋanan daadaŋ ŋini itiyae ŋuna ecamit Papa kaŋ ŋolo eyai nakuj, iŋes erae lokaato kaŋ, nakaato kaŋ ka toto kaŋ.”

Mat. 21:31

Ali alosapa a ŋuluarei a ŋul abu kitiya ŋuna acamit papa keŋ?” Toboŋokis ŋituŋa temasi, “Ŋolo apolon.” Tolimok Yesu ikes tema, “Akalimokini ayoŋ iyes kire atemar, elomarete ŋikerirak ocur ka ŋamalaae Napukan ka Akuj eriŋa iyes.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Mat. 7:21

“Meere ŋinituŋanan ebala ayoŋ ‘Ekapolon, Ekapolon,’ elomari Napukan ŋina anakuj, nai ŋini itiyae ŋuna ecamit Papa kaŋ ŋolo anakuj iŋes kitiya.

Yoa. 17:23

Ayai ayoŋ tooma kec, iyai iyoŋ tooma kaŋ, ikotere toruworos ikes ŋipei jik, ikotere nai toyenu akwap atemar ikiyakuunit iyoŋ ayoŋ ka atemar imina iyoŋ ikes, ikwaŋinapei ikiminar iyoŋ ayoŋ.

Yoa. 7:17

Ani keseu idiotuŋanan ŋuna ecamit Akuj, eyenuni iŋes erae kebunit akitatam na aneni ka Akuj, kori erae kerworo ayoŋ aŋuna ka apedor kaŋ bon.

Ŋirom. 11:36

Anerae abu iŋes tosub ŋiboro daadaŋ ka itorunito ŋiboro daadaŋ neni keŋ ka eyakasi aŋuna keŋ. Toyai apolou neni ka Akuj ŋikaru ka ŋikaru! Amen.

Ŋirom. 16:27

Toyai apolou ŋina nyedaun alotooma Yesu Kristo neni ka Akuj, a ŋina erae iŋes bon eos nooi! Amen.

2 Ŋikor. 9:8

Epedori Akuj ainakin iyes alotyae a ŋolo alalan adepar etyae ŋolo iitanito iyes, ikotere nai toyakatar iyes jwi jwi ŋinibore daadaŋ iitanito ka kilapara daŋ aŋuna a etic a ŋolo ajokan a daadaŋ.

Ŋigal. 1:5

Toyai neni ka Akuj apolou ŋina nyedaun ŋikaru ka ŋikaru! Amen.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.

Ŋipil. 2:11

ka itemokino daadaŋ tocamut alimor atemar erae Yesu Kristo Ekapolon. Alopite a lo itopolooryo Akuj Papa.

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

Ŋikol. 3:20

Ŋidwe, topupete ŋikauruunak kus alopitesyo a daadaŋ, anerae italakarito ŋun Akuj.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

1 Ŋites. 3:13

Alopite a ŋol, ikitogogoŋi iŋes iyes ka iruworosi iyes ŋulu iyookino ka ŋulu asegak alokiŋaren Akuj Papa yok, apaki ŋina etakanuniata Ekapolon Yesu kaapei ka ŋulu erae ŋulu keŋ.

1 Ŋites. 4:3

Ŋuna ecamit Akuj ikes nu: toruworos ŋulu isegak ŋulu itoodiuna anakiyar kus atemar irae ŋulu keŋ. Toŋero amalao;

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

2 Ŋites. 2:17

akisimukekin iyes ka akitogogoŋ iyes, ikotere kitiyata ka kirworo ŋakiro daadaŋ ŋuna ajokak.

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

2 Tim. 3:17

ikotere nai ituŋanan ŋini ka Akuj erae ŋini ilelebikina, ŋini etenit aŋuna a ŋiticisyo a ŋulu ajokak a daadaŋ.

2 Tim. 4:18

Akalakuni ayoŋ Ekapolon anaronis a daadaŋ ka akaiuni iŋes ayoŋ okoya Napukan keŋ ŋina anakuj. Toyai apolou ŋina nyedaun neni keŋ ŋikaru ka ŋikaru! Amen.

Ŋibur. 10:36

Itemokino totitinyikis, ikotere itiyaete ŋuna ecamit Akuj, ido tocamut ŋuna ikiikinit iŋes.

Ŋibur. 12:23

Ipotu iyes nacunakina ŋina ka alakara ŋina a ŋidwe a ŋulu ka Akuj a ŋulu kiyae, a ŋulu igiritae ŋirorwa kec nakuj. Ipotu iyes neni ka Akuj a ŋina erae akatubon a ŋituŋa a daadaŋ ka neni a ŋitai a ŋituŋa a ŋulu iyookino, a ŋulu aponi kituruworoe ŋulu asegak jik.

Ŋibur. 12:28

Aŋun, itemokino iwon olakara, anerae Apukan ŋina eryamunio iwon erae ŋina nyepedoryo akitamaranikin. Itemokino iwon olakaros elipa Akuj alopite a ŋolo italakari iŋes, alotooma akitiditeuna ka akerit,

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 4:2

Ameun tokona, nyeriŋa akiyar keŋ anakwap a na iwuapit ekibure ŋolo aronon, nai acamit ŋina ka Akuj.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

1 Yoa. 2:17

Edaun akwap ka ekibure keŋ; nai iŋes ŋini itiyae acamit ŋina ka Akuj, eropari jik.

1 Yoa. 3:22

Ikiryamuni iwon ŋinibore daadaŋ ikiŋisi iŋes, anerae ikiricakinit iwon Ŋakiciketa keŋ ka ikitiyae ŋuna italakarito iŋes.

Yud. 1:25

Neni keŋ, a ŋolo erae Akuj ŋina donupei, Ekaiunan yok alotooma Yesu Kristo Ekapolon yok, toyai akipuro, apolou, agogoŋu ka apedor, tari eriŋa nyesubuna akwap, tokona ka ŋikaru ka ŋikaru! Amen.

Akis. 4:6

Ayai nabo kiŋaren ekicoloŋ ŋol ibore ŋini ekoni anam ŋina a ŋakalilii, ŋini alilii ikwa aroet. Nawaetin ke ekicoloŋ, ayakasi ŋisubuna ŋiomwon ŋulu ayarete, ŋulu eryamito ŋakonyen kiŋaren ka kaku daŋ.

Akis. 5:13

Abu eira ŋolosubuna anakuj, anakwap ka anakwap a ŋikatwak ka ananam ta ŋinibore daadaŋ eyai tooma kec ebasi, “Toyai akipuro, akerit, apolou ka agogoŋu neni a ŋolo iboi alokicoloŋ ka neni a Imesek, ŋikaru ka ŋikaru!”

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.