Ŋibur. 10:25 - Ebaibul

²⁵ Nyikipalik acunanakin iwapei ikwaŋina apalikiniata ŋice. Nai orubakisi ikisimukekina make, nooi anapaki a na a ŋina aapuunia Akoloŋit ŋina ke Ekapolon.

Ŋibur. 10:25 Iomraidhean Croise

Mat. 10:15

Akalimokini ayoŋ iyes kire atemar, Akoloŋit ŋina ka atubokino erimakinio ŋituŋa ŋulu a Sodoma ka ŋulu a Gomora akilo ŋulu ke etaun a ŋol.

Mat. 18:20

Anerae neni ecunakin ŋiarei kori ŋiuni alokiro kaŋ, ayakaun ayoŋ kidiŋ kec.”

Yoa. 12:48

Ŋinituŋanan akaŋeri ayoŋ, nyecamu ŋakiro kaŋ, eyakar iŋes ekatubon. Ŋakiro ŋuna erworo ayoŋ, ikes eruworosi ekatubon keŋ Akoloŋit ŋina esidyon.

Ŋitic. 16:16

Apeikoloŋit elosyo isua neni elipeneneere, kiryamunetei ka apese ŋina arae apito, ŋina ayakar ekipye ŋolo ainakinit iŋes akidwar ŋakiro ŋuna eponito alokiŋaren. Aryamianakini iŋes ŋikapolok keŋ ŋisiliŋa ŋulu alalak anakidwar keŋ.

Ŋitic. 2:1

Ani edoli akoloŋit ŋina a Pentekoste, acunakina ŋikanupak daadaŋ iwapei.

Ŋitic. 2:42

Torubakis ikes daadaŋ epupete ŋakiro ŋuna etatamete Ŋikiyakia, togeut ikes alosenen natukot ŋina a ŋikanupak akimuj kaapei ka akinumunum Akimuj ŋina ke Ekapolon ta akilipenen.

Ŋitic. 20:7

Akoloŋit ŋina ke Esabit, apaki ŋina ikiyakar isua iwapei akinumunum Akimuj ŋina ke Ekapolon, abu Paulo kirwor neni a ŋikanupak a ŋulu a nen akitodol kidiŋ akuwar, aŋuna arotokinitor iŋes taparacu keŋ.

Ŋirom. 12:8

Ani kerae akisimukekin ŋuluce, itemokino iwon esimukekisi. Ituŋanan daadaŋ ŋini ipotonori ka arimao neni a ŋuluce, itemokino kitiya ka alakara. Ituŋanan daadaŋ ŋini erae ekarikon, itemokino kitiya ka alelakinit.

1 Ŋikor. 11:20

Apaki ŋina iryamiryamyata iyes, nyerae kire Akimuj ŋina ke Ekapolon imujete iyes.

1 Ŋikor. 14:23

Ani nai kecunakinosi ŋikanupak daadaŋ iwapei, togeut daadaŋ akirworo ŋaŋajepa ŋuna egelaaka, ido tolomut nai nen ŋituŋa ŋulu nyeyenete ŋun kori ŋulu nyerae ŋikanupak, nyetemarete mono ikes ikikerepikinit iyes daadaŋ a?

1 Ŋikor. 14:3

Nai ituŋanan ŋini edwari, irworo lotuŋa aŋuna ka akitogogoŋ, akisimukekin ka akimaima ikes.

1 Ŋikor. 3:13

Akoloŋit ŋina esidyon, isileereunio etic a ŋinituŋanan alotooma akim, anerae ikatakinio ka akim ibore ŋini edukitor iŋes.

Ŋipil. 4:5

Kiyapara alotuŋa a daadaŋ. Aapuu apaki ŋina ebunio Ekapolon.

1 Ŋites. 4:18

Aŋun nai, kisimukekinos make a ŋakiro a ŋun.

1 Ŋites. 5:11

Aŋun, kisimukekinos ka kiŋaranakinos make, ikwaŋina tokona itiyaata iyes.

Ŋibur. 10:24

Ewara epite ŋolo ikisimukekinor iwon make, ominakisi ŋuluce ka etiyata ŋuna ajokak.

Ŋibur. 10:37

Anerae egiritae Nakigireta atemar ebala Akuj, “Idoŋit apaki adio cici tosodi bu ŋolo itemokino bu, nyedidi iŋes.

Ŋibur. 13:22

Ekemaimai ayoŋ iyes ŋikaitotoi kaŋ atemar topupokis alotooma akidaŋidaŋakinit ŋakiro nu ŋuna ka akitumunikin, anerae nyeoya abaruwa na ŋina ekegirak ayoŋ iyes.

Ŋibur. 3:13

Nai kiŋaranakinos iyes make ŋapakio daadaŋ eriŋa ikiya napaki ŋina enyaritae, “Nakoloŋit na,” ikotere nyemodik asecit idio kus kitininik ŋatameta.

Yak. 5:8

Itemokino iyes daŋ totitinyikinito. Torubakisi ienito ŋitai, anerae aapuu Akoloŋit ŋina eboŋunio Ekapolon.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

2 Pet. 3:11

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.

Yud. 1:19

Ŋul ikes ŋulu eyaunito atyakatyaka, ikes ŋulu iricakinito ŋiboro ŋulu ka akwap bon; emamukatar ikes Etau ŋolo ka Akuj.