Ŋibur. 11:7 - Ebaibul

⁷ Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

Ŋibur. 11:7 Iomraidhean Croise

Akisy. 19:14

Toloma Lot alokai keŋ tolot tolimok ŋikilyok ŋulu eikinitae akiit ŋidwe keŋ tema, “Tonyoutu, olomasi anakibois a na; anerae eapi Akuj akinyasun etaun lo.” Nai totakan aneni a ŋikilyok a ŋul esibit pa emukekinit Lot ŋuna erworo.

Akisy. 6:13

Tolimok Akuj Noa tema, “Adau ayoŋ atubun amunyar ŋituŋa daadaŋ anakwap, anerae eelakis ŋituŋa aryenyeo nakwap; nai tokona, amunyari ayoŋ ŋituŋa kaapei ka akwap.

Akisy. 6:22

Kitiya Noa ŋun daadaŋ lopite ŋolo ecikitor Akuj iŋes.

Akisy. 6:9

Erae lu ŋirorwa a ŋiletok a Noa a ekile a ŋolo eyookino, a ŋolo amam ŋuna etoronitotor ŋituŋa keŋ ka etopoloorit Noa Akuj anakiyar keŋ.

Akisy. 7:23

Tomunyar ibore daadaŋ ŋini ayari anakwap, akisyakin alotuŋa, alobaren, aloboorei a ŋulu elyato daadaŋ ka ŋikyeny. Noa bon abu kidoŋ ka ŋulu arukitotor iŋes anataker.

Akisy. 7:5

Kitiya Noa daadaŋ lopite ŋolo ecikitor Ekapolon iŋes.

Akisy. 8:16

“Tolomutu anataker kaapei ka aberu kon ka ŋidwe kon ŋulusapa ta ŋaberu kec.

2 Ŋirw. 4:5

Abu aberu ŋin tolot, tolomasi ka ŋidwe keŋ ŋulusapa kai, togolokis ekek. Kitoropiunoe ŋamoti neni keŋ kicumanaki iŋes akimyet namoti.

Yob 35:8

Iteryamunit aronis kon ŋituŋa ŋuluce ŋican lopite ŋolo iryamunitor iyoŋ ka iteryamuni akiyookino kon ŋituŋa ŋuluce akitiya ŋuna iyookino.

Ŋakit. 22:3

Epatana ŋikaosok ayenun atyonis ebunit, ido toŋopa nai erubanakinete ŋibaŋaanotin itiyaete pa eyenete atyonis ŋina ebunit, ido elomanarete locan.

Ŋakit. 27:12

Epatana ŋikaosok ayenun atyonis ebunit, ido toŋopa, nai erubakinete ŋibaŋaanotin itiyaete pa eyenete atyonis ŋina ebunit, ido elomarete locan.

Esek. 14:14

kerae toriŋa tari ŋikilyok lu ŋiuni Noa, Daniel ka Yob iboiyete anakwap a ŋin, keiuna ŋuluuni ŋul aŋuna ka akiyookino kec.

Esek. 14:20

alimu Ekapolon Akuj atemar ikwapei kire jik ayarya ayoŋ, kerae tari toriŋa Noa, Daniel ka Yob eyakasi nakwap ŋin, pa keiunito ŋidwe kec ŋulupesur, kori ŋulusapa. Keiun ŋuluuni ŋul aŋuna ka akiyookino kec.

Esek. 33:5

Apotu ikes kiirasi eli, nai mam ŋuna apotu ikes kitiyata; erae atwanare kec nakyes kec a ŋilopeyek. Nai ani kerae kitiyato ikes ŋadi kiirasi eli, keiunito ikes akiyar kec.

Mat. 2:12

Aŋuna abunio Akuj kicik ikes anakiruja atemar nyeboŋosi neni eyai Erode, kitoro ikes lorot ece eboŋorete nakwap kec.

