Ŋibur. 12:27 - Ebaibul

²⁷ Isileereunito ŋakiro ŋuna ebookoi “Apeikitamaranikinet” ebe itamaranikinio ka elemaryo ŋisubuna daadaŋ, ikotere nai idoŋi ibore daadaŋ ŋini nyepedoryo akitamaranikin.

Ŋibur. 12:27 Iomraidhean Croise

Isa. 34:4

Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Isa. 54:10

Epedorete ŋimoru aŋopiyar ka epedoryo ŋikamukumukui alemar, nai nyalemari ayoŋ amina kaŋ ŋina nyiryaŋiryaŋa aneni kon, nyepedoryo alemar aneni kon acamunet kaŋ ka iyoŋ ŋina ke ekisil. Alimu Ekapolon ŋolo ikisyonit iyoŋ ŋakiro ŋun.

Isa. 65:17

“Eapi ayoŋ asubun nakuj ŋinakitete ka akwap ŋinakitete, nyetamunio nabo ŋiboro ŋuluŋorok, kori nyerubakinete eya natameta.

Isa. 66:22

Erubakinio enyaritae ekiro kus ka ŋiletok kus lopite ŋolo erubakiniata nakuj ka akwap ŋunakitet eyakasi.

Esek. 21:27

Ibore koŋin! Ibore koŋin! Eturuwori ayoŋ iŋes ibore koŋin! (Nyituruworyo iŋes ŋinapei ibore koŋin,) akitodol ŋina ebunio ŋini aseu ayoŋ akisican iŋes; neni a ŋin iŋes epotokini ayoŋ etaun ŋol.’ ”

Agai 2:21

“Tolimok erwosit ŋolo a Yudaya Serubabel atemar eapi ayoŋ akiiŋiiŋakin nakuj ka akwap,

Mat. 24:35

Edaunosi nakuj ka akwap, nai nyedaunosi ŋakaakiro jik.

Ŋirom. 8:19

Idarito nooi ŋisubuna daadaŋ apaki ŋina iseleereunio Akuj ŋidwe keŋ.

Ŋirom. 8:21

ebe apeikoloŋit, elacakinio ŋisubuna daadaŋ alotooma apitoonut kec ŋina ka abosiyar, ido tomora ka ŋidwe ka Akuj alacakina ŋina ka apolou kec.

1 Ŋikor. 7:31

Itemokino ŋituŋa ŋulu isitiyaete ŋiboro ŋulu ka akwap a na, kiboiyoto esibit nyidaŋakina ikes loboro ŋul. Anerae epite ŋolo eyakar akwap na tokona, esaluni.

Ŋibur. 1:10

Igiritae nabo a Nakigireta aŋuna keŋ ebe, “Ekapolon, iyoŋ koloŋ isubuni akwap anakisyakinet ka iyoŋ pei ibu tosub nakuj.

Ŋibur. 13:14

Anerae emam iwon ere anakwap a na ŋolo epedorere iwon akiboiyo ŋikaru ka ŋikaru; nai ikiitanit iwon nooi aryamun ere ŋolo ebuni rwanu.

Ŋibur. 9:11

Nai adau Kristo abunore ŋolo erae Esacaradoti ŋolo Apolon nooi, ŋolo a ŋakiro a ŋuna ajokak a daadaŋ a ŋuna a tokona. Adau iŋes alomar loeema ŋolo apolon, ŋolo asegan akilo, ŋolo nyitiyaunito ŋituŋa, iŋes atemar nyimarakinitae iŋes losubuna ŋulu ka akwap a na a ŋina asubunio.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 21:1

Abu nai oanyuwa nakuj ŋina kitete ka akwap ŋina kitete. Apotu nakuj ŋina esyaunan ka akwap ŋina esyaunan toŋopiasi; toŋopia anam daŋ.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”

Akis. 21:5

Tolimu nai ŋolo eboi alokicoloŋ a ŋolo ka apolou tema, “Kiŋolik! Tokona eturuwo ayoŋ ŋiboro daadaŋ ŋikitet!” Abu iŋes nabo okolimok ayoŋ tema, “Kigir ŋun, anerae erae ŋakiro ŋuna a kire ŋuna epedoryo akikinyom.”