Ŋibur. 10:27 - Ebaibul

²⁷ Akilo, ŋuna tokona idoŋit iŋes akidarun alokabule Akoloŋit ŋina ka Atubokino ka akim ŋina amwanan nooi ŋina enyamuwari ŋulu itepegete Akuj.

Ŋibur. 10:27 Iomraidhean Croise

Ŋikiru. 21:9

Ani edoli apaki ŋina itakanunia iyoŋ, imunyari iyoŋ ikes ka akim a ŋina amwanan pe; imunyari iyoŋ ikes aŋuna iŋoitor, imunyari iyoŋ ikes ka akim.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Esek. 36:5

Alimu tokona Ekapolon Akuj ebe, ‘Erworo ayoŋ anaŋoit kaŋ aŋina alilitor nooi emanit ŋakwapin ŋunace ka emanit Edom ŋina apotu ŋituŋa keŋ alotooma aleleyanu ka ajamuwarit kikamasi akwap kaŋ toruwor ŋina kec aŋuna ka aŋatar ŋadakarisinei keŋ.’

Esek. 38:19

Analilit ka anaŋoit a ŋina anyunyurar ayoŋ, alimu ayoŋ atemar akoloŋit ŋina ebunio Gog akirem akwap a Isirael, eyakaun amaran ŋina apolon nooi neni a Ŋisirael.

Dan. 5:6

Anenipei togelaaniya ereet a erwosit, tokadak iŋes anatameta, kikelikelakis ŋakejen keŋ, tonaŋanakin ŋakuŋin keŋ.

Osea 10:8

Emunaaryo ŋakiboisyo ŋuna aoyak ŋuna eya Apen, ŋakiboisyo ŋuna aponeta Ŋisirael toseceta. Erupunete ŋinya ka ŋikukwa anamuroeta kec. Etemarete ikes neni a ŋimoru, “Kiwuae isua” ka etemarete ikes neni a ŋikamukumukui, “Toritaunosi neni kosi.”

Yoel 2:30

“Etiyakini ayoŋ ŋakujuwuanisya alokidiama ka ŋaumonokineta alokwap, eyakaun ŋaokot ka akim ta apuru ŋina alalan nooi;

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Ekim. 16:35

Tosodi abu akim bu aneni ke Ekapolon tonomiya ŋikilyok ŋul ŋulu arae ŋamiae ŋaarei ka ŋatomonikan ŋulu ainanakinete ekinyate pa ecamakinitae.

Mat. 13:42

tocakakinae nakim ŋina erirae. A nen, kigworo ka tokonyanakis ŋikyal.

Mat. 13:50

Ecakakinete ŋimalaikan ikes nakim ŋina erirae. Kigworo a nen ka tokonyanakis ŋikyal.”

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Mat. 3:10

Edikino aep iteli ŋikito anataagor; ekitoe daadaŋ ŋolo nyeraii ŋaraito ŋuna ajokak, itelunio tocakakinae nakim.

Mat. 3:12

Eyakar iŋes nakan keŋ erite ikotere epyetarya ŋikeemomwa ejok analos, tocunak lodulae keŋ, kicunyak nai ŋatunyeny anakim a ŋina nyeduŋe.”

Mat. 8:29

Kiworout ŋikilyok ŋul temasi, “Anukiro eya iyoŋ ka isua, Lokoku ka Akuj? Ibunit iyoŋ amunyar isua eriŋa apaki nyedolo a?”

Luk. 16:24

Tosodi iŋes togeu anyaraiyanar ke etoil a ŋolo apolon ebala, ‘Papa Aburaam, kisyoni kare ayoŋ! Kiyaku Lasaro kilumok ekimoin keŋ nakipi ŋadi, ido kitililimik naŋajep kaŋ, anerae akapipilikinit ayoŋ akim na nooi!’

Luk. 19:27

Nai ani ikwa ŋimoi kaŋ lu, ŋulu nyakacamito ayoŋ akipuka ikes, torikutu ikes ne toŋolae ete ayoŋ!’”

Luk. 21:26

Emaranikinete ŋituŋa kirakanaros ebulit aŋuna a ŋican a ŋulu epote nakwapin daadaŋ; anerae emaranikinete tari ŋiboorei daadaŋ ŋulu alokidiama.

Luk. 23:30

Ŋirwa ŋul, elimokinete ŋituŋa ŋimoru etemarete, ‘Totiyakinetei isua!’ Nabo elimokinete ŋimukura etemarete, ‘Kiwuae isua!’

Yoa. 5:29

Elomunete ikes kiŋa; ŋulu itiyato ŋuna ajokak, eyarunete toryamut akiyar; ŋulu itiyato ŋuna aronok, eyarunete totubokinae.

Ŋikis. 32:43

“Okoe ŋituŋa a ŋakwapin, kitopoloosi ŋituŋa a Ekapolon kilipa neni keŋ iyes ŋakujo daadaŋ, anerae inyaŋi iŋes ŋaokot a ŋiketiyak keŋ, inyaŋi ŋakiro a ŋimoe keŋ, isicani ŋulu eremokino iŋes, tolema aronis anakwap a ŋituŋa keŋ.”

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 12:29

anerae ikwaan Akuj yok ka akim ŋina ikinyamuwari.

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Ŋibur. 9:27

Etwani ituŋanan daadaŋ atwanet apei, ido ekaku totubok Akuj iŋes.

Yak. 5:3

Enyasu ekut egolid ka ŋisilipae kus ŋulu amilimilak. Eruwor ekut kec esuuda ŋolo ikisitakinit iyes ka irikari iŋes ŋawat kus ikwa akim. Itukokis iyes ebari kus alorwa a lu a ŋulu esidyok.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

1 Sam. 2:25

Ani kesec ituŋanan ipei neni a ŋinice, epedori ituŋanan ice akirwor neni ke Ekapolon aŋuna a ekasecan a ŋol. Nai ani kesec ituŋanan aneni ke Ekapolon, ŋae epedori akirwor aŋuna keŋ?” Nai apotu ŋidwe ke Eli ŋul nyiirasi ŋuna alimokini papa kec, anerae arae acamit ŋina ke Ekapolon atemar totwaka ikes.