Ŋibur. 11:13 - Ebaibul

¹³ Apotu ŋituŋa ŋul daadaŋ totwaka enupito. Apotu ikes nyeryamut ŋiboro ŋulu sek eikinit Akuj ikes, nai apotu toanyuwasi ŋiboro ŋul aneni elwana, tolakaros. Apotu tolimosi atemar erae ikes ŋituŋa ŋulu gelae ka ŋikawuotok anakwap a na.

Ŋibur. 11:13 Iomraidhean Croise

Akisy. 21:34

Kiboi Aburaam anakwap a Ŋipilistin apaki ŋina aoyan arae ituŋanan ŋinigela.

Akisy. 23:4

“Arae ayoŋ egela, ŋolo abunit aiwace, ido ikiboi ka iyes, inakinae ayoŋ ŋadilup ogyel onukanakini ŋikatwak, onukak daŋ tokona aberu kaŋ ojoŋo akitere.”

Akisy. 25:8

Ekaku, totwan Aburaam emojoŋit nooi ikoŋikoŋit, ido aponi yae tonukae neni anukitae ŋituŋa keŋ.

Akisy. 47:9

Toboŋok Yakob Parao tema, “Erae ŋikaru kaŋ anakwap a na amiat apei ka ŋatomoniuni. Ekudyoko ka etyoko ŋikaru ŋulu a akiyar kaŋ ŋul, nyikwaan ka ŋikaru a akiyar atapapaa kaŋ apaki ŋina awosyata akaoyan.”

Akisy. 48:21

Tema nai Isirael neni a Yosepu, “Aapuu ayoŋ atwanare, nai eyakaun Akuj kaapei ka iyoŋ, ikiyai iŋes iyoŋ nabo nakwap atapapaa kon.

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

Akisy. 49:18

Akuj, edarit ayoŋ aiuno aneni kon,

Akisy. 49:28

Erae ŋul daadaŋ ŋikabilae ŋitomon ka ŋiarei ŋulu a Ŋisirael, ido ŋakiro ŋun abu Yakob tolimok ŋidwe keŋ apaki ŋina eterereŋio ikes. Inak ŋinituŋanan kec arereŋu ŋina etemokino aŋuna keŋ.

Akisy. 49:33

Ani irikakini Yakob akicik ŋidwe keŋ ŋul ŋulusapa, kinapakin lokitaada, kiridak. Yaarae iŋes tonukae neni anukitae ŋituŋa keŋ.

Akisy. 50:24

Tema nai Yosepu neni a ŋikaitotoi keŋ, “Aapuu ayoŋ atwanare; nai kire ebuni Akuj neni kus akiŋarakin iyes, ikiyai iŋes iyes kitipeiyosi anakwap a na, toloto nakwap ŋina abu iŋes kikoŋ ainakin neni ka Aburaam, Isaka ka Yakob.”

Yob 19:25

“Anerae ayeni ayoŋ atemar eyari ekalakunan kaŋ ka ayeni ayoŋ atemar apaki ŋina esidyon ebuni iŋes nakwap akitub ŋakiro kaŋ akaikinit ayoŋ.

Ŋikiru. 119:19

Eboi ayoŋ anakwap arae igelaanot; nyiwua aneni kaŋ ŋakiciketa kon.

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

Awos. 2:22

Abu Sipora kidou, ikoku ŋinisapat, tolimok Moses ekiro a ikoku a ŋin Gerisom, ebala, “Arae ayoŋ egelaanot anakwap a ŋinagela.”

Ŋilep. 25:23

Nyemaikina iyes togyelakis ituŋanan ŋalup toruworos ŋuna keŋ jik, anerae erae ŋalup ŋuna kaŋ, irae iyes ŋigelaanotin nai ŋikepaŋgak ŋalup kaŋ.

Ekim. 10:30

Nai tolimok Obab Moses tema, “Nyalosi ayoŋ, nai aboŋori ayoŋ nakwap kaŋ a elope ka loyeneta kaŋ.”

