Ŋibur. 11:34 - Ebaibul

³⁴ Kituduŋeto ikes ŋakimya ŋuna ariraete nooi, tobucunos anatumyo. Apalag ikes, nai apotu togogoŋioto; ajioko ikes nooi akilo, tobwaŋa ŋajorei a ŋakwapin a ŋunace.

Ŋibur. 11:34 Iomraidhean Croise

1 Ŋirw. 19:1

Tolimok Aab Yesebel ŋakiro daadaŋ ŋuna abu Eliya kitiya, epite ŋolo abunio toarya ke ekileŋ ŋikadwarak a Baal daadaŋ.

1 Ŋirw. 19:3

Kitubulo ŋun Eliya, ido tosi aiun akiyar keŋ. Ani edoli iŋes Beeriseba, nakwap ŋina a Yudaya, kimyek eketiyan keŋ a nen.

2 Ŋirw. 6:1

Abu atukot a ŋikadwarak a ŋulu apolokinit Elisa tolimok Elisa tema, “Edidiŋ nooi neni ikiboiyo iwon.

2 Ŋirw. 6:32

Tosodi kiyakiya iŋes ekile alosit arikun Elisa. Apaki ŋinapei, ayai Elisa kai keŋ, eboiyete ka ŋikasikou. Ani eriŋa ekile ŋolo eyakit erwosit nyedoluno, tolimok Elisa ŋikasikou tema, “Iyenete iyes atemar iyakuunit ekaaran ŋol ekile atubor akou kaŋ a? Ani tokona edoluni ŋolo iyakuunitae ne, togolokis ekek, nyimyekis iŋes tolomu. Etupit erwosit elope iŋes ediyediye.”

Yob 42:10

Kedau Ekapolon akiirar akilip a Yob aŋuna a ŋikonei keŋ, abu kinyakak Yob ŋiboro ŋulu sek ayakar, kiyatak a ŋolo kimar etiyae ŋolo sek a ekiŋaren.

Yob 5:20

Ikilakuni Akuj anatwanare a ŋina ke eron, ikilakuni Akuj alojie a ŋolo earare.

Ŋikiru. 124:7

Aiunoi iwon lopite ŋolo eiunor ikyeny analoc a ekalokan; adaun amunyar ŋimoe yok, ido aiunoi iwon.

Ŋikiru. 144:10

Iyoŋ iinanakini ŋirwosi akiloun ŋimoe kec, iyoŋ ibu toiu Daudi eketiyan kon.

Ŋikiru. 6:8

Toloto aneni kaŋ, iyes daadaŋ ŋulu itiyaete aronis, anerae eira Ekapolon akigworo kaŋ.

Ŋikiru. 66:12

Ibu iyoŋ kimyek ŋituŋa ŋulu ameto ŋaŋolei ikipudaete isua; aponi isua toryamununae ŋican ikwa ŋituŋa ŋulu iteryamunito ŋakipi ka akim ŋican; nai ikiyau iyoŋ isua nakibois ŋina ka ajakao.

Awos. 18:4

ido arae ekiro a ŋoloce Elieser (alimokini Moses iŋes ekiro ŋol, anerae abu tema, “Akuj a papa kaŋ iŋes abu ekeŋarak ka okoiu ayoŋ nyakaar Parao a ekileŋ”).

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Yer. 26:24

Nai ayakar Yeremia ekaiunan keŋ, iŋes Aikam lokoku a Sapan, aŋun, aponi nyipotokin iŋes neni a ŋituŋa ikotere earyata iŋes.

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

1 Pet. 4:12

Ŋikaakonei ŋuluminan, nyiumokis aŋuna a ŋakikatanakineta a ŋuna apipilak a ŋuna iryamunito iyes; esibit ibore ŋini nyitemokino iyes toryamut.

Ŋikat. 15:8

Abu Samuson kitijik Ŋipilistin eryenyaana nooi, toar ikes ŋulu alalak, tosodi totiyaar akiboi kidiŋ ŋatabab ŋuna aya Etam.

1 Sam. 18:11

toremo Saul akwara keŋ, anerae abu iŋes totamak ebe, “Aremi ayoŋ Daudi toenik akwara narwatata.” Nai abu Daudi kiito anakwuara a Saul ŋakiitoret ŋaarei.

1 Sam. 19:10

Kiwar Saul epite ŋolo eremio Daudi toenik akwara narwatata. Nai, abu Daudi tonapar aneni keŋ; torem Saul arwatata. Torotok Daudi a nen, tobucar aneni a Saul akoloŋit ŋin.

1 Sam. 20:1

Ekaku a ŋun, tonyou Daudi alo Naios anakibois a ŋina alo Rama, bu neni a Yonasan kiŋit tema, “Anukiro etiyak ayoŋ? Anironis etiyat ayoŋ? Inyoni asec ayoŋ aneni a papa kon, ecamitor iŋes akiar ayoŋ?”