Ŋibur. 10:24 - Ebaibul

²⁴ Ewara epite ŋolo ikisimukekinor iwon make, ominakisi ŋuluce ka etiyata ŋuna ajokak.

Ŋibur. 10:24 Iomraidhean Croise

Ŋikiru. 41:1

Erereŋ ŋituŋa ŋulu iŋarakinito ŋikulyak; elakuni Ekapolon ikes anapakio a ŋuna a ŋican.

Ŋakit. 29:7

Eyeni ituŋanan ŋini iyookino ibore ŋini iitanito ŋikulyak nai nyeyeni ituŋanan ŋini aronon ibore ŋini iitanito ŋikulyak.

Ŋitic. 11:29

Totyakut ŋikasyomak a Yesu atemar itemokino ŋinituŋanan alokidiŋ kec tolemu alopite a ŋolo apedorya alemun idiobore ŋini kiŋarakinet ŋikanupak alo Yudaya.

Ŋirom. 11:4

Aniboŋokinet abu Akuj tolimok Eliya? Abu toboŋok tema, “Adau ayoŋ akisidoŋ ŋikilyok ŋalipyo ŋakanikaarei aŋuna kaŋ ŋulu nyeryediko kilipa neni ka akuj a ŋina koŋinait, a ŋina enyaritae Baal.”

Ŋirom. 12:15

Tolakara kaapei ka ŋulu elakara, kigworo kaapei ka ŋulu igworosi.

1 Ŋikor. 10:33

Kiboiyoto lopite ŋolopei eboiyo ayoŋ; ekatakinit ayoŋ akitalakar ŋituŋa daadaŋ alopitesyo a daadaŋ, nyatami ŋuna kaŋ bon, nai atami aŋuna a ŋituŋa a daadaŋ, ikotere toiunos ikes daadaŋ.

1 Ŋikor. 9:22

Aneni a ŋulu epalag ananupit, apalag ikwa ikes, ikotere onyaraunia ŋulu palag daŋ neni a Kristo. Aruwor ayoŋ ŋinibore daadaŋ alotuŋa a daadaŋ, ikotere oiunia ŋice a epite a daadaŋ a ŋolo apedorya.

2 Ŋikor. 8:8

Nyalimunit ayoŋ ŋun erae akiciket, nai acamit aanyun akikinyoma ŋina ka amina kus alotooma akisikwaanikin ka epite ŋolo iburitor ŋituŋa ŋulu a Makedonia ainanakin.

2 Ŋikor. 9:2

Ayeni ayoŋ atemar itenito iyes akiŋarakin ka eketuror ayoŋ iyes alotuŋa a ŋulu a Makedonia. Abala ayoŋ ebe, “Ageun alokaru a ŋolo alunyar, etenito ŋikanupak ŋulu eya Akaia akiŋarakin.” Adau alelakinit kus ŋina ka akiŋaranakin akisimukekin ikes ŋulu alalak.

Ŋigal. 5:13

Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋigal. 6:1

Ŋikaitotoi kaŋ, ani keriko asecit idiotuŋanan, itemokino iyes ŋulu ikipukat Etau ŋolo ka Akuj kiŋarakis iŋes, ikotere inyakun iŋes; nai itemokino iyes kitiyata ŋun alotooma akitiditeuna. Kiuryar ŋinituŋanan kus bon, ikotere nyitemi iŋes daŋ.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

1 Ŋites. 1:3

Anerae apaki daadaŋ ŋina ilipere isua Akuj Papa, ikitamunit epite ŋolo itiyaata iyes aŋuna ka anupit kus ka epite ŋolo imunikinitotor aŋuna ka amina kus, ta epite ŋolo ititinyikinitotor aŋuna ka akigeno kus neni ke Ekapolon yok Yesu Kristo.

1 Ŋites. 5:11

Aŋun, kisimukekinos ka kiŋaranakinos make, ikwaŋina tokona itiyaata iyes.

2 Ŋites. 3:9

Aponi isua kitiyae ŋun, meere aŋuna amamukar isua apedor ŋina kiitanet akiŋarakinet adio aneni kus, nai ikotere eruworoe isua akitaanyikinet ŋina itemokino iyes kiwuapa.

1 Tim. 6:18

Tolimok ikes kitiyata ŋuna ajokak, tobarito aloticisyo a ŋulu ajokak ka totenito akimor ŋiboro kec ka ŋuluce anarimao.

Tito 2:4

ikotere epedoryata ikes akitatam ŋaberu ŋuna esorokaka: amina ŋikilyok kec ka ŋikecedwe,

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

Ŋibur. 13:1

Torubakisi iminin make ikwapei ŋikaitotoi alotooma Kristo.

Ŋibur. 13:3

Nyikimuryakis ŋulu eyakasi mabus, tosibite iyakasi iyes ka ikes mabus. Nyikimuryakis ŋulu eryamunito ŋican, tosibite iryamunito iyes ka ikes ŋican.

Ŋibur. 3:13

Nai kiŋaranakinos iyes make ŋapakio daadaŋ eriŋa ikiya napaki ŋina enyaritae, “Nakoloŋit na,” ikotere nyemodik asecit idio kus kitininik ŋatameta.

1 Yoa. 3:18

Ŋidwe kaŋ! Nyikiminin a ŋakiro a ŋuna ikirworo bon, nai ominin kire a ŋiticisyo.