Ŋibur. 12:9 - Ebaibul

⁹ Atapapa yok ŋulu ikiuruunete iwon, ikisicanete ikes iwon, ido okera iwon ikes. Etya nai ai akerit ŋina itemokino iwon okeritotor Papa yok ŋolo eyai nakuj, ikotere oyara!

Ŋibur. 12:9 Iomraidhean Croise

Yob 12:10

Napedor ŋina ka Akuj iŋes eyai akiyar a ŋinibore a daadaŋ a ŋini eyari ka ekieŋanu ŋolo eyaryata ŋituŋa daadaŋ, erae neni ka Akuj ebunitor.

Awos. 20:12

“Tokerite ŋinituŋanan papa keŋ ka toto keŋ, ikotere tolalata ŋirwa ŋulu iboiyoto iyes anakwap a ŋina ikiini Ekapolon Akuj kus.

Ŋakit. 30:17

Ituŋanan ŋini ite papa keŋ ejamuwarit, ido tojamuwarite akiwuap ŋakiro a toto keŋ, editarete ŋikurukwa ŋakonyen keŋ anakadipaalat, enyamete ŋataruk akuwan keŋ.

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Isa. 38:16

“Okoe Ekapolon, eyarete ŋituŋa tari anakiro a ŋuna ikote nu, etau kaŋ daŋ eyai napodo ŋina ikoni ŋin. Okoe kitaŋaleunoe ayoŋ ka kituruworoe ayoŋ ŋolo apedori akiyar.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 45:10

Ekaŋ iyoŋ ŋini ilimokini papa ebe, ‘Ŋae iuru iyoŋ?’ Kori iyoŋ ŋini ilimokini aberu ebe, ‘Nyo mono iryeba iyoŋ akidoun?’ ”

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Esek. 22:7

Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Ŋilep. 19:3

Emaikina ŋinituŋanan alokidiŋ kus kitopoloorite toto keŋ ka papa keŋ, ido totamunite akoloŋit ŋina a Sabato. Arae ayoŋ Ekapolon Akuj kus.

Sakar 12:1

Erae nu ŋakiro a Ekapolon aŋuna a Isirael, ŋakiro a Ekapolon a ŋolo abu tosub kidiama lopite ŋolo eyakar, tosub akwap, ido inak akiyar neni a ituŋanan. Ebala iŋes ebe,

Mal. 1:6

Ebala Ekapolon ŋolo Etiron neni a ŋisacaradotin ebe, “Itopoloorit ikoku ŋinisapat papa keŋ ka itopoloorit eketiyan ekapolon keŋ. Arae ayoŋ papa kus, kaanukiro nyikitopolooritotor iyes ayoŋ? Arae ayoŋ Ekapolon kus, kaanukiro nyikikeritotor iyes ayoŋ? Ikijamuwarito iyes ayoŋ, ido ibasi iŋitasi ebe, ‘Alipite ikijamuwarya isua iyoŋ?’

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Ekim. 27:16

“Elipi Ekapolon Akuj ŋina a ŋitai a ŋituŋa a daadaŋ, toseu ituŋanan ice ŋini epolokini atukot a Ŋisirael,

Luk. 18:2

Tolimu iŋes tema, “Ayai lotaun ece ekatubon ŋakiro ŋolo pa akerit Akuj ka pa amisit ŋituŋa.

Luk. 18:4

Abu ekatubon ya apaki ŋina aoyan nyetyaka ŋakiro; nai ani ekaku, totamu iŋes tema, ‘Tari pa kakerit ayoŋ Akuj kori ŋituŋa,

Yoa. 3:6

Ŋini idounitoe ka akuwan erae akuwan; ŋini idounitoe a Etau a ŋolo ka Akuj, erae etau.

Ŋitic. 2:30

Ayeni Daudi atemar, aris Akuj kikoŋ atemar eturuwori lopapait keŋ epei erwosit, kilunyokin lokicoloŋ keŋ.

Ŋirom. 1:3

Erae ŋakiro ŋun ŋuna a Lokoku ka Akuj a ŋolo erae Yesu Kristo Ekapolon yok. Alokuwane, erae iŋes eletonit ŋolo a Daudi.

Ŋirom. 9:3

Kerae ca opedori ayoŋ akiŋarakin ikes, kacamu daŋ aŋuna kec ekecen Akuj ka okotyakar aneni a Kristo!

Ŋirom. 9:5

Erae ikes ŋiletok ŋulu atapapaa yok a ŋulu apolok nooi a ŋulu elimokinitae ŋirorwa kec lokabilae a ŋituŋa ka Kristo daŋ alopite a ŋolo araakar iŋes ituŋanan, arae ŋolo anateker kec. Kipuroe Akuj ŋina ipukat daadaŋ, ŋikaru ka ŋikaru! Amen.

Ŋikis. 27:16

“‘Ilamam ituŋanan daadaŋ ŋini nyitopoloorit papa keŋ ka toto keŋ’ Eboŋokinete ŋituŋa daadaŋ temasi, ‘Kiyookin ŋun.’

Yak. 4:10

Kitiditeunos alokiŋaren Ekapolon, ido ikitopoloori iŋes iyes.

Yak. 4:7

Aŋun, inakinos neni ka Akuj. Kitepega Satan, eemi iŋes aneni kus.

1 Pet. 5:6

Aŋun, kitiditeunos iyes anakan a ŋina ka apedor a ŋina ka Akuj, ikotere nai ikitopoloori iŋes iyes apaki ŋina ecamitor iŋes.

Akis. 22:6

Okolimok emalaika ayoŋ tema, “Iyookino ŋakiro ŋun erae ŋuna a kire, ŋuna epedoryo akikinyom. Abu Ekapolon Akuj, ŋina einanakini etau keŋ neni a ŋikadwarak, kiyakiu emalaika keŋ akitoodikin ŋiketiyak keŋ ŋakiro ŋuna itemokino kitiyakin anapaki a ŋina eapi.”