Ekim. 24:17

Ete ayoŋ iŋes, nai meere tokona eyakaunor, ete ayoŋ iŋes, nai nyeapi, elomuni etop aneni a Yakob ebuni erwosit alo Isirael. Elemari iŋes ŋikukorusinei a Moab daadaŋ, emunyari iŋes ŋituŋa daadaŋ akwap a Ases.

Mat. 13:17

Akalimokini ayoŋ iyes kire atemar, acamito ŋikadwarak ŋulu alalak ka ŋituŋa ŋulu iyookino akiŋolikin ŋuna iŋolikis iyes, nai apotu nyiŋolikis; nabo acamito akiirar ŋuna iirasi iyes, nai apotu nyiirasi.”

Yoa. 12:41

Alimuni Isaya ŋakiro ŋun, anerae abu kiŋolik apolou a Yesu, kisyak nai akirwor aŋuna keŋ.

Yoa. 8:56

Abu papaa kus Aburaam tolelyan, anerae ayeni atemar alosi iŋes aanyun akoloŋit ŋina abunio ayoŋ; abu kire toanyu, ido tolakar nooi.”

Ŋirom. 4:21

Anupit iŋes kire atemar epedori Akuj akitiyakin ŋuna adau akiikin.

Ŋirom. 8:24

Anerae arae aŋuna ka akigeno a na aponere ikiiun iwon; nai ani kikiŋolik iwon ŋuna ikigeno iŋes atemar meere ŋin akigeno. Anerae ani kite ituŋanan ibore, kan nyo nabo igenor iŋes?

2 Ŋikor. 4:18

Nyikiwuakinit isua ŋatameta kosi loboro ŋulu etakanete, nai loboro ŋulu nyetakanete; ibore ŋini ite iyoŋ, nyeropari, nai ŋini nyetakani, eropari ŋikaru ka ŋikaru.

2 Ŋikor. 5:6

Aŋun, ikiyakar isua atitinyu jwi jwi. Ikiyeni atemar ani ca eriŋa isua ikiyari alokuwane a lo, ikilwaka aneni eyai Ekapolon.

Ŋiep. 2:19

Aŋun nai, nyeriŋa iyes ŋulu nyirae Ŋiyudayan irae ŋigelaanotin kori ŋituŋa ŋulu ka acekwap; irae tokona iyes ŋipei ka ŋituŋa ŋulu ka Akuj ka irae ŋituŋa ŋulu ke epeikal a ŋolo ka Akuj.

Ŋibur. 11:14

Ŋituŋa ŋulu irworosi ŋakiro ŋuna ikote ŋun, isileereunito atemar ecamito ikes akwap ŋina erae ŋina kec a ŋilopeyek.

Ŋibur. 11:17

Anupit iŋes alemunia Aburaam lokoku keŋ Isaka toruwor amuronot apaki ŋina ekatakinitor Akuj iŋes. Atenit Aburaam ainakin lokoku keŋ ŋolo donupei aruwor amuronot, tari ŋina aris

Ŋibur. 11:27

Anupit iŋes arotokinio Moses alo Ijipit pa ekuryana atemar eŋoi erwosit a Ijipit. Torubak iŋes etitinyikinit esibit etakani aneni keŋ Akuj ŋina nyetakani.

Ŋibur. 11:39

Abu Akuj tocamu ŋituŋa ŋul daadaŋ aŋuna ka anupit kec, nai nyeryamuna ikes ŋuna sek eikinit Akuj,

1 Pet. 1:1

Ayoŋ Petero, ekiyakia a Yesu Kristo, egirit abaruwa na neni a ŋituŋa a ŋulu seuna a ŋulu ka Akuj, a ŋulu erae ŋikawuotok ka ielakina nakwapin nu: Ponito, Galatia, Kapadokia, Asia ka Bisinia.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

1 Yoa. 3:19

Epite lo iŋes ikiyenia iwon atemar ikirae ŋulu a kire ka epite lo etitinyoto ŋitai yok alokiŋaren Akuj: