Ŋibur. 12:23 - Ebaibul

²³ Ipotu iyes nacunakina ŋina ka alakara ŋina a ŋidwe a ŋulu ka Akuj a ŋulu kiyae, a ŋulu igiritae ŋirorwa kec nakuj. Ipotu iyes neni ka Akuj a ŋina erae akatubon a ŋituŋa a daadaŋ ka neni a ŋitai a ŋituŋa a ŋulu iyookino, a ŋulu aponi kituruworoe ŋulu asegak jik.

Ŋibur. 12:23 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Ŋikiru. 111:1

Kipuroe Ekapolon! Alakar ayoŋ neni ke Ekapolon a etau kaŋ a daadaŋ, anatukot a ŋulu iyookino ka aneni ilipyata ŋituŋa.

Ŋikiru. 69:28

Kikisa ikes alokitaabo a ŋolo ka akiyar, nyemaikina ikes igiritae kaapei ka ŋulu iyookino.

Ŋikiru. 89:27

Eturuwori daŋ ayoŋ iŋes lokoku kaŋ ŋolokiyae ka eturuwori ayoŋ iŋes erwosit ŋolo itopolooritae nooi alorwosi a ŋulu ka akwap.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Ŋikiru. 94:2

Tonyou kareca, okoe ekatubon a ŋakiro a ŋituŋa, kisican ŋiketurok lopite ŋolo emaikina kisicanere.

Ŋikiru. 96:13

alokiŋaren Ekapolon, anerae ebuni iŋes atubokin ŋituŋa. Etubokini iŋes akwap anakiyookino ka etubokini iŋes ŋituŋa alotooma ŋuna a kire.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Awos. 13:2

“Kitaleu ŋikiyae ŋulusapa neni kaŋ. Isapat daadaŋ ŋini aŋaari akook a Asiraelit, kori ibarasit ŋini kiyae alobaren kus erae ŋini kaŋ.”

Awos. 32:32

Nai tokona, akadyekit ayoŋ iyoŋ kisyoni asecit kec ŋin, ani pa kisyon, kikisa ekiro kaŋ alokitaabo a ŋolo igirit iyoŋ ŋirorwa a ŋituŋa.”

Awos. 4:22

Emaikina nai iyoŋ tema neni a Parao, ‘Ŋakiro ŋuna irworo Ekapolon ikes nu: Erae Isirael lokoku kaŋ ŋolo kiyae,

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Luk. 10:20

Nai nyilakarosi aŋuna ireuniata iyes ŋipyan, nai itemokino iyes tolakara aŋuna igiritere ŋikusirorwa nakuj.”

Yoa. 5:27

Adau iŋes ainakin Lokoku apedor ŋina tubokinet, anerae erae iŋes Lokoku a Ituŋanan.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

1 Ŋikor. 13:12

Ibore ŋini ikite iwon tokona ikoni etorube ŋolo emuimui anaroet, nai moi, ikianyuni iwon Akuj; ŋuna ayeni ayoŋ tokona erae ŋuna eriŋa nyirikakina, nai moi, ayenuni ejok lopite ŋolopei akayenia Akuj ayoŋ.

1 Ŋikor. 15:49

Ikwapei ikikwaanar tokona iwon ka ituŋanan ŋini asubunio analup, ikwaŋinapei, ikikwaanikin iwon ka ituŋanan ŋini anakuj.

1 Ŋikor. 15:54

Aŋun nai, kedau akinyasuno akilocokin toruwor ŋina nyinyasun ka ibore ŋini etwani toruwor ŋini nyetwani jik, iyookin nai Ŋakigireta ŋuna ebasi, “Adaun atwanare akinyasun; eloun, erikakin!

2 Ŋikor. 5:8

Ikiyakar isua atitinyu, ido ikiburit isua nooi akimyekin ekuwane lo, ido oruko ke Ekapolon anakuj.

Ŋiep. 1:22

Abu Akuj kiwuak ŋiboro daadaŋ kwap ŋakejen a Kristo ka inak iŋes ŋolo epolokinit ŋiboro daadaŋ.

