Ŋibur. 11:36 - Ebaibul

³⁶ Aponi ŋice tojamuwarae ka kibuŋae, torocae a ŋiriko, yaarae mabus.

Ŋibur. 11:36 Iomraidhean Croise

Akisy. 39:20

Ya ekapolon Yosepu, kiwuak mabus nakibois ŋina aenitere ŋimabus a erwosit; kiboi Yosepu alomabus.

1 Ŋirw. 22:24

Tolot nia Sedekia lokoku a Kenaana neni a Mikaia, kibap iŋes lokeli, kiŋit tema, “Ai etori Etau ke Ekapolon aneni kaŋ ebuni akisirwor iyoŋ?”

1 Ŋirw. 22:27

Tolimok ikes atemar, ŋakiro ŋuna irworo erwosit ikes nu, ‘Kiwuakisi etuŋanan lo lojera, inanakis iŋes ŋamugati ŋuna ekudyoko kimuj ka ŋakipi ŋadikudyo, akitodol ŋina aboŋunio ayoŋ alojie emam ŋace.’ ”

2 Ŋirw. 2:23

Abu Elisa torotok a nen kidir Besel. Ani elosi iŋes alorot, potu ŋidyain ŋice, ido ijutanarete iŋes ecelasi ebasi “Tolot ane, iyoŋ ŋolopalor lo! Tolot ane iyoŋ ŋolopalor lo!”

2 Ŋakiro a ŋirwa 16:10

Aŋakiro a ŋun, abu Asa toŋoik Anani eketeyenikinan; toŋo Asa nooi, kiwuak eketeyenikinan ŋol mabus. Apaki ŋinapei, kisyak Asa aryenyaanikin ŋituŋa ŋice.

2 Ŋakiro a ŋirwa 18:26

tolimok iyoŋ ikes atemar, ŋakiro ŋuna irworo erwosit ikes nu, ‘Kiwuakisi etuŋanan lo lojera, inanakis iŋes ŋamugati ka ŋakipi ŋadikudyo akitodol ŋina aboŋunio ayoŋ alojie emam ŋace.’ ”

2 Ŋakiro a ŋirwa 30:10

Aŋun, apotu ŋituŋa ŋulu eyakitae akiya ŋabaruwae toloto ageun alotaun ke epei tari ŋoloce anakwap a ŋina a ekabila a Epuraim ka a ŋina a ekabila a Manase, todolo tari lokabila a Sebulun; nai apotu ŋituŋa a ŋakiboisyo a ŋun tokyanatar ka tojamuwasi ŋakiro kec.

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Yer. 20:2

Abu Pasur kidic Yeremia, ido toen a ŋiriko alopuke a ŋolo ayai nenimukur, a ŋolo enyaritae epuke a Benjamin alo Kai a Ekapolon.

Yer. 20:7

Okoe Ekapolon ikisupa iyoŋ ayoŋ ka adau ayoŋ akisuparo ikilou iyoŋ ayoŋ ka iruwor iyoŋ ekelounan. Aruwor ayoŋ ŋolo akakyenare apaaran jwii; akajamuwarito ayoŋ ŋituŋa daadaŋ.

Yer. 29:26

‘Ikituruwo Ekapolon iyoŋ esacaradoti kilunyokin lorot a Yeoiada, ikotere eyakaunotor ŋikapolok Kai ka Akuj ŋulu iteete atemar ituŋanan daadaŋ ŋini ikerepikinit, ido edwari esibit erae ekadwaran, emaikina kikamunae toenae a ŋiriko kilogakinitetei asuwat lodokole keŋ.

Yer. 32:8

Abu nai lokaaya kaŋ Anamel bu neni kaŋ ayai ayoŋ nalapatu ŋina eboiyoto ŋasigarya ŋuna iyokiyete akai ka apukan, kitiyakin ŋun lopite ŋolo alimunitor Ekapolon. Tema Anamel neni kaŋ, ‘Togyel emanikor kaŋ ŋolo eyai Anasos nakwap ŋina a Benjamin, anerae iyakar iyoŋ apedor ŋinagyelet ka ŋina ituruworya iŋes emanikor kon, togyel iŋes aŋuna kon.’ Abu nai ayoŋ oyenu atemar erae ŋun ŋakiro ŋuna alimunit Ekapolon.

Yer. 36:6

aŋun tolot iyoŋ elope; tosodi akoloŋit ŋina iredakinitere akiron tosyom ŋakiro ke Ekapolon alokitaabo a ŋolo igiri iyoŋ, ŋakiro ŋuna akalimonokini ayoŋ iyoŋ. Tosyom ikes alo Kai ka Akuj epupete ŋituŋa, emaikina iyoŋ tosyom ŋakiro ŋun topupete ŋituŋa a Yudaya daadaŋ ŋulu eponito alotaunio kec.

Yer. 38:28

Torubak Yeremia iboi analapatu a ŋina a ŋasigarya a ŋuna eyokiyete akai a erwosit, akitodol akoloŋit ŋina ekamarere etaun.

