Ŋibur. 11:37 - Ebaibul

³⁷ Aponi tocakae a ŋamoru, totubutuboe, toarae a ŋatumio. Apotu ikes kirimo akwap enapito ŋilowi ŋulu a ŋakinei--arae ikes ŋikaŋican, ŋulu aponi kisicanae ka tobolyanakinae.

Ŋibur. 11:37 Iomraidhean Croise

2 Sam. 12:31

Toriku Daudi ŋituŋa a etaun a ŋol, inak ikes akitiya a ŋirigi, a ŋisururo ka a ŋaepe, kori ya ikes kitiyata ŋamatapali. Abu Daudi kitiya ŋakiro ŋun lotaunio a Ŋiamoni daadaŋ. Ani nai ekaku, apotu Daudi ka ŋasigarya keŋ daadaŋ toboŋosi Yerusalem.

1 Ŋirw. 18:13

Nyiirara iyoŋ, ekapolon kaŋ ŋuna abu ayoŋ etiya apaki ŋina aarya Yesebel ŋikadwarak ŋulu ke Ekapolon a? Abu ayoŋ ewua ŋikadwarak ŋulu ke Ekapolon amiat anaturukanin a ŋaarei, ŋatomonikan a ninaturukan, ido abu oinana ikes ŋamugati ka ŋakipi a nen.

1 Ŋirw. 18:4

Apaki ŋina aarya Yesebel ŋikadwarak ŋulu ke Ekapolon, keris Obadia keya ŋikadwarak amiat kiwua anaturukanin a ŋaarei, ŋatomonikan a ŋinaturukan, inanari ikes ŋamugati ka ŋakipi a nen.)

1 Ŋirw. 19:1

Tolimok Aab Yesebel ŋakiro daadaŋ ŋuna abu Eliya kitiya, epite ŋolo abunio toarya ke ekileŋ ŋikadwarak a Baal daadaŋ.

1 Ŋirw. 19:10

Toboŋok iŋes tema, “Alelakinit ayoŋ nooi Ekapolon Akuj ŋina etiron; anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

1 Ŋirw. 19:13

Ani iirari Eliya etoil ŋol, kimuko ereet keŋ a elou keŋ, toloma kiŋa alopuke ka aturukan. Kirworik nai neni keŋ etoil ŋolo abala, “Nyo itiyae iyoŋ a ne Eliya?”

1 Ŋirw. 19:14

Toboŋok Eliya tema, “Alelakinit ayoŋ nooi Ekapolon Akuj ŋina etiron, anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

1 Ŋirw. 19:19

Aŋun, abu Eliya toboŋo a nen, toryamu Elisa lokoku a Capat itae. Aenit Elisa ŋimoŋin ŋatomoniarei ka ŋiomwon ŋulu etaete apaki ŋin amyat Elisa ŋimoŋin ŋulu a emeleku a ŋolo a ŋitomon ka ŋiarei. Tolot Eliya neni ke Elisa, kimasak elou keŋ neni ke Elisa.

1 Ŋirw. 21:10

Tolemutu ŋikesitakinak a Nabos ŋiarei ŋulu erae ŋasyanisya, kisitakis Nabos aŋuna icenio Akuj ka erwosit; torikosi nai iyes iŋes kiŋa etaun tocaka a ŋamoru.”

2 Ŋirw. 1:8

Toboŋokis ikes temasi, “Arae ŋolo acekum akuwan, tonapite anacir akoroba.” Tolimok erwosit ikes tema, “Erae Eliya ŋolo alo Tisibe.”

2 Ŋirw. 2:13

Kidepu Elisa ekaaso ke Eliya ŋolo abu tocakun kwap aneni ke Eliya, tosodi Elisa toboŋo akiwo alokipetot ka aŋolol Yorodan.

2 Ŋirw. 2:8

Tolacu nai Eliya ekaaso keŋ, tobilaki tosodi toramya ŋakipi. Totyakas ŋakipi alokidiŋ, totyeikis Eliya ka Elisa totuboros ekekwaye emeto neni aonit.

1 Ŋakiro a ŋirwa 20:3

Toriku Daudi ŋituŋa a etaun a ŋol, inak ikes akitiya a ŋirigi, a ŋisururo ka a ŋaepe. Abu Daudi kitiya ŋakiro ŋun lotaunio a Ŋiamoni daadaŋ. Ani nai ekaku, apotu Daudi ka ŋasigarya keŋ daadaŋ toboŋosi Yerusalem.

2 Ŋakiro a ŋirwa 24:21

Abu Yoas toyeut ka ŋituŋa akiar Sakariya, ido apotu ŋituŋa tocaka Sakariya a ŋamoru lopite ŋolo alimokinia erwosit ikes. Toarakinae Sakariya nalapatu ŋina a Akai ka Akuj.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 26:23

Apotu ŋituŋa ŋul torikut Uria neni a erwosit Yeoiakim, abu nai Yeoiakim toar Uria a ekileŋ, kimasak akuwan keŋ nakibois ŋina enukio ŋituŋa.

Sakar 13:4

Akoloŋit ŋin irumete, ŋileec ŋolo kadwaran daadaŋ a nakiro a ŋuna kebu iŋes todwar. Nyenapi iŋes elou ŋolo ke ekadwaran ŋolo itiyaunitae a ŋajul aŋuna ka adwarya alyokonu.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mat. 21:35

Kikamut ŋiketeok emanikor ŋipi, kibuŋata epei, toara ŋoloce ka kimasamasata ŋoloce a ŋamoru.

Mat. 3:4

Anapit Yoana elou ŋolo etiyaunitae a ŋajul a ŋuna ke ekaal, tonapite arokoba anacir keŋ, kimuji emaase ka ao analoŋisat.

Mat. 8:20

Toboŋok Yesu iŋes tema, “Eyakatar ŋikweei ŋaduyon ka eyakatar ŋikyeny ŋakais; nai emam Lokoku a Ituŋanan neni kieŋunet.”

Luk. 13:34

“Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.

Ŋitic. 14:19

Nai aponito nen Ŋiyudayan alo Antiokio ka Ikonio, kicocoiyasi ikes ŋasepico, kitiriwo lowae kec; ido kimasamasata Paulo a ŋamoru, kiriyasi kiŋa etaun etamete atemar kori atwana.

Ŋitic. 7:52

Eyai mono ekadwaran epei daŋ ŋolo apotu atapapaa kus nyisicana a? Apotu ikes toara tari ŋulu adwarete abunore ŋina a ŋolo Iyookino, a ŋolo tokona idaut iyes alukin ka akiar.

2 Ŋikor. 12:10

Aŋuna nai a Kristo, alakara ayoŋ nooi aŋuna ka apalagu, ŋiyany, ŋatyokisyo, ŋakisicaneta ka ŋaronisya! Anerae ani apalag ayoŋ, agogoŋior.

Ŋibur. 11:25

Abu iŋes tocamu atemar oryamu ŋican kaapei ka ŋituŋa ka Akuj akilo aryamun alakara apaki ŋina euruwuana alotooma asecit.

Ŋibur. 13:3

Nyikimuryakis ŋulu eyakasi mabus, tosibite iyakasi iyes ka ikes mabus. Nyikimuryakis ŋulu eryamunito ŋican, tosibite iryamunito iyes ka ikes ŋican.

Akis. 11:3

Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”