Ŋibur. 12:25 - Ebaibul

²⁵ Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 12:25 Iomraidhean Croise

1 Ŋirw. 12:16

Ani eyenunete Ŋisirael daadaŋ atemar aŋer erwosit akiirar ŋakiro kec, toboŋokis ikes erwosit temasi, “Nyo mono yok kona ejok eyai neni a Daudi? Mam ibore emaikina eruwor ŋini yok aneni a lokoku a Yese. Iyes Ŋisirael, emaikina ŋinituŋanan toboŋo lore keŋ! Okoe Daudi kite tokona ŋituŋa a ekal kon ke elope!” Aŋun, apotu Ŋisirael toboŋosi lorerya kec.

2 Ŋakiro a ŋirwa 7:19

“Nai ani kikiŋer iyoŋ ayoŋ, kimyek ŋakiro ŋuna atubunit ayoŋ aŋuna kon ka ŋakiciketa kaŋ ŋuna akainak iyoŋ, ido tolot akitiyanakin ŋakujo ŋace ka kilip neni kec,

Awos. 16:29

Toyenutu nu atemar, adau Ekapolon ainakin iyes akoloŋit ŋina a Sabato akieŋunia. Ŋakiro ŋun nai abunio iŋes ikiinak iyes akimuj ŋina a ŋirwa a ŋiarei akoloŋit ŋina a ŋakanikapei. Emaikina ŋinituŋanan kieŋu akoloŋit ŋina a ŋakanikaarei aneni iboiyo, mam ituŋanan emaikina toloma kiŋa.”

Awos. 20:22

Tema Ekapolon neni a Moses, “Tolimok Ŋisirael ŋakiro nu ebe, ‘Idaut iyes ŋikulepek aanyun atemar adau ayoŋ akirwor neni kus anakuj.

Ŋakit. 1:24

Akanyarit ayoŋ iyes ŋinapei aponare neni kaŋ, nai nyicamito iyes aponare, abu ayoŋ ekesican iyes, nai nyimyekina iyes akitiya aronis,

Ŋakit. 1:32

anerae etwakete ŋibaŋaanotin aŋuna ka abaŋao kec. Emunyanarete ŋimasimas ŋituŋa ŋulu nyeyenete epite ŋolo iuryarotor make.

Ŋakit. 13:18

Akulyako ka amamukau ajokis alotuŋa a ŋuluce, erae ŋuna a ŋulu eŋerito akitatamo akitiya ŋuna ajokak. nai itopoloorete ŋituŋa ituŋanan ŋini ecamit akitatamo toesik akitiya ŋuna aronok.

Ŋakit. 15:32

Ituŋanan ŋini nyiiranari ŋakiro ŋuna elimonokinio iŋes atemar toesik, ejamuwara bon, nai ituŋanan ŋini eesyanakini ŋakiro ŋuna elimokinio iŋes atemar toesik, eryamuni ayenut.

Ŋakit. 8:33

Topupokisi ŋakiro ŋuna eketatami ayoŋ iyes ka toosok, nyijamakis ŋakiro ŋun.

Isa. 48:6

“Idaut iyes akiirar ka akiŋolikin ŋun daadaŋ, nyipedorete tokona iyes alimor ŋakiro ŋun a? Ameun tokona ekesiirari ayoŋ iyes ŋakiro ŋunakitet, ŋakiro ŋuna sek ewuaitae, ŋuna nyeyenuna iyes.

Isa. 64:9

Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Yer. 11:10

Aboŋokis ikes akitiya ŋuna aronok lopite ŋolo etiyaata atapapaa kec alorwa a ŋulu a koloŋ, apotu atapapaa kec toŋero akiwuap ŋakiro kaŋ. Aloto ikes akitiyanakin ŋakujo ŋace. Aŋero ŋituŋa a Isirael ka ŋituŋa a Yudaya acamunet ŋina abu ayoŋ ocamunotor ka atapapaa kec.

Esek. 5:6

Nai aŋero ŋituŋa keŋ akiwuap ŋuna atubunit ayoŋ ka aŋero akiwuap Ŋikisila kaŋ, aruwor ikes ŋulu eroko nooi akilo ŋulu a ŋakwapin a ŋunace, aŋero ikes akiwuap ayoŋ, aroketa ikes akilo tari ŋulu a ŋakwapin a ŋuna eya nawaetin kec, aŋero ikes ŋuna atubunit ayoŋ, awout akiwuap Ŋikisila kaŋ.

