Ŋibur. 12:15 - Ebaibul

¹⁵ Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Ŋibur. 12:15 Iomraidhean Croise

1 Ŋirw. 14:16

Ipotori Ekapolon Ŋisirael aŋuna a asecit a ŋina etiya Yeroboam, ido abu torikok Ŋisirael nasecit.”

Awos. 32:21

Kiŋit nai Moses Aron tema, “Anukiro apotu ŋituŋa lu kitiyata neni kon, ŋuna iyaunia iyoŋ asecit na ŋina apolon nooi neni kec?”

Ŋakit. 4:23

Kiyokite akiyar kon icoikinit ŋakiro daadaŋ, anerae nen eleleunia akiyar ŋina ajokan.

Isa. 5:4

Anibore ice eitana kitiyae lomanikor kaŋ ŋolo a ŋikito a epiini, ŋini abu ayoŋ nyetiya? Ani apaki ŋina eitanitor ayoŋ ŋaraito ŋuna ajokak, kaanukiro araunia iŋes ŋaraito ŋuna aronok?

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Yer. 2:21

Torae bo abu ayoŋ okodupak iyes esibit epiini ŋolo ajokan nooi, ŋolo elemunitae anateni a ŋina ajokan nooi. Anukiro bo imunaarotor iyes, ikwaanikinotor ka ekitoe a epiini ŋolo ka ariet?

Luk. 22:32

Nai ekelipak ayoŋ iyoŋ Simoni, ikotere nyepuripuryaar anupit kon. Ani iboŋuni iyoŋ nabo neni kaŋ, itemokino iyoŋ kitogogoŋ ŋikonikaitotoi.”

1 Ŋikor. 10:12

Aŋun, itemokino ituŋanan ŋini etami atemar eboi ecasit, tocoite nyibusokin.

1 Ŋikor. 13:8

Erae amina ŋina a jik. Eyakasi ŋakiro ŋuna edwaritae, nai erae ŋuna ka adiouriyen; eyakasi ŋainakineta ŋuna kirworet ŋaŋajepa ŋuna egelaaka, nai elunyarosi; eyai ayenut, nai esaluni.

1 Ŋikor. 15:33

Tocoito nyikimodikin! “Emunaarete ŋirukitos ŋulu aronok ŋipitesyo ŋulu ajokak.”

1 Ŋikor. 5:6

Nyitemokino iyes iturosi! Nyiyenete mono iyes alimunet ŋina ebala, “Itubuunete ŋakinyalet ŋuna ekudyoko ŋakirya ŋuna alalak” a?

2 Ŋikor. 13:5

Toripiripas make toanyut kirubakinito ananupit kus. Torotas iyes make. Nyeanyuna mono iyes atemar eyai Yesu Kristo tooma kus a? Ani kemam, iŋes atemar kikipiyosi iyes ŋakikatanakineta.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋigal. 2:13

Apotu ŋikaitotoi ŋuluce daŋ ŋulu Yudayan togeut kaapei ka Petero alotooma akuryanu akitiya ŋuna ayenete ikes atemar nyiyookino; tari Baranaba daŋ, torikosi ŋakiro ŋuna etiyaete ikes.

Ŋigal. 5:4

Iyes ŋulu ikatakinito aruwor ŋulu iyookino alokiŋaren Akuj aŋuna ka akiwuapit Ŋikisila, idaut iyes atyakar aneni a Kristo. Ipena iyes neni nyikiinakinia Akuj iyes ajokis keŋ.

Ŋiep. 5:3

Ikwapei iraakatar iyes ŋituŋa ŋulu ka Akuj, nyitemokino ŋakiro daadaŋ ŋuna ka amalao kori ŋuna ka asiilyanut kori arorokanut elimitoe alokidiŋ kus.

Ŋikis. 29:18

Acepaki eyai kidiŋ kus ekile, kori aberu, kori ekal, kori ekabila, ŋolo ebatar etau keŋ anakiwuapit Ekapolon Akuj yok aŋuna ka akitiyanakin ŋakujo a ŋituŋa a ŋul. Nyemaikina eyai kidiŋ kus ituŋanan ŋini ikokini ekitoe ŋolo eyai adwaris, ido yau ŋican.

Ŋikis. 32:32

Eyaunitae ŋakito a epiini kec alokito a epiini a ŋulu alo Sodoma, alomanikorin a ŋikito a epiini a ŋulu alo Gomora, erae ŋaraito a epiini kec ŋaraito ŋuna ikiarete inyami, edwarak ŋitunene a ŋaraito kec,

Ŋikis. 4:9

Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Ŋibur. 4:1

Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Ŋibur. 6:11

Ŋuna ikicamit isua iŋes akiŋolikin ebe erubakinit ŋinituŋanan alokidiŋ kus iricuna tari nasalunet; ikotere kiyookinos ŋakiro ŋuna igenosi iyes.

Yos. 6:18

Nai iyes, kiuryasi, nyetapa idiotuŋanan ŋiboro ŋulu ilamitae ŋul, ikotere apaki ŋina imunyaryata iyes ikes, nyikodut ŋiboro ŋulu ilamam, yaut nalomari ŋina a Ŋisirael, ido kituruwosi ŋina ilamam, ŋina akodakin ŋican.

2 Pet. 1:10

Aŋun, ŋikaitotoi kaŋ, kimukekisi nooi kitogogoŋo anyarauno ka aseuno kus. Ani kitiyata ikoŋina, nyibusokinosi jik.

2 Pet. 2:18

Irworosi ikes ŋakiro ŋuna apolok ŋuna ileleba abaŋao; isitiyaete ikes ekibure ŋolo ka akuwan ŋolo aronon, akisirumia ŋulu ariŋa sek ebucarosi alotuŋa a ŋulu eyarete anadyakarit.

2 Pet. 3:11

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.

2 Yoa. 1:8

Tocoikinito nyitwakiasi eropit ŋolo idaut iyes akitiyaun, ikotere iryamunete eropit kus daadaŋ.