Ŋibur. 10:5 - Ebaibul

⁵ Aŋakiro a ŋun, abu Kristo ŋina aapuunia iŋes abunore nakwap tolimok Akuj tema, “Ibu iyoŋ nyicamak ŋamuronisya ka ŋainakineta, nai ibu ikiinak ayoŋ akuwan.

Ŋibur. 10:5 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Isa. 1:11

Irworo Ekapolon ebala, “Ŋakai kaŋ ŋamuronisya kus ŋuna alalak, akaupa ayoŋ ŋainakineta ŋuna epeyo ŋuna a ŋimesekin ka asepwae a ŋibaren a ŋulu atumak; nyeketalakarito ayoŋ ŋaokot a ŋimoŋin, kori a ŋikalei a ŋulumesekin, kori a ŋamee.

Isa. 40:16

Nyepedorete ŋakito a amoni a Lebanon akitemokin akinokia akim, kori nyitemokin tari ŋityaŋ a amoni a Lebanon aŋuna a ŋamuronisya a ŋuna epeyo.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Mat. 11:3

Kiŋita ikes Yesu temasi, “Erae iyoŋ itemokino ibu, kori itemokino isua edareutu ece?”

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Luk. 7:19

Tonyara nai Yoana ŋikasyomak keŋ ŋiarei kiyakiya neni ke Ekapolon akiŋit atemar, “Erae iyoŋ itemokino ibu, kori itemokino isua edareutu ece?”

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 1:6

Nabo, ani eapuuni Akuj akiyakuun Lokoku keŋ ŋolo kiyae nakwap, abu tolimu tema, “Itemokino ŋimalaikan ŋulu ka Akuj daadaŋ toryediko kipuro iŋes.”

Ŋibur. 10:10

Aŋuna etiyaa Yesu Kristo ŋuna acamit Akuj iŋes kitiya, ikitesegun iwon anasecisya alotooma ainakin akeekuwan ainakinet apei ŋina itemokino jik.

Ŋibur. 10:7

Abu nai ayoŋ otema, ‘Ee Akuj, ayoŋ lo, acamit akitiya ŋuna icamit iyoŋ, lopite ŋolo igiritere aŋuna kaŋ lokitaabo ŋolo a Ŋikisila.’ ”

Ŋibur. 10:8

Mono, abu Kristo tema, “Ibu iyoŋ nyicamak ŋamuronisya ka ŋainakineta, nyilakara iyoŋ aŋuna a ŋibaren a ŋulu epeyete ŋituŋa aŋuna kon a Namuroet, kori a ŋainakineta a ŋuna elemarere ŋasecisya.” Abu iŋes tolimu ŋun, tari daŋ kelemununuyo ŋamuronisya ŋun alopite a ŋolo ecamakinitotor Ŋikisila.

Ŋibur. 2:14

Aŋuna eraakatar ŋituŋa ŋulu enyarit iŋes ŋidwe, ŋulu eya ŋawat ka ŋaokot, abu Yesu tomora ka ikes ekuwane ŋol; ikotere alotooma atwanare keŋ inyasuni Satan ŋolo epolokinit atwanare.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

Ŋibur. 8:3

Eseununuyo ŋisacaradotin ŋulu Apolok nooi, ikotere einanakinete Akuj ŋainakineta ka ŋamuronisya. Ikwaŋinapei, itemokino Yesu daŋ Esacaradoti yok ŋolo Apolon nooi toyakar idiobore ŋini einakini.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.