Ŋibur. 12:13 - Ebaibul

¹³ Kisidiiryata ŋirotin, ikotere nyilenyar ŋakejen kus ŋuna sek eŋwalito, nai toruworos ŋuna itaŋaleunio.

Ŋibur. 12:13 Iomraidhean Croise

Isa. 35:3

Kitogogoŋo ŋakan ŋuna epalag, kitogogoŋo ŋakuŋin ŋuna emaranete.

Isa. 35:6

eporete nai ŋikaŋwalak ikwa ŋatili ka eokinete ka alakara ŋulu sek ikajikajasi. Elomunete ŋakipi analoŋisat ka eleleiyarete ŋakipi anayona a ŋuna analoŋisat,

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 58:12

Edukokinio nabo ŋakais kus ŋunakoloŋ ŋuna aritanakina, idukokinete iyes ŋakais ŋuna a ŋanyemeta a ŋuna alalak; ikinyarao iyes ŋikadukokinak nabo ŋarwatatain ŋuna abwaŋabwaŋaara, ŋikewuakinak nabo ŋirotin a etaun ŋulu eya ŋakais nawae.

Yer. 18:15

Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Luk. 3:5

Itemokino nenidipal daadaŋ kitiriyanae, itemokino ŋimukura ka ŋimoru tobwaŋabwaŋae. Itemokino ŋirotin ŋulu ilugilugito kisidiiri ka ŋirotin ŋulu sagam kitusulututae;

Ŋigal. 2:14

Ani aanyuni ayoŋ atemar nyiwuapito ikes ŋuna a kire ŋuna elimunito Ŋakiro ŋuna Ajokak, abu ayoŋ erwor neni a Petero alokiŋaren ŋikanupak daadaŋ otema, “Irae iyoŋ Eyudayat, nai pa iboi iyoŋ ŋoon irae Eyudayat, nai ikwa ituŋanan ŋini nyerae Eyudayat. Ikokini nai iyoŋ ipedori areikin ŋituŋa ŋulu nyerae Ŋiyudayan akiboi ikwa Ŋiyudayan ai?”

Ŋigal. 6:1

Ŋikaitotoi kaŋ, ani keriko asecit idiotuŋanan, itemokino iyes ŋulu ikipukat Etau ŋolo ka Akuj kiŋarakis iŋes, ikotere inyakun iŋes; nai itemokino iyes kitiyata ŋun alotooma akitiditeuna. Kiuryar ŋinituŋanan kus bon, ikotere nyitemi iŋes daŋ.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.