Ŋibur. 1:9 - Ebaibul

⁹ Ibu iyoŋ tominak ŋuna iyookino ka ibu toŋer ŋuna aronok. Aŋuna a ŋakiro a ŋun, akaseu ayoŋ ŋina arae Akuj kon iyoŋ alelyan aŋuna akainakinia iyoŋ apolou ŋina iloit ŋina a ŋirukitos kon.”

Ŋibur. 1:9 Iomraidhean Croise

Ŋikiru. 11:5

Eripiripi Ekapolon ŋuna itiyaete ŋulu iyookino ka ŋuna itiyaete ŋulu aronok, nai eremokino iŋes ŋulu eminasi aryenyeo.

Ŋikiru. 119:104

Aryamunit ayoŋ apiiryanut anakiciketa kon; aŋun, aŋerit ayoŋ ŋipitesyo ŋulu aronok daadaŋ.

Ŋikiru. 119:128

Kire jik, ewuapit ayoŋ ŋakiciketa kon daadaŋ; aŋerit ayoŋ ŋipitesyo a ŋulu aronok daadaŋ.

Ŋikiru. 2:2

Acunakinosi ŋirwosi ŋulu ka akwap acunakinosi ŋikepukak iwapei akitepeg Ekapolon ka erwosit ŋolo aseu iŋes, ebasi,

Ŋikiru. 2:6

“Ewuak ayoŋ erwosit kaŋ Sion, lomukura kaŋ ŋolo asegan.”

Ŋikiru. 23:5

Itemonokini iyoŋ ŋasuban aŋuna kaŋ, alokiŋaren ŋimoe kaŋ; ikijauni iyoŋ ayoŋ ikwapei epeyonon ŋolo itopolooritae ka ileleba ekopo kaŋ ilapanar.

Ŋikiru. 33:5

Emina Ekapolon akiyookino ka akitub ŋakiro anakiyookino, ileleba amina ke Ekapolon ŋina nyiryaŋiryaŋa nakwap.

Ŋikiru. 37:28

anerae emina Ekapolon ŋulu iyookino, ido nyimyekini ŋulu ikinyomito iŋes. Iyokiyo ŋulu iyookino ŋikaru ka ŋikaru, nai emunyaryo ŋidwe a ŋulu aronok.

Ŋikiru. 40:8

‘Alakara ayoŋ akitiya ŋuna icamit iyoŋ, okoe Akuj kaŋ, ewuakinit ayoŋ ŋikisila kon lotau kaŋ.’”

Ŋikiru. 45:6

Eropari apukan kon, okoe Akuj ŋikaru ka ŋikaru; ipukat iyoŋ ŋituŋa kon anakiyookino.

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Ŋikiru. 89:20

Aryamu ayoŋ Daudi eketiyan kaŋ; eosak ayoŋ iŋes akimyet kaŋ ŋina asegan.

Ŋikiru. 89:26

Akanyarae iŋes ayoŋ etemari, ‘Irae iyoŋ papa kaŋ, Akuj kaŋ, ataaba ŋina aiunor ayoŋ.’

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Sakar 8:17

Nyituko akitiya aronis neni a ŋikidunyet kus, nyiminasi akikoŋ alyokonu. Aŋerit ayoŋ ŋun daadaŋ.”

Ekim. 7:43

Ŋainakineta ka Elisap ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito; nituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Yoa. 1:41

Abu Anderia kisyau aryamun Simoni lokaato keŋ, tolimok tema, “Ikiryamu isua Messia” (iŋes atemar Kristo).

Yoa. 10:17

“Akamina ayoŋ Papa kaŋ, anerae ajalit akiyar kaŋ oyeni atemar aryamuni nabo.

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Yoa. 3:34

Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 4:26

Acunakinosi ŋirwosi ŋulu ka akwap ka ŋikepukak iwapei akitepeg Ekapolon Akuj ka ŋoloseuna keŋ.’

Ŋitic. 4:27

Anerae kire alotaun a lo, apotu Erode ka Ponitio Pilato ka ŋibukui ŋulu pa arae Ŋiyudayan ta ŋituŋa ŋulu a Isirael kitepega Yesu, eketiyan kon ŋolo asegan ŋolo ibu iyoŋ kituruwo Messia.

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

1 Ŋikor. 1:9

Ikinyoma Akuj ŋina adau anyarare iyes nