Ŋibur. 10:22 - Ebaibul

²² Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 10:22 Iomraidhean Croise

1 Ŋirw. 15:3

Abu Abiyam kitiya aronis daadaŋ ŋina sek etiyato papa keŋ pa eyookino etau keŋ aneni ke Ekapolon ka Akuj keŋ, pa ekoni etau keŋ ŋolo a Daudi a papaa keŋ.

1 Ŋakiro a ŋirwa 12:33

Ŋikilyok ŋulu aponito alokabila a Sebulon, ŋulu ayenete nooi ejie, ŋulu etemokino ajiore a ŋiboro a ŋulujiet a daadaŋ, ido ariito ikes daadaŋ akiŋarakin Daudi bon, arae ŋalipyo ŋatomonikan.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Ŋikiru. 111:1

Kipuroe Ekapolon! Alakar ayoŋ neni ke Ekapolon a etau kaŋ a daadaŋ, anatukot a ŋulu iyookino ka aneni ilipyata ŋituŋa.

Ŋikiru. 119:10

Ekewarit ayoŋ iyoŋ ke etau kaŋ a daadaŋ; nyikimyek ayoŋ ooliyo anakiciketa kon.

Ŋikiru. 119:145

Anyara ayoŋ ke etau kaŋ a daadaŋ, toboŋokino ayoŋ, okoe Ekapolon, ikotere ewuapi ŋakiro ŋuna itubunit iyoŋ.

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Ŋikiru. 119:34

Inakinae ayoŋ ayenut, ikotere ewuapi ŋikisila kon, ewuap ikes ke etau kaŋ a daadaŋ.

Ŋikiru. 119:58

Ekeŋisit ayoŋ iyoŋ ke etau kaŋ a daadaŋ ikiŋarak ayoŋ, kisyoni ayoŋ lopite ŋolo idaunia iyoŋ akiikin.

Ŋikiru. 119:69

Irworosi ŋiketurok alyokonu aŋuna kaŋ, nai ewuapit ayoŋ ke etau kaŋ a daadaŋ ŋakiciketa kon.

Ŋikiru. 119:7

Ekepuri ayoŋ iyoŋ ke etau a ŋolo iyookino, apaki ŋina ayenunia ŋikisila kon ŋulu iyookino.

Ŋikiru. 119:80

Elipi tomam ŋuna eketoroniyaritere ayoŋ alotooma ŋakiro ŋuna itubunit iyoŋ, ikotere ayoŋ nyekesurumi ŋileec.

Ŋikiru. 32:11

Iyes ŋulu iyookino, tolakar ka tolelyana aŋuna adau Ekapolon akitiya. Iyes daadaŋ ŋulu iyookino alotai, tocela ka alelyanu.”

Ŋikiru. 51:10

Kiwuak tooma kaŋ etau ŋolo asegan, okoe Akuj, kikiteteu alotooma kaŋ etau ŋolo ikikinyomit iyoŋ

Ŋikiru. 73:28

Nai ani eruwor ayoŋ, ejok akikinyomit Akuj, akituruwor Ekapolon ŋolo etiron ekaiunan kaŋ ka alimor ŋiticisyo keŋ daadaŋ.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋikiru. 9:1

Alakar ayoŋ neni ke Ekapolon a etau kaŋ a daadaŋ; alimori ayoŋ ŋiticisyo kon ŋulu ka aumokin.

Ŋikiru. 94:15

Eyakaun nabo akitub ŋakiro anakiyookino aŋuna a ŋulu iyookino, ido iwuapete daadaŋ ŋulu iyookino alotai kec akiyookino ŋin.

Awos. 29:4

Kidau akitiya ŋun, yau Aron ka ŋidwe keŋ ŋulusapa lopuke ŋolo ke Eema a ŋolo iryamununoi ikes, kiloŋa ikes a nen a ŋakipi.

Ŋakit. 23:26

Ikaakoku, kiwuak etau kon neni kaŋ, emaikina iyoŋ kiŋolik ŋuna ewuapit ayoŋ.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 52:15

aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Yer. 24:7

Ainakini ayoŋ ikes etau ŋolo eyeniata ikes atemar ayoŋ arae Ekapolon ka eruworosi ikes ŋituŋa kaŋ, ido aruwor ayoŋ Akuj kec, anerae eboŋunete ikes neni kaŋ a ŋitai kec a daadaŋ.

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Yer. 30:21

Ebuni erwosit kec alotuŋa kec pei, ebuni ekepukan kec alotuŋa kec pei. Ebuni iŋes neni kaŋ apaki ŋina anyaraa ayoŋ iŋes, anerae mam ituŋanan ebuni neni kaŋ pa kenyaritae.

Esek. 16:9

Abu nai ayoŋ ekeloŋa iyoŋ a ŋakipi, eloŋa ŋaokot aneni kon, ekeosak iyoŋ akimyet.

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Ŋilep. 14:7

Emaikina esacaradoti towuat ituŋanan ŋin ŋini italeunio ŋawuatakinet ŋakanikaarei, ido nai tolimo atemar mam ŋuna itoroniyaritere ituŋanan ŋin, kimyek nai ikenyit ŋin ŋini eyari toporo nariet.

Ŋilep. 16:4

Emaikina iŋes tonap esati, tonap alotooma esati ŋilowi ŋice ŋulu amilimilak; toenik arokoba ŋina amilimilan nacir keŋ, ido nai tonap akopiya ŋina amilimilan. Erae ŋinapen ŋul ŋulu asegak. Emaikina iŋes kiloŋar, ido nai tonap ŋinapen ŋul.

Ŋilep. 8:6

Yau nai Moses Aron ka ŋidwe keŋ ŋulusapa kiŋaren, ido kiloŋa ikes a ŋakipi.

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Ekim. 8:7

Kitiya nu neni kec kitaleunio ikes: Towuatak ikes ŋakipi ŋuna kitaleunet, tolimok ikes tobanya a ewembe ŋawat kec daadaŋ ka kilotasi ŋilowi kec, kitaleunos.

Mat. 3:11

“Kire ekebatisae ayoŋ iyes a ŋakipi a ŋuna ka akiki, nai ŋolo ebunit alokaku kaŋ, epol iŋes akilo ayoŋ, nyitemokino ayoŋ akikod tari ŋamuk keŋ. Iŋes ikibatisae iyes a Etau a ŋolo Asegan ka akim.

Luk. 1:1

Ekapolon Teopilo, Ageut ŋikalalak akigir ŋiemuto a ŋakiro a ŋuna etiyakinosi alokidiŋ yok.

Yoa. 3:5

Toboŋok Yesu iŋes tema, “Akalimokini ayoŋ iyoŋ kire atemar, ani pa kidoun ituŋanan a ŋakipi ka Etau ŋolo ka Akuj, nyelomari iŋes jik Napukan ka Akuj.

Yoa. 8:9

Ani iirarete ikes ŋakiro ŋun, kisyakis arotokin a ŋipeipei, ageun alokasikou, kidoŋ Yesu bon ka aberu ewuoi alokiŋaren keŋ.

Ŋitic. 22:16

Nyo nai tokona eriŋa iyoŋ idarit? Tonyou, ikibatisae ka kilip alokiro a Yesu, ido kisyoni ŋasecisya kon.’

Ŋitic. 8:21

Nyimarar iyoŋ ka emam ibore kon eyai lotic lo, anerae nyiyookino etau kon alokiŋaren Akuj.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋiep. 3:12

Alotooma akimorikina ka Kristo ka aŋuna ka anupit yok neni keŋ, ikipedori iwon aponare neni ka Akuj emam akuryanu ka ikiyakar akikinyomit.

