Ŋibur. 12:3 - Ebaibul

³ Totamatamata epite ŋolo abunio iŋes todaŋia amoitanut a ŋikasecak, ikotere nyikiup, ido itokadak.

Ŋibur. 12:3 Iomraidhean Croise

Ŋakit. 24:10

Ani kirae iyoŋ ŋini ipatak alorwa a ŋulu a ŋican, irae iyoŋ kire jik ituŋanan ŋini sek ipatak tari ka aŋorot.

Isa. 50:4

Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Mat. 11:19

Abu Lokoku a Ituŋanan, imuji ka emasi, ebasi ŋituŋa, ‘Kiŋolikisi ekadakan ka ekameran, ekone a ŋikerirak ocur ka ŋikasecak!’ Nai aosou ŋina ka Akuj itoodiunitae erae ŋina a kire aloticisyo keŋ.”

Mat. 12:24

Nai ani iirarete Ŋiparisayon ŋakiro ŋun temasi, “Iritanari ekile ŋol ŋipyan, anerae einakinit Belesebul ŋolo erae ekapolon a ŋipyan iŋes apedor.”

Mat. 15:2

“Nyo nyiwuapitotor ŋikasyomak kon ŋitalyo ŋulu atapapaa yok? Anerae nyilotanarete ikes ŋakan kec eriŋa nyimuja!”

Mat. 21:23

Ani elomari Yesu Kai ka Akuj, potu ŋisacaradotin ŋulu apolok ka ŋikatukok neni keŋ apaki ŋina etatamya iŋes, kiŋita temasi, “Anipedor iyakar iyoŋ, ŋina itiyaa ŋakiro nu? Ŋae ikiinakinit iyoŋ apedor na?”

Mat. 21:46

Nai ani ikatakinete ikes akikamun Yesu, tokuryaketa aŋuna a ŋasepico a ŋituŋa a ŋuna atamete atemar erae Yesu ekadwaran.

Mat. 22:15

Toloto Ŋiparisayon totukut alokun Yesu anakiro a ŋuna erworo.

Luk. 14:1

Ani akoloŋit ŋina a Sabato elomari Yesu akimuj kai ke ekepukan ke ece a ŋolo arae Eparisayot, kiteut Ŋiparisayon iŋes.

Luk. 15:2

Tolomakis Ŋiparisayon ka ŋiketatamak a Ŋikisila akiŋuruŋura ebasi, “Okoe! Abe erukito bo ituŋanan en ka ŋikasecak, nabo imujete ka ikes!”

Luk. 16:14

Ani iirarete Ŋiparisayon ŋulu aminasi ŋisiliŋa ŋakiro ŋun daadaŋ, tojamuwasi iŋes.

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Luk. 5:21

Apotu ŋiketatamak a Ŋikisila ka Ŋiparisayon kiŋitas make temasi, “Ŋae ŋini iyanyi Akuj ikona en? Emam ituŋanan ŋini epedori akisyon ŋasecisya, mati Akuj bon!”

Yoa. 10:20

Temasi ŋulu alalak, “Eyai ekipye neni keŋ! Kiruma ŋikerep iŋes! Nyo epupere ŋakiro keŋ?”

Yoa. 18:22

Ani kedau Yesu alimun ŋakiro ŋun, abu epei alokidiŋ ŋiketeok kibap iŋes tema, “Ikokini iyoŋ irworo neni ke esacaradoti a ŋolo apolon ikoŋina ai?”

Yoa. 5:16

Apotu ŋikarikok kitidiŋa Yesu, anerae abu kitiya ŋun akoloŋit ŋina a Sabato.

Yoa. 7:12

Alal nooi anasuban akiŋaiŋaa ŋina a ŋituŋa aŋuna keŋ. Abasi ŋice, “Erae iŋes ekile ŋolo ajokan.” Ŋice abasi, “Emam, ibatarit iŋes ŋituŋa.”

Yoa. 8:13

Tolimokis Ŋiparisayon Yesu temasi, “Iteyenun iyoŋ bon. Akiteyenuna kon erae amodiyo.”

Yoa. 8:52

Tolimokis Ŋiyudayan Yesu temasi, “Kire ikidau isua tokona aanyun atemar eyai ekipye neni kon. Abu Aburaam totwan, totwaka tari ŋikadwarak daŋ; nai ibala iyoŋ ebe ‘Ŋini iricakini ŋakiro kaŋ, nyetwani jik.’

Yoa. 8:59

Kideput Ŋiyudayan ŋamoru ecamito acakya iŋes, nai abu Yesu toŋop, tosi alo Kai ka Akuj.

Yoa. 9:40

Kiirasi Ŋiparisayon ŋice ŋulu aya diyete keŋ ŋakiro ŋun, kiŋita ikes Yesu temasi, “Ibala tokona iyoŋ ikimudukaka isua daŋ a?”

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

2 Ŋikor. 4:1

Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit.

2 Ŋikor. 4:16

Aŋun, nyikiupi isua atitinyikinit. Tari kiyosete iwadio ŋawat kosi amunaar, nai iteteununuyo ŋitai kosi a ŋinakoloŋit.

Ŋigal. 6:9

Nyitemokino iwon ikiup akitiya ŋuna ajokak, anerae ani pa kikiesik iwon akitiya ŋuna ajokak, edoluni apaki ŋina ikiryamunia iwon akilem ŋina ajokan.

Ŋikis. 20:3

tolimok ikes ŋakiro nu: “Kiirasi, okoe Ŋisirael! Nakoloŋit na aapuu iyes akitijikin ŋimoe kus. Totitinyoto, kori nyikuryaketa, kori nyikibul, kori nyikera ikes,

2 Ŋites. 3:13

Ŋikaitotoi, nyikiup akitiya ŋuna ajokak.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 12:5

Ikimuryakis mono iyes ŋakiro ŋuna irworo Akuj neni kus ikitumunikinit ikwapei ŋidwe keŋ a? “Lokoku, nyimenit akisicanet ŋina ikisicania Ekapolon iyoŋ, kiurya nyikikadak ikibuŋae iŋes iyoŋ.

Ŋibur. 3:1

Ŋikaitotoi ŋulu adau Akuj anyarare, ŋulu iraakasi ŋulu keŋ! Totamatamata ŋuna a Yesu a ŋolo erae ekiyakia ŋolo ka Akuj ka erae Esacaradoti ŋolo Apolon nooi ŋolo ka anupit yok.

1 Pet. 2:23

Apaki ŋina eyanyere iŋes, nyemoro iŋes idiotuŋanan, apaki ŋina esicanere iŋes, pa abu kitukuryan idiotuŋanan, nai abu inakin neni ka Akuj a ŋina etubi ŋakiro iyookino.

Akis. 2:3

Ititiny iyoŋ, iryamu iyoŋ ŋican aŋuna kaŋ ka nyeupa iyoŋ.

1 Sam. 12:24

Kitopoloosi kire iyes Ekapolon, kitiyanakisi iŋes anakikinyomit a ŋitai kus a daadaŋ; totamutu ŋakiro ŋuna apolok nooi ŋuna etiya Ekapolon aŋuna kus.