Ŋibur. 13:20 - Ebaibul

²⁰ Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Ŋibur. 13:20 Iomraidhean Croise

2 Sam. 23:5

“Nyiyookino mono ŋituŋa a ekal kaŋ aneni ka Akuj a? Nyikicamuna mono Akuj ka ayoŋ anacamunet a ŋina a ŋikaru ka ŋikaru, a ŋina etemokin ka emam ituŋanan elemari a? Mam mono nyisiyookini iŋes aiuno kaŋ, ido okoinak ayoŋ ŋuna eitanit daadaŋ a?

1 Ŋakiro a ŋirwa 16:17

Abu Ekapolon kisiyook aŋuna a Yakob ŋuna aris iŋes ketubu ka neni a Isirael acamunet ŋina a ŋikaru ka ŋikaru.

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

Ŋikiru. 23:1

Akuj iŋes ekeyoki ayoŋ, a ŋun, emam ibore ecanakin ayoŋ.

Ŋikiru. 80:1

Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Awos. 24:8

Tolemu nai Moses ŋaokot ŋuna aya nabakulei towuasya ŋituŋa tema, “Erae ŋaokot nu ŋuna ka Acamunet a ŋina abunio Ekapolon tocamunotor ka iyes anakiro a nu a daadaŋ.”

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Isa. 63:11

Apotu nai ikes totamut ŋirwa ŋulu koloŋ, ŋirwa ŋulu a Moses a eketiyan a Akuj. Ai eyai ŋolo abu kitipeunio ikes ananam kaapei ka ŋikeyokok a ŋamesekin keŋ? Ai eyai ŋolo abu kiwuak etau keŋ ŋolo asegan tooma kec,

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Esek. 34:23

“Ewuakini ayoŋ ekeyokon epei kiyok ikes, ekeyokon ŋol iŋes Daudi eketiyan kaŋ, itani iŋes ŋamesekin kaŋ, iyokiuni ejok erae ekeyokon kec.

Esek. 37:24

“‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Esek. 37:26

Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Sakar 9:11

“Aŋuna ka acamunet kaŋ ka iyes, a ŋina ikicamunor iwon anakisitiya ŋaokot ŋuna a ŋamuronisya, alacakini ayoŋ ŋituŋa kus ŋulu eenitae, nyerubakinete ikes eenen anapanya a ŋuna emam ŋakipi.

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

Mar. 14:24

Tolimok Yesu ikes tema, “Erae nu ŋaokot kaŋ, ŋuna ka Acamunet, ŋuna ebukoritae ikotere ŋikalalak.

Luk. 22:20

Ikwaŋinapei kedaun akimuj, abu iŋes tolemu ekopo, inak ikes tema, “Erae logo ekopo ŋolo a ŋaokot kaŋ aŋuna ka Acamunet a ŋina kitete ŋuna ebukoritae ikotere iyes.]

Yoa. 10:11

“Arae Ayoŋ ekeyokon ŋolo ajokan. Ejali ekeyokon ŋolo ajokan akeekiyar aŋuna a ŋamesekin keŋ.

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Ŋitic. 13:30

Nai abu Akuj kiteyaru iŋes alokatwak

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

Ŋitic. 2:24

Nai abu Akuj kiteyaru iŋes alokatwak; tolacu iŋes anapipilu a ŋina ka atwanare, anerae pa apedori atwanare akien iŋes.

Ŋitic. 2:32

Eteyaru Akuj Yesu ŋolopei ŋol alokatwak ka ikirae isua daadaŋ ŋisuudae ŋulu a ŋakiro a ŋun.

Ŋitic. 3:15

Ido toara ekainakinan akiyar ŋolo abu Akuj kiteyaru alokatwak. Ikirae isua ŋisuudae ŋulu a ŋakiro a ŋun.