Yer. 39:15

Ani eriŋa Yeremia eyai nalapatu ŋina eboiyoto ŋasigarya ŋuna eyokiyete akai a erwosit, kirwor Ekapolon neni a Yeremia tema,

Dan. 11:33

Itatamete ŋulu aosok alotuŋa ŋituŋa ŋulu alalak toyenut ŋakiro, tari daŋ keponio akiar ikes a ekileŋ, kori akicuny ikes, kori akikamar ikes, kori aŋatar ikes.

Mat. 20:19

Ipotokinete ikes iŋes neni a ŋibukui a ŋulu nyerae Ŋiyudayan, kisoloto, kibuŋata ka kibubukis lomusalaba. Nai kelunyar ŋirwa ŋiuni, iteyarunio iŋes alokatwak.”

Mat. 21:35

Kikamut ŋiketeok emanikor ŋipi, kibuŋata epei, toara ŋoloce ka kimasamasata ŋoloce a ŋamoru.

Mat. 23:34

Aŋun, toanyutu iyes atemar ekeyakikini ayoŋ iyes ŋikadwarak, ŋikaosok ka ŋiketatamak a Ŋikisila; iarete ŋice, ibubukinete ŋice lomusalabae, ibuŋaete ŋice alosinagogae kus ka isicanete ŋice alotaunio.

Mat. 27:26

Tolacak nai Pilato Baraba aŋuna kec, kimyek iŋes Yesu kibuŋae, kipoto nai kibubukinoe lomusalaba.

Mar. 10:34

Epote ikes akisol iŋes, kimwaanakis, kibuŋata ka toara daŋ; nai kelunyar ŋirwa ŋiuni, eyaruni iŋes.”

Luk. 18:32

Ipotokinio iŋes lobukui ŋulu nyerae ŋulu a Ŋiyudayan, tokyenatar ikes iŋes kibuŋata ka kimwaanakis.

Luk. 23:11

Apotu Erode ka ŋisigarya keŋ kitiyata ŋakiro ŋuna a ŋileec neni a Yesu ka tobolyatar iŋes. Ani kedaut, kitanapa iŋes elou ikwa erwosit, kinyakasi nai iŋes neni a Pilato.

Luk. 23:36

Tokyenatar ŋasigarya daŋ iŋes, inakis epiini ŋolo enyalitae ka apid,

Ŋitic. 21:33

Tolot ekapolon a ŋisigarya neni ayai Paulo, kikamu iŋes, totubu atemar toenae iŋes a ŋiriko a ŋiarei. Kiŋit nai ŋituŋa tema, “Ŋae ekile lo? Nyo itiyat iŋes?”

Ŋitic. 24:27

Nai ani elunyarosi ŋikaru ŋiarei, kilunyokin ekepukan ece ŋolo anyaritae Porkias Pesto lorot a Pelekis. Aŋuna acamitor Pelekis akitiya ŋuna etalakarito Ŋiyudayan, abu kimyek Paulo alomabus.

Ŋitic. 4:3

Kikamunae nai ikes, togolokinoe mabus akitodol taparacu, anerae abu towar.

Ŋitic. 5:18

Ido apotu ikes kikamut Ŋikiyakia, kiwuakis ikes mabus iteete ŋituŋa daadaŋ.

Ŋitic. 5:40

Tonyaraut nai ikes Ŋikiyakia tooma, kibuŋata, ido kicikakis nyirwor nabo alokiro a Yesu, tolakakis ikes toloto.

Ŋitic. 8:3

Nai abu Saulo kisyak akinyasun ŋatukon a ŋikanupak; erimit iŋes nakais akiriunun ŋikilyok ka ŋaberu, toen ikes alomabus.

Ŋiep. 3:1

Aŋakiro a ŋun, elipit ayoŋ Akuj, ayoŋ Paulo ŋolo arae emabus aŋuna ejaanakinia Yesu Kristo aŋuna kus a ŋulu nyirae Ŋiyudayan.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

2 Tim. 1:16

Elipit ayoŋ Ekapolon kisyonioto iŋes ŋituŋa ŋulu alokal a Onesiporo, anerae abu iŋes ekesimukek ayoŋ ŋarwa ŋuna alalak. Pa erumito iŋes ŋileec aŋuna ayakar ayoŋ mabus;

2 Tim. 2:9

Aŋuna alimonokinia ayoŋ Ŋakiro ŋuna Ajokak, aryamunit ŋican ka akaenitae a ŋiriko ikwa ekeworon. Nai nyeenitae akirot ŋina ka Akuj.

Ŋibur. 10:34

Ipotu iyes tomora ka ŋulu aya mabus ŋican kec, ipotu daŋ tocamut ka alelyan eŋataryo ŋiboro kus, aŋuna iyeniata iyes atemar iyakatar ŋiboro ŋulu ajokak akilo, ŋulu eroparete.

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Ŋikat. 16:25

Ani elakarosi ikes nooi, temasi, “Tonyarautu Samuson, tobolya alokiŋaren yok ikitalaka iwon.” Aŋun, aponi tonyaraunae Samuson alojera tobolya Samuson kitalaka Ŋipilistin. Apotu Ŋipilistin kitowua Samuson alokidiŋ Ŋipirin,