Ŋibur. 13:12 - Ebaibul

¹² Ŋakiro ŋun, iŋes atwania Yesu daŋ alokiŋa Yerusalem, ikotere itesegi ŋituŋa anasecisya a ŋaokot keŋ ke elope.

Ŋibur. 13:12 Iomraidhean Croise

Ŋilep. 24:23

Abu nai Moses kirwor ŋakiro ŋun neni a Ŋisirael, ido apotu ikes yaasi ekeyanyan ŋol kiŋa alomar tocaka a ŋamoru. Kitiya ikes lopite ŋolo ecikitor Ekapolon Moses.

Ekim. 15:36

Abu nai atukot a Ŋisirael a daadaŋ yaut ekile ŋol kiŋa alomar, tocaka iŋes a ŋamoru, lopite ŋolo sek ecikitor Ekapolon Moses.

Luk. 4:29

Tonyout ikes, kijukasi iŋes kiŋa etaun, torikosi iŋes nakope ŋina ke emukura a ŋolo adukitoe etaun, anerae acamito ikes akimasar Yesu a nen.

Yoa. 17:19

Aruwor ayoŋ ŋolo akatyakunitae aŋuna kec, ikotere toruworos ikes daŋ ŋulu seuna anakirot a ŋina a kire.

Yoa. 19:34

Nai kicum esigarit epei ka akwara Yesu losyep; toleleut atipei ŋaokot ka ŋakipi anakicuma.

Ŋitic. 7:58

Kitunyasi iŋes kiŋa etaun Yerusalem, tocaka a ŋamoru. Apotu ŋisuudae ŋulu a ŋakiro a ŋun kicikakis ŋilowi kec neni ke esorokit a ŋolo anyaritae Saulo.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

Ŋibur. 10:10

Aŋuna etiyaa Yesu Kristo ŋuna acamit Akuj iŋes kitiya, ikitesegun iwon anasecisya alotooma ainakin akeekuwan ainakinet apei ŋina itemokino jik.

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

Ŋibur. 2:11

Iŋes ŋolo itesegi ŋitai kaapei ka ŋulu itesegunio, erae papa kec epei. Erae ŋakiro ŋun nyitimitor Yesu anyarare ikes ŋikaitotoi keŋ.

Yos. 7:24

Abu nai Yosua kaapei ka Ŋisirael daadaŋ tocunasi Akan lokoku a Sera ka esilipa, elou ŋolo aoyan ŋol, egolid ŋidwe keŋ ŋulusapa ka ŋulupesur, ŋimoŋin, ŋisigirya, ŋamesekin, eema ka ibore daadaŋ ŋini ayakar iŋes. Yaarae daadaŋ nakadipaalat ŋina enyaritae Akor.

Akis. 14:20

Aponi tocuunae ŋaraito ŋun anacuet alokiŋa etaun ŋolo apolon, toleleut ŋaokot anacuet, toleleiyasi ŋakilomitae ŋamiae ŋauni ka arae acukul kec alokwap ŋamitae ŋaarei.