Ŋibur. 11:5 - Ebaibul

⁵ Anupit iŋes pa abunio Enok totwania. Akilo, aponi yaarae iŋes kidiama ka emam ituŋanan abu toryamu iŋes, anerae abu Akuj ya iŋes nakuj. Igiritae Nakigireta atemar ani eriŋa Enok nyeara kidiama, aris iŋes kitalaka Akuj.

Ŋibur. 11:5 Iomraidhean Croise

2 Ŋirw. 2:1

Ani eapuuni akoloŋit ŋina ayaaria Ekapolon Eliya nakuj alotooma ekuwuam ŋolo epiripiri idirisiyarit kidiama, tonyout Eliya ka Elisa alo Giligal.

2 Ŋirw. 2:11

Apaki ŋin, ŋina erworotor ikes tolosete, apotu ŋagaari ka ŋaŋolei ŋuna anepete ikwa arira totyaka ikes, ya ekuwuam ŋolo epiripiri idirisiriyarit kidiama Eliya nakuj.

Ŋikiru. 89:48

Ŋae epedori akiboi, ido nyetwana? Ŋae ebucar anapedor a ŋina ka akibois a ŋina a ŋikatwak?

Yer. 36:26

ido abu erwosit tolimok Yeremeel lokoku a erwosit ka Seraia lokoku ka Asiriel ta Selemia lokoku ka Abideel akikamun Baruk ekegirigiran ka ekadwaran Yeremia. Nai abu Ekapolon kiwua ikes.

Luk. 2:26

Alimokinit Etau ŋolo Asegan iŋes atemar nyetwani eriŋa nyiŋolikina Kristo ŋolo ke Ekapolon.

Luk. 3:37

a ŋolo arae lokoku a Metusela, a ŋolo arae lokoku ke Enok, a ŋolo arae lokoku a Yared, a ŋolo arae lokoku a Malaleel, a ŋolo arae lokoku a Kainan,

1 Ŋites. 2:4

Nai akilo, erae ŋuna ikirworo isua jwi jwi ŋuna ecamit Akuj isua kirworoe, anerae adau iŋes aryamun isua ikirae ŋulu emaikina ikicikakin Ŋakiro ŋuna Ajokak. Aŋun, nyikirworo isua aŋuna ka akitalakar ŋituŋa, nai akitalakar Akuj ŋina eyeni ŋuna eya lotai kosi.

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

Ŋibur. 2:9

Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.

1 Yoa. 3:22

Ikiryamuni iwon ŋinibore daadaŋ ikiŋisi iŋes, anerae ikiricakinit iwon Ŋakiciketa keŋ ka ikitiyae ŋuna italakarito iŋes.

Yud. 1:14

Arae ikotere ikes abunio Enok ŋolo a ŋikanikaarei alokidiŋ ŋipapae ŋulu ka Adam todwarya tema, “Topupokisi! Erukunete Ekapolon ka ŋimalaikan keŋ ŋulu nyimarun,