Ŋitic. 4:10

itemokino nai iyes daadaŋ ka ŋituŋa ŋulu a Isirael daadaŋ toyenut atemar, ewuoi ekile lo alokiŋaren kus eŋale nooi aŋuna ka apedor a ŋina ke ekiro a Yesu a ŋolo a Nasaret. Yesu ŋol, iŋes ŋolo ipotu iyes kibubukis lomusalaba, nai abu Akuj kiteyaru.

Ŋitic. 5:30

Abu Akuj atapapaa yok kiteyaru Yesu, ŋolo ipotu iyes kibubukis lomusalaba, toara.

Ŋirom. 1:4

Alopite a ŋolo ka akujuwuanut keŋ, erae iŋes ŋolo aseu Akuj aruwor Lokoku keŋ, aŋuna eteyarunere iŋes alokatwak anapedor a ŋina ka Akuj.

Ŋirom. 10:7

“Nyitema nabo daŋ, ŋae elosi Nakibois ŋina a ŋikatwak?” (iŋes atemar aŋuna ka ayaun Kristo alokatwak.)

Ŋirom. 15:33

Toyai neni kus daadaŋ Akuj ŋina erae alope ekisil. Amen.

Ŋirom. 16:20

Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

1 Ŋikor. 14:33

Anerae nyerae Akuj ŋina ke eguriguri, nai erae ŋina ke ekisil. Ikwapei itiyaere anatukon a Ŋikristo a daadaŋ,

1 Ŋikor. 15:15

Nabo daŋ, ikitakani isua esibit ikimodyanakini ŋituŋa ikirworo ŋuna ka Akuj, anerae aponi isua tolimonokinae ebe abu Akuj kiteyaru Kristo alokatwak. Nai pa kiteyarunit Akuj Kristo, iŋes kire atemar nyiteyarunio ŋikatwak.

1 Ŋikor. 6:14

Abu Akuj kiteyaru Ekapolon anatwanare, ikiteyaruni daŋ iŋes iwon anatwanare aŋuna ka apedor keŋ.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

2 Ŋikor. 4:14

Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ.

Ŋigal. 1:1

Ayoŋ Paulo ekiyakia egirit abaruwa na. Meere ŋituŋa ekeyakito ayoŋ kori meere lotuŋa itorunit anyarao kaŋ, nai itorunit neni a Yesu Kristo ka neni ka Akuj Papa, ŋolo abu kiteyaru Yesu alokatwak.

Ŋiep. 1:20

ŋina abu iŋes kisitiya apaki ŋina eteyarunia Kristo alokatwak ka kisiboik iŋes lowae keŋ ŋolo aloteten anakuj.

Ŋipil. 4:9

Kitiyata ŋuna ipotu iyes kisisaut ka kijaut ka toanyut aneni kaŋ. Eyakaun neni kus Akuj ŋina erae alope ekisil.

Ŋikol. 2:12

Anerae apaki ŋina ikibatisaere iyes, aponi itonuki iyes ka Kristo ka alobatisimu a ŋolopei, aponi ikiteyarun iyes ka Kristo aŋuna ka anupit kus a ŋina iyakatar iyes anapedor a ŋina ka Akuj, a ŋina abu kiteyaru Kristo alokatwak.

1 Ŋites. 1:10

nabo, irworosi epite ŋolo idaritotor iyes Lokoku keŋ bu anakuj--Yesu ŋolo abu iŋes kiteyaru alokatwak ŋolo ikiuni iwon ananyunyura a ŋina ebunit aneni ka Akuj.

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

2 Ŋites. 3:16

Ikilipit isua Ekapolon ŋolo ke ekisil ikiinak iyes ekisil jwi jwi alopitesyo a daadaŋ. Toyai Ekapolon neni kus a daadaŋ.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

Ŋibur. 9:20

Abu Moses tolimu tema, “Erae ŋaokot nu ŋuna ka Acamunet a ŋina icamunotor iyes ka Akuj.”

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.