Sakar 7:11

Nai apotu ŋituŋa towout akiirar ŋun, apotu nyecamut akiwuap ŋakiro kaŋ.

Ekim. 32:15

Ani kiŋero iyes akiwuap ŋuna ke Ekapolon, imyekini nabo iŋes Ŋisirael analoŋisat ka emunyari ŋituŋa lu daadaŋ.”

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”

Mat. 8:4

Kicik Yesu iŋes tema, “Nyilimok idiotuŋanan, nai tolot kitoodiyar neni ka esacaradoti, ikisyem iŋes iyoŋ, ido tolemu ainakinet ikwaŋina icikakinitor Moses, ikotere toanyunia ŋinituŋanan atemar isegu iyoŋ.”

Ŋitic. 7:35

“Arae lo Moses ŋolopei apotu Ŋisirael toŋero apaki ŋina aponiata tolimokis iŋes temasi, ‘Ŋae ikituruwori iyoŋ ekepukan ka ekatubon ŋakiro kosi?’ Iŋes pei abu Akuj alope kiyakiya neni kec aruwor ekepukan ka ekalakunan kec, alorwor a emalaika a ŋolo atakanikinit iŋes anamoni.

Ŋikis. 18:19

Ituŋanan daadaŋ ŋini nyiwuapi ŋakiro ŋuna elimuni ekadwaran alokiro kaŋ, ayoŋ elope esicani iŋes.

Ŋikis. 30:17

Nai kiŋero iyes akiwuap ŋakiro ka Akuj, towout akiirar, ido tocamut akitooliyoro, kilipa neni a ŋakujo ka kitiyanakis ikes,

Ŋikis. 4:36

Abu iŋes ikisiira iyes etoil keŋ ŋolo abunit alokidiama, ikotere iyes iwuapete ŋuna iyookino. Abu iŋes ikitoodik iyes arira keŋ ŋina apolon nooi, ido ipupete iyes etoil keŋ ŋolo abunit anarira.

1 Ŋites. 5:15

Nyitemokino iyes itacakinete aronis kan aronis, nai ŋarwa daadaŋ kikatakisi akitiya ŋuna ajokak alokidiŋ kus make ka alotuŋa a daadaŋ.

2 Tim. 4:4

Eŋerete ikes apupokin ŋakiro ŋuna a kire, ido elosikinete akipup ŋiemuto ŋulucaryo.

Ŋibur. 1:1

Koloŋ sek, abu Akuj kirwor neni atapapaa yok alotooma ŋikadwarak ŋarwa ŋakalalak, alopitesyo a ŋulu agelegelya;

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

Ŋibur. 12:19

Ayai daŋ nen eruye ŋolo ka arupepe ka ecelet ece ŋolo ke etoil. Ani iirarete ŋituŋa etoil ŋol, todyeka atemar nyiirasi nabo etoil ece;

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Ŋibur. 3:17

Arae ataŋae koloŋ aŋoikinit Akuj ŋikaru ŋatomoniomwon? Arae ŋituŋa ŋulu asecito, ŋulu apotu totwaka analoŋisat.

Ŋibur. 8:5

Etic ŋolo eraakatar ikes ŋisacaradotin erae akituput ka erae daŋ etorube a ŋuna itiyao anakuj. Ikwaan ŋakiro ŋun ka ŋuna a Moses. Ani eapuuni iŋes adukokin eema ŋolo ka Acamunet, tolimok Akuj iŋes tema, “Kitiya ibore daadaŋ lopite ŋolo ikitoodikinitere iyoŋ alomoru.”

Yos. 22:15

Ani edolete ikes Gilead neni a ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase, temasi,

Yos. 22:16

“Ikiŋisito iyes ŋituŋa daadaŋ ŋulu a Ekapolon ebe, ‘Anukiro aronok nu ŋuna itiyata iyes neni ka Akuj a Ŋisirael, ŋuna iŋeryoto akiwuapit Ekapolon, anerae iduko aŋuna kus Namuroet erae ŋinaŋeryet Ekapolon?

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

Akis. 22:9

Nai tema iŋes neni kaŋ ebe, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon ŋikadwarak ta ŋulu daadaŋ ŋulu iwuapito ŋakiro ŋuna ke ekitaabo a lo. Kilip neni ka Akuj!”