Mat. 24:15

“Iŋolikinete iyes ŋiboro ŋulu aronok eyakasi neni einakinitae Akuj, ikwaŋina koloŋ alimunitor ekadwaran Daniel, (toyenu ekasyoman apolou a ŋakiro a nu!)

Mat. 24:25

Topupokisi! Akalimokinit ayoŋ iyes ŋakiro nu eriŋa nyedoluno.

Mat. 24:38

Anerae ŋirwa ŋul, eriŋa ŋakipi nyerapuwara akwap, apotu ŋituŋa kimuja ka tomatas. Apotu ŋikilyok kiitanasi, nabo epotonoryo ŋapesur kiitae akitodol akoloŋit ŋina alomarya Noa nataker.

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Luk. 17:26

Ikwaanikinosi ŋakiro ŋuna a ŋirwa a Lokoku a Ituŋanan ka ŋuna koloŋ a ŋirwa a ŋulu a Noa.

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”

Ŋirom. 10:6

Nai ŋuna ikamunito akiyookino alokiŋaren Akuj anakiwuapit anupit, igiritae Nakigireta ebe, “Nyitema alotau kon, ŋae elosi kidiama nakuj?” (iŋes atemar aŋuna ka ayaun Kristo kwap.)

Ŋirom. 3:22

Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait,

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

Ŋirom. 4:13

Abu Akuj kiik Aburaam ka ŋiletok keŋ atemar eruwor akwap ŋina kec; pa etiyae Akuj ŋun aŋuna ewuapitor Aburaam Ŋikisila, nai aŋuna acamunere iŋes erae ŋolo iyookino ananupit keŋ.

Ŋirom. 9:30

Ikitemari nai tokona iwon ai? Ikote ne: pa ekatakinito ŋituŋa ŋulu nyerae Ŋiyudayan akituruwor ŋulu iyookino alokiŋaren Akuj, nai arae Akuj abu kituruwo ikes ŋulu iyookino alokiŋaren keŋ, anerae apotu ikes tonupa Akuj.

Ŋigal. 5:5

Aneni kosi, ikigeno atemar ikituruwor ŋulu ikiyookino alokiŋaren Akuj aŋuna ka anupit Kristo ka erae ŋun ikidarit isua anapedor a ŋina ke Etau a ŋolo ka Akuj.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

Ŋibur. 11:1

Anupit iŋes ayenut kire atemar erae ŋakiro ŋuna ikigeno iwon ŋuna a kire, anupit iŋes amamukau ka aŋayaŋayat aloboro a ŋulu nyikite iwon.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

Ŋibur. 8:5

Etic ŋolo eraakatar ikes ŋisacaradotin erae akituput ka erae daŋ etorube a ŋuna itiyao anakuj. Ikwaan ŋakiro ŋun ka ŋuna a Moses. Ani eapuuni iŋes adukokin eema ŋolo ka Acamunet, tolimok Akuj iŋes tema, “Kitiya ibore daadaŋ lopite ŋolo ikitoodikinitere iyoŋ alomoru.”

1 Pet. 3:20

Erae ŋul ŋitai a ŋulu awounete akiwuap Akuj, apaki ŋina atitinyikinitor iŋes idarit Noa kirikak akiduk ataker. Ŋituŋa ŋidikudyo--ŋulu arae ŋikanikauni bon--aponi toiunae a ŋakipi a ŋuna ekearete ataker.

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.

2 Pet. 2:5

Pa abu Akuj kimyek ŋituŋa ŋulu koloŋ, nai abu yau ŋakipi ŋuna apotu torapuwasi akwap ŋina a ŋituŋa a ŋulu aŋerete iŋes; ŋulu make abu iŋes tolaku ikes Noa ŋolo etatami akiyookino ka ŋituŋa ŋice ŋikanikaarei.

2 Pet. 3:6

Arae nabo ŋakipi pei, ŋakipi ŋuna ka akalele aponere kinyasunere akwap ŋinaŋorot.