Ŋikis. 21:17

Emaikina iŋes tocamu ikwapei ikoku ŋini kiyae lokoku ka aberu a ŋina nyemina iŋes, ido inak iŋes ŋiboro ŋulu elalak nooi ŋulu edeparito ŋiboro ŋulu eryamuni lokoku a aberu a ŋina emina iŋes, anerae erae iŋes ikoku ŋini esyauni ekile ŋol auruun. Ikiyae iŋes emaikina kituruworoe ikiyae.

Ŋipil. 4:3

Acamit ayoŋ iyoŋ daŋ Sisipo ŋolo irae erukitos kaŋ ananupit, kiŋarak ŋaberu ŋun; anerae ikitiya ayoŋ ka ikes ka agogoŋu nooi akisera Ŋakiro ŋuna Ajokak, kaapei ka Kilement ka ŋuluce daadaŋ ŋulu ikitiyae ka ayoŋ, ŋulu igiritae ŋirorwa kec Lokitaabo ŋolo ka Akiyar.

Ŋikol. 1:12

Tolakanaros neni ka Akuj Papa, ŋolo ikitemok iyes aryamun atyaketait a ŋarereŋisyo a ŋuna iŋadakinit Akuj aŋuna a ŋituŋa keŋ a Napukan keŋ a ŋina ka akica.

Ŋikol. 1:24

Tokona, alakara ayoŋ aŋuna a ŋican a ŋulu aryamunit ayoŋ aŋuna kus, anerae alotooma ŋican ŋulu ka akuwan kaŋ, eŋarakinit ayoŋ akirikakin ŋuna ariŋa nyirikakina alocan a Kristo aŋuna a Ŋikristo, a ŋulu eraakasi akuwan keŋ.

1 Tim. 3:5

Anerae ani pa keyeni ituŋanan epite ŋolo kidaret ekal keŋ ke elope, ikokini nai iŋes idari atukot a ŋituŋa a ŋulu ka Akuj ai?

Ŋibur. 11:4

Anupit iŋes etelemuni Abel amuronot ŋina ajokan akilo ŋina a Kain. Anupit iŋes abunio Akuj tocamunia iŋes erae ŋolo iyookino, anerae Akuj alope abu kiteyenu ŋun anacamun ŋainakineta ŋuna ka Abel. Aŋuna ka anupit keŋ, eriŋa ŋakiro ŋuna abu iŋes kitiya irworosi neni yok, tari ketwanit iŋes.

Ŋibur. 11:40

aŋuna abunio Akuj totubunio ibore ŋini ajokan nooi aŋuna yok, pa acamit iŋes akituruwor ikes ŋulu iyookino kire emamukae iwon.

Ŋibur. 2:12

Alimoki Yesu Akuj atemar, “Alimokini ayoŋ ŋikaitotoi kaŋ ŋuna itiya iyoŋ. Ekepuro ayoŋ iyoŋ anatukot a ŋikelipak.”

Ŋibur. 9:27

Etwani ituŋanan daadaŋ atwanet apei, ido ekaku totubok Akuj iŋes.

Yak. 1:18

Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

1 Pet. 2:23

Apaki ŋina eyanyere iŋes, nyemoro iŋes idiotuŋanan, apaki ŋina esicanere iŋes, pa abu kitukuryan idiotuŋanan, nai abu inakin neni ka Akuj a ŋina etubi ŋakiro iyookino.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

Akis. 6:11

Aponi inakinae ikes ŋikaasoi ŋulu akwaŋak ka tolimokinae ikes akieŋun adiopaki akitodol ŋina itemokinor ekimar a ŋirukitos kec alotic ka Akuj ka ŋikaitotoi daadaŋ ŋulu earyo, ikwaŋina aarere ikes.

Akis. 6:9

Ani eŋaari Imesek akipucet ŋina a ŋakan, abu eŋolik alokwap Namuroet ŋitai a ŋituŋa a ŋulu kearyo aŋuna ka alimonokin ŋakiro ŋuna ka Akuj ka aŋuna ka araakau ŋisuudae keŋ ŋulu ikinyoma.