Ŋibur. 10:23 - Ebaibul

²³ Orubakisi ikiya nakigeno ŋina ikilimorit iwon, tomam aŋayaŋayat, anerae Akuj ŋina adau akiikin iwon, erae ŋina ikinyoma.

Ŋibur. 10:23 Iomraidhean Croise

Ŋikiru. 26:1

Okoe Ekapolon, tolimu atemar nyasecit ayoŋ, anerae eboi ayoŋ emam ŋuna eketoronitere anakiyar kaŋ, ekinyom ayoŋ Ekapolon ŋinapei emam akiryaŋiryaŋa.

Aum. 3:23

Ikiteteununui Ekapolon ŋun a ŋinataparacu, epol nooi akikinyoma ŋina a Ekapolon.

1 Ŋikor. 1:9

Ikinyoma Akuj ŋina adau anyarare iyes nakimorikina ka Lokoku keŋ, Ekapolon yok Yesu Kristo.

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

2 Ŋikor. 9:13

Itoodiuni etic kus ŋol akiyar kus a Ŋikristo ka epote ŋituŋa ŋulu alalak akipuro Akuj aŋuna ke epite a ŋolo ilimoritotor ka iwuapitotor iyes Ŋakiro ŋuna Ajokak ŋuna a Kristo, ŋuna iseraete iyes. Ipurete daŋ ikes Akuj aŋuna imoryata iyes ka ikes ta ŋikanupak ŋuluce daadaŋ ibore ŋini iyakatar iyes.

1 Ŋites. 5:24

Iŋes ŋolo ikinyarit iyes, erae ŋolo ikinyoma; itiyakini iŋes ŋuna adau akiikin.

2 Ŋites. 3:3

Nai ikinyoma Ekapolon; ikitogogoŋi ka ikiyoki iŋes iyes aneni a ŋolo Aronon--Satan.

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

Ŋibur. 11:11

Anupit iŋes aruworor Aburaam papa tari ŋina abunio iŋes tomojoŋia nooi daŋ ka Sara daŋ pa auri. Ayeni Aburaam atemar Akuj ŋina adau akiikin, erae ŋina ikinyoma.

Ŋibur. 3:1

Ŋikaitotoi ŋulu adau Akuj anyarare, ŋulu iraakasi ŋulu keŋ! Totamatamata ŋuna a Yesu a ŋolo erae ekiyakia ŋolo ka Akuj ka erae Esacaradoti ŋolo Apolon nooi ŋolo ka anupit yok.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

Yak. 1:6

Nai itemokino iŋes kiŋit ka anupit, tomam aŋayaŋayat adio daŋ. Anerae ituŋanan ŋini eŋayaŋayat, ikoni ŋikaguragurae ŋulu a ŋakipi ananam, ŋulu ibele ekuwuam neni daadaŋ ekutari.

Akis. 3:11

Abunit ayoŋ atipei. Torubak iricit anupit ŋina iyakar iyoŋ, ikotere nyikidema iyoŋ icetuŋanan eropit ŋolo ka akiloun.