Ŋibur. 10:11 - Ebaibul

¹¹ Itiyaete ŋisacaradotin daadaŋ ŋulu a Ŋiyudayan etic kec a ŋinakoloŋit, einanakinete Akuj ŋamuronisya ŋunapei sek ŋarwa ŋuna alalak. Kikote nen daŋ, nyelemarete ŋamuronisya ŋun ŋasecisya jik.

Ŋibur. 10:11 Iomraidhean Croise

Awos. 29:36

Toar emoŋ a ŋinakoloŋit ikwapei ainakinet ŋina elemarere asecit. Tolemununu daŋ ainakinet ŋina elemarere asecit, iya Namuroet kitaleunio iŋes, kedaun ŋun, kiosak akimyet Namuroet kitaleu.

Isa. 1:11

Irworo Ekapolon ebala, “Ŋakai kaŋ ŋamuronisya kus ŋuna alalak, akaupa ayoŋ ŋainakineta ŋuna epeyo ŋuna a ŋimesekin ka asepwae a ŋibaren a ŋulu atumak; nyeketalakarito ayoŋ ŋaokot a ŋimoŋin, kori a ŋikalei a ŋulumesekin, kori a ŋamee.

Esek. 45:4

Eruwor nen akibois ŋina eseg anakwap a Ŋisirael ka eruwor akibois a ŋisacaradotin a ŋulu itiyaete etic a Ekapolon anakibois keŋ a ŋina asegan, a ŋulu eapiyanarete kiŋaren Ekapolon akitiyanakin iŋes. Eruwor nen neni edukio ŋakais a ŋisacaradotin ka akibois ŋina asegan.

Dan. 11:31

Epote ŋasigarya ŋuna iyakuunit iŋes, ido toloma nen, tomunaasi ŋaduketa ŋunajiet, itojoŋoete ikes ŋituŋa ayaunun ŋamuronisya ŋuna a ŋinakoloŋit ka eyaunete ikes nen asiilyo ŋina eyauni ekasile.

Dan. 12:11

Ameun anakoloŋit a ŋina ajoŋoere ayaunun ŋainakineta ŋuna epeyo, akoloŋit ŋina etiyaere asiilyo ŋina abu yau ekasile, eyakaun ŋirwa aliput ka ŋamiae ŋaarei ka ŋatomoniomwon.

Dan. 8:11

Abu amomwara ŋin kitiya ŋuna ka akituro neni a Ekapolon a ŋolo a ŋimalaikan, abu tojoŋo ainanakin ŋainakineta ŋuna epeyo a ŋinakoloŋit aŋuna a Ekapolon ka abu kikama akibois ŋina ayai Akai ŋina ka Akuj.

Dan. 9:21

ka ani eriŋa ayoŋ erworo elipi, bu Gabriel ŋolo sek eŋolikinit ayoŋ anakisileerekinet neni kaŋ ekeri nooi topori, abu iŋes bu neni kaŋ, apaki ŋina einanakinere amuronot ŋina ke eboŋ.

Dan. 9:27

Iwuakini nai ekarikon ŋol acamunet ŋina agogoŋon ka ŋituŋa ŋulu alalak, acamunet ŋina iboi ŋikaru ŋikanikaarei, ani elunyar atutubet apei ŋina a ŋikaru a ŋul, elemari iŋes ŋamuronisya ka ŋainakineta. Iwuakinio neni sek eayeneneo ikes etorube ŋolo aronon ŋolo asiilyanan ŋolo eyauni ekasile. Erubakini iŋes eyai nen akitodol ŋina emunaarya Akuj ŋini abu kiwuak etorube ŋolo nen, itiyakin ŋun lopite ŋolo etubunitor Akuj.”

Mika 6:6

“Nyo emaikina ayoŋ oyau neni ke Ekapolon a Akuj a ŋina alokidiama, apaki ŋina abunio akilip neni keŋ? Emaikina mono ayoŋ oyau ŋainakineta ŋuna epeyo, kaapei ka ŋitak ŋulu erae apolou kec ekaru epei a?

Ekim. 28:24

Alopite a ŋolopei a ŋol emaikina iyes yaut a ŋinakoloŋit alotooma ŋirwa ŋikanikaarei, akimuj ŋina epeyo ŋina erae ainakinet ŋina ebob eure aneni ke Ekapolon, einakinio iŋes kaapei ka ainakinet ŋina epeyo ŋina a ŋinakoloŋit ta ainakinet ŋina a ŋimaten.

Ekim. 28:3

Tolimok ikes atemar erae nu ŋainakineta ŋuna epeyo, ŋuna emaikina iyes inakis neni a Ekapolon: Ŋikaalei ŋulumesekin ŋiarei ŋulu erae apolou kec ekaru epei, ŋulu emam neni eŋwalit ikwapei ŋainakineta ŋuna a ŋinakoloŋit.

Ekim. 29:6

Einakinio ŋainakineta ŋun kaapei ka ŋainakineta ŋuna epeyo ŋuna ke elap a ŋolokitete kaapei ka ŋainakineta ŋuna a ŋikinyom ta ŋainakineta ŋuna epeyo ŋuna a ŋinakoloŋit kaapei ka ŋainakineta ŋuna a ŋikinyom, kaapei ka ŋainakineta ŋuna a ŋimaten lopite ŋolo elimunitere aŋuna kec alokisil, erae ikes ŋainakineta ŋuna epeyo ŋuna ebob eure aneni ke Ekapolon.

Ŋibur. 10:1

Nyepedorete Ŋikisila akitetem ŋakiro ŋun ejok. Erae ikes etorube ŋolo a ŋakiro a ŋuna ajokak a ŋuna epote rwanu. A ŋolokaru elemununuyo ŋamuronisya ŋunapei sek. Ikokinete nai tokona Ŋikisila ituruworete ŋituŋa ŋulu epote neni ka Akuj ŋulu iyookino aŋuna a ŋamuronisya a nu ai?

Ŋibur. 10:4

Anerae nyepedorete jik ŋaokot a ŋimoŋin ka ŋuna a ŋamee alemar ŋasecisya a ŋituŋa.

Ŋibur. 5:1

Esacaradoti daadaŋ ŋolo Apolon nooi, eseununui Akuj alokidiŋ ŋituŋa keŋ, ikotere itiyae etic ka Akuj aŋuna a ŋituŋa; inak ŋainakineta ka ŋamuronisya aŋuna a ŋasecisya.

Ŋibur. 7:27

Nyikwaan iŋes ka ŋisacaradotin ŋulu apolok nooi ŋuluce; nyiitana iŋes ainanakin ŋamuronisya neni ka Akuj a ŋinakoloŋit, mono, aŋuna a ŋasecisya keŋ ka aŋuna a ŋasecisya a ŋulucetuŋa, anerae apaki ŋina ainakinia akuwan keŋ, abu inak amuronot apeiinakinet ŋina itemokino jik.

Ŋibur. 8:2

Itiyae iŋes etic ŋolo eraakar Esacaradoti ŋolo Apolon nooi anakibois a ŋina asegan nooi, erae nen tooma eema ŋolo a kire ŋolo aduki Ekapolon, meere ŋituŋa.

Ŋibur. 8:4

Kerae toyai iŋes nakwap na, pa kerae iŋes esacaradoti, anerae eyakasi sek ŋisacaradotin, ŋulu einanakinete ŋainakineta ŋuna ecamito Ŋikisila a Ŋiyudayan.