Ŋibur. 13:2 - Ebaibul

² Nyikimuryak iyes aŋaunun ŋituŋa ŋulu gelae lorerya kus. Ayakasi ŋulu apotu kitiyata ŋun, ido apotu toŋaut ŋimalaikan pa eyenete atemar arae ikes ŋimalaikan.

Ŋibur. 13:2 Iomraidhean Croise

Akisy. 18:1

Totakanu Akuj neni ka Aburaam aneni alomit iŋes, alodiyete ŋikuyono ŋulu a Mamure; apaki ŋina eboiyo iŋes alotolim a epuke a eema keŋ aŋuna ka amwanis a akoloŋ.

Akisy. 19:1

Ani eboŋ, potu ŋimalaikan ŋuluarei ŋul Sodoma. Apaki ŋin, eboi Lot alopuke a Sodoma. Ani iŋolikini Lot ikes tokuraun kisiryam ikes, toryedik, kijuuru todol ereet kwap.

2 Ŋirw. 4:8

Akoloŋit apei, abu Elisa kitor Sunem neni ayai aberu ŋina abarit, tonyarau iŋes akimuj. Aŋun, ŋapakio daadaŋ ŋuna ameanakinia iŋes erot ŋolo etorit nakwap ŋin, ariyenene iŋes Sunem akimuj.

Yob 31:19

ani kemyekinit ayoŋ idiotuŋanan etwani aŋuna amamukatar ŋilowi, kori ituŋanan ŋini a ŋican ŋini amamukar ibore ŋini imukoror,

Yob 31:32

Nyimyekina ayoŋ igelaanot eperi lorot a etaun ejaununui ayoŋ ŋikalotok kai kaŋ.

Isa. 58:7

Aronenen ŋina acamit ayoŋ iŋes akimor akimuj kus ka ŋulu enyamit akoro, akijaun ŋulu a ŋican ŋulu emam ŋakais nakais kus, iŋes akitanap ŋulu iŋolikinete iyes emam ŋilowi ka alemar aŋopenen iŋolikinete ŋiyeneta kus.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Mat. 25:35

Anerae akanyamit ayoŋ akoro, ipotu iyes ikiinakis ayoŋ akimuj. Akanyamit ayoŋ akure, ipotu iyes ikitamat ayoŋ. Agelaana ayoŋ, ipotu iyes ikijaut ayoŋ.

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 25:43

Arae ayoŋ egela, nai ipotu iyes nyikijaut ayoŋ; aleri, nai nyikitanap iyes ayoŋ. Adyaka ka akaenitae alomabus, nai ipotu iyes nyikiŋoliut ayoŋ.’

Ŋitic. 16:15

Ani kibatisae iŋes kaapei ka ŋituŋa ŋulu ke ekal keŋ, itodyek isua tema, “Ani kire kitamete iyes atemar arae ayoŋ akanupan ŋina ke Ekapolon, potu kiboiyoto alokai kaŋ.” Abu iŋes ikitacamu isua alosit ka iŋes.

Ŋirom. 12:13

Tomora ŋiboro kus ka ŋikanupak ŋuluce ŋulu ekulyakaka ka toŋaununutu ŋituŋa ŋulugelae lorerya kus.

Ŋirom. 16:23

Ikimalae Gaio ŋolo eketepeyonit ayoŋ, ŋolo erae kai keŋ iryamiryameneneete Ŋikristo. Ikimalat iyes Erasto ŋolo erae ekeŋadan ŋisiliŋa ŋulu ke etaun alo ka lokaatokosi Kwarito.[

1 Tim. 3:2

Itemokino ekarikon ŋolo a Ŋikristo erae ŋolo nyitoronitae, ŋolo eyakar aberu apei, ŋolo etyamaarit, ŋolo ecayete ŋatameta, ŋolo ejokak ŋipitesyo, ŋolo ijaununui ŋituŋa lore keŋ ka ŋolo epedorit akitatam ejok.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

Tito 1:8

Itemokino iŋes erae ŋolo ijaununui ŋituŋa daadaŋ, tomina ibore ŋini ajokan daadaŋ. Itemokino iŋes erae ŋolo ecayete ŋatameta, ŋolo iyookino, ŋolo itoodiunito ŋipitesyo keŋ atemar iwuapit iŋes ŋakiro ŋuna ka Akuj; torae ŋolo iyokuuno bon.

1 Pet. 4:9

Kijaununos alorerya kus make emam eŋuriŋur.

3 Yoa. 1:5

Ekaakone ŋolo minat, irae iyoŋ ŋolo ajokan alotooma ŋuna itiyae iyoŋ neni a ŋikaitotoi, tari kerae ikes ŋigelae.