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

Ŋiep. 6:5

Ŋipi, topupete ŋikapolok kus ŋulu ka akwap a na anakuryanu ka anamaran ka kitiyata ŋun ka ainakina lopite ŋolopei itiyanakiniata iyes Kristo.

1 Tim. 4:2

Akitatam ŋina ikoni ŋin, erae ŋina ebunit aneni a ŋikalyokonok a ŋulu emodiyaka, ŋulu etwakito ŋatameta kec esibit icunyitae ka asuwat a ŋina emwana.

Tito 3:5

abu iŋes ikiu iwon. Pa arae aŋuna a ŋiticisyo a ŋidi a ŋulu ajokak a ŋulu ikitiyat iwon, nai arae aŋuna ka akisyon keŋ ka alope abunio iŋes ikiunia iwon. Abu iŋes ikiu iwon, ikitesegu iwon anakidouno a ŋina a ŋaarei ka ikituruwo iwon ŋulu kitet aneni ke Etau a ŋolo Asegan.

Ŋibur. 10:1

Nyepedorete Ŋikisila akitetem ŋakiro ŋun ejok. Erae ikes etorube ŋolo a ŋakiro a ŋuna ajokak a ŋuna epote rwanu. A ŋolokaru elemununuyo ŋamuronisya ŋunapei sek. Ikokinete nai tokona Ŋikisila ituruworete ŋituŋa ŋulu epote neni ka Akuj ŋulu iyookino aŋuna a ŋamuronisya a nu ai?

Ŋibur. 10:19

Ŋikaitotoi, ikiya tokona iwon ka atitinyu ŋinalomaret Nakibois ŋina Asegan nooi aŋuna ka atwanare a ŋina a Yesu.

Ŋibur. 11:28

Anupit iŋes ageunia Moses ŋasuban ŋuna a Paska ka tolimu atemar towuatae ŋikekya ŋulu a ŋakais a ŋaokot, ikotere emalaika ŋolo ka Atwanare nyear ŋidwe a Ŋisirael ŋulu kiyae ŋulusapa.

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Ŋibur. 6:11

Ŋuna ikicamit isua iŋes akiŋolikin ebe erubakinit ŋinituŋanan alokidiŋ kus iricuna tari nasalunet; ikotere kiyookinos ŋakiro ŋuna igenosi iyes.

Ŋibur. 7:19

amam ibore ŋini apotu Ŋikisila ŋulu a Moses kisiyookis kire. Nai tokona ikianyu iwon akigeno ŋina ajokan adepar ŋina ikiyauni iwon diyete Akuj.

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.

Ŋibur. 9:19

Aŋun, abu Moses tolimok ŋituŋa ŋakiro daadaŋ ŋuna aponi kicikakinae iŋes lopite ŋolo egiritere Lokisila. Tolemu nai ŋaokot a ŋitak a ŋulu moŋin ka ŋuna a ŋamee kimorik ka ŋakipi. Ani irikakin, tolemu ateni ŋina aya ŋakwii alokitoe a ŋolo anyaritae Isop ka ŋajul ŋuna areŋak ŋuna a ŋamesekin, ido towuasya ekitaabo ŋolo a Ŋikisila ka ŋituŋa daadaŋ.

Yak. 1:6

Nai itemokino iŋes kiŋit ka anupit, tomam aŋayaŋayat adio daŋ. Anerae ituŋanan ŋini eŋayaŋayat, ikoni ŋikaguragurae ŋulu a ŋakipi ananam, ŋulu ibele ekuwuam neni daadaŋ ekutari.

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!

1 Pet. 3:21

Erae ŋakipi ŋun akitaanyikinet, ŋina ka akibatisao a ŋina tokona ikiununui iyes. Nyerae iŋes alemaret elos ŋolo eyai nakuwan, nai erae adyekit Akuj akitesegun ŋatameta yok, alotooma ayarun ŋina a Yesu Kristo,

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.