Ŋibur. 10:29 - Ebaibul

²⁹ Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

Ŋibur. 10:29 Iomraidhean Croise

2 Ŋirw. 9:33

Tolimok Yeu ikes tema, “Kimasutu iŋes kwap!” Kimasut ikes Yesebel kwap, kiterakin ŋaokot keŋ narwatata ŋina ka akai ka naŋolei a Yeu ŋuna aponi tomearae kipudaasi akuwan keŋ.

Ŋikiru. 143:10

Kitatamae ayoŋ etiya acamit kon, anerae irae iyoŋ Akuj kaŋ; elipi ayoŋ okorik etau kon nyaloma natyokisyo.

Ŋikiru. 91:13

Ipudaari iyoŋ ŋiŋatunyo, ŋimuno ka ŋapomya, ipudaari iyoŋ ŋiŋatunyo ŋulu adedeŋak ka ŋimuno ŋulu eyakatar akisorit.

Awos. 24:8

Tolemu nai Moses ŋaokot ŋuna aya nabakulei towuasya ŋituŋa tema, “Erae ŋaokot nu ŋuna ka Acamunet a ŋina abunio Ekapolon tocamunotor ka iyes anakiro a nu a daadaŋ.”

Isa. 14:19

nai ikimasar iyoŋ neni alwanan analyal kon lopite ŋolo imasarere ateni ŋina aronon. Erapitae akuwan kon a ŋawat a ŋituŋa a ŋulu aponi torae a ekileŋ a ŋulu emasar namoru ŋuna alotooma akipany, ikwaanikin iyoŋ ka alyal ŋina ipudaete ŋituŋa elosete.

Isa. 28:3

Ipudao alokwap ŋulu iturotor ŋikamerak a Epuraim,

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Yer. 1:5

“Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Aum. 1:15

“Adau Ekapolon akiŋer ŋikajiok kosi daadaŋ, adau anyaraun ŋasigarya akiman isua ka amunyar ŋisorok kosi. Epudaiya Ekapolon ŋituŋa kosi ikwa ipudaere ŋaraito a epiini aneni ecuyere.

Esek. 16:6

“‘Abu ayoŋ etoru diyete neni iyai iyoŋ ekeŋolik iyoŋ iperi anaokot kon ka abu okolimok iyoŋ atemar toyar!

Dan. 8:13

Abu nai ayoŋ eira emalaika irworo, tema emalaika ece neni a emalaika a ŋolo erworo, “Apaki ŋina etya ai eayete ŋakiro ŋuna eŋolikin anakisileerekinet, ido kisiyookinoe? Ŋakiro ŋuna ka akisileerekinet a ŋainakineta a ŋuna epeyo a ŋinakoloŋit, ŋuna ayaut ekasile aŋuna ka aŋerit Akuj ka ŋuna epotorere akibois ŋina ka Akai ka Akuj ta ŋuna epudaere ŋimalaikan.”

Mika 7:10

Iŋolikinete nai ŋimoe kaŋ ŋun, ido irumete ŋileec ŋituŋa ŋulu apotu temasi neni kaŋ ebe, “Ai mono eyai Ekapolon Akuj kon?” Eŋolikini ayoŋ ikes ereunio, ido kipudaarae ikwa ecoto ŋolo eyai lorotin ŋulu ke etaun.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

Mat. 7:6

“Nyiinakis ŋiŋokwo ibore ŋini einakinitae Akuj ka nyimasakis ŋamoru ŋuna elal egyelit lopegei, anerae ipudaarete ikes a ŋakejen, tosodo kibelekinos akitiji iyes.

Mar. 7:2

apotu toanyuwasi ŋikasyomak a Yesu ŋice imujete a ŋakan a ŋuna pa elotot lopite ŋolo elosyata Ŋiparisayon.

Luk. 12:10

“Ituŋanan daadaŋ ŋini elimuni akirot itoroniyarit Lokoku a Ituŋanan, isyoniyo; nai ŋini iyanyi Etau ŋolo Asegan, nyisyoniyo jik.

Yoa. 10:36

Ani nai kikote nen, ikokinete iyes ai ibasi, ‘Iyanyi iyoŋ Akuj!’ anerae abu ayoŋ olimu atemar, ‘Arae Ayoŋ Lokoku ka Akuj,’ ikwapei araakar ayoŋ abu Akuj okotyaku ekeyakuu nakwap.

Yoa. 17:19

Aruwor ayoŋ ŋolo akatyakunitae aŋuna kec, ikotere toruworos ikes daŋ ŋulu seuna anakirot a ŋina a kire.

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋirom. 16:20

Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.

1 Ŋikor. 11:27

Aŋun, ŋini daadaŋ imuji amugati kori emasi alokopo a ŋolo ke Ekapolon pa itopoloorit Ekapolon, eyany iŋes akuwan ka ŋaokot ke Ekapolon.

1 Ŋikor. 11:29

Anerae ŋini daadaŋ imuji amugati ka emasi alokopo pa enupit apolou ŋina ka akuwan ka ŋaokot ke Ekapolon, etubokini Akuj iŋes.

1 Ŋikor. 15:25

Anerae, itemokino Kristo kipuka akitodol ŋina ilounia Akuj ŋimoi keŋ daadaŋ, kiwuak ikes kwap ŋakejen a Kristo.

1 Ŋikor. 15:27

Anerae ebasi Ŋakigireta ebe, “Adau Akuj akiwuakin ŋiboro daadaŋ kwap ŋakejen a Kristo.” Nai ileere atemar nyimarakinitae Akuj nakiro ŋuna ebasi “Ŋiboro daadaŋ”, anerae Akuj ewuakini ŋiboro daadaŋ kwap ŋakejen a Kristo.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

Ŋibur. 10:10

Aŋuna etiyaa Yesu Kristo ŋuna acamit Akuj iŋes kitiya, ikitesegun iwon anasecisya alotooma ainakin akeekuwan ainakinet apei ŋina itemokino jik.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Ŋibur. 2:11

Iŋes ŋolo itesegi ŋitai kaapei ka ŋulu itesegunio, erae papa kec epei. Erae ŋakiro ŋun nyitimitor Yesu anyarare ikes ŋikaitotoi keŋ.

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

Ŋibur. 6:4

Nyepedorete ŋituŋa ŋulu adaut akiŋer anupit kec akibelekin nabo anasecit kec. Anapakio a ŋace a ŋuna alunyarosi, ayenete ikes ŋakiro ŋuna ka Akuj; eirito ainakinet ŋina anakuj ka aryamunito Etau ŋolo Asegan.

Ŋibur. 6:6

Nai ekaku, apotu tomuleno Akuj, ido alopite a ŋol, ebubukis nabo ikes ŋilopeyek Lokoku ka Akuj lomusalaba ka esuruma iŋes ŋileec ŋulu ileerete alotuŋa a daadaŋ.

Ŋibur. 9:13

Ewuatanakinete ŋisacaradotin ŋituŋa ŋulu esecito ŋitalyo ŋaokot a ŋamee ka ŋuna a ŋimoŋin ta ekuron ŋolo a ataok a ŋina icunyitae erae amuronot, ikotere kitaleunotor ikes.

Ŋibur. 9:20

Abu Moses tolimu tema, “Erae ŋaokot nu ŋuna ka Acamunet a ŋina icamunotor iyes ka Akuj.”

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.