Ŋibur. 12:4 - Ebaibul

⁴ Alotooma ejiye kus ka asecit, eriŋa iyes nyejiyo akitodol natwanare.

Ŋibur. 12:4 Iomraidhean Croise

Mat. 24:9

“Ikikamunete ikes iyes ikisican ka itaari; ikiremokinosi iyes ŋituŋa daadaŋ aŋuna ke ekiro kaŋ.

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

Ŋipil. 2:8

Alotakane keŋ arae ituŋanan, abu kitiditeun, ido kiwuap ŋuna acamit Akuj tari natwanare keŋ--atwanare keŋ alomusalaba.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 13:13

Aŋun, itemokino iwon oloto kiŋa neni keŋ, nakibois ŋina nyiboiyoto ŋituŋa, ido omora ŋileec ŋulu abu iŋes toryamu.

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 17:6

Abu oanyuwa aberu ŋin emerete ŋaokot ŋuna a ŋituŋa a ŋulu ka Akuj ka ŋuna a ŋulu kearyo aŋuna kenupitotor Yesu. Ani eŋolikini ayoŋ iŋes, abu okobul nooi.

Akis. 18:24

Aponi Babilon kisicanae, anerae aponi toryamunae ŋaokot ŋuna a ŋikadwarak ka ŋuna a ŋituŋa a ŋulu ka Akuj aneni keŋ; ŋaokot a ŋituŋa daadaŋ a ŋulu aaryo anakwap.

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.