Ŋibur. 10:28 - Ebaibul

²⁸ Ituŋanan daadaŋ ŋini abil Ŋikisila a Moses, earyo emam akisyon, erae kelimut ŋisuudae ŋiarei kori ŋiuni atemar esecit iŋes.

Ŋibur. 10:28 Iomraidhean Croise

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

2 Sam. 12:9

Kaanukiro ijamuwarya iyoŋ akirot ke Ekapolon aŋuna itiyaa ŋuna aronok alokiŋaren Ekapolon? Ibu iyoŋ toar Uria Eititait a akileŋ, ido iya aberu keŋ kituruwo ŋina kon.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Ekim. 15:36

Abu nai atukot a Ŋisirael a daadaŋ yaut ekile ŋol kiŋa alomar, tocaka iŋes a ŋamoru, lopite ŋolo sek ecikitor Ekapolon Moses.

Mat. 18:16

Nai ani pa kiira iŋes, ya ituŋanan ipei kori ŋiarei, ikotere kisuudata ŋituŋa ŋuluarei kori ŋuluuni ŋakiro daadaŋ ŋuna esecit iŋes.

Yoa. 8:17

Igiritae Lokisila kus ebe, ani ecamunosi ŋituŋa ŋiarei, iyookino akiteyenunet kec.

Ŋirom. 9:15

Anerae abu iŋes tolimok neni a Moses tema, “Esyoni ayoŋ ŋini acamit akisyon, etimi ŋini acamit akitim.”

2 Ŋikor. 13:1

Erae na abunet kaŋ ŋina a ŋauni ŋina abunio aanyun iyes. “Itemokino ŋinasitan kitogogoŋito ŋisuudae ŋiarei kori ŋulu edeparito ŋiarei,” ikwapei ebaakar Akigiret.

Ŋikis. 19:13

Nyisyonioto iŋes jik, ikotere ilemarete alo Isirael ekaile ŋolo ka asecit a ŋina ka akiar ituŋanan ŋini pa asecit, ido iboiyete iyes emam ŋace.

Ŋikis. 19:15

Nyitemokino ŋakiro esuuda epei aŋuna ka atubokinia ituŋanan ŋakiro ŋuna ka aronis a ŋina isitakinitere iŋes, mati kelimut ŋisuudae ŋiarei, kori ŋiuni ŋakiro, iŋes nai enupere atemar esecit, kori nyesecit ituŋanan ŋini isitakinitae.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 2:2

Anerae tari ŋakiro ŋuna koloŋ alimonokinete ŋimalaikan atapapaa yok, arae ŋuna a kire, ido ituŋanan daadaŋ ŋini abili ka towou akiricakin ŋakiro ŋun, abu toryamu akisicanio ŋina ewarit iŋes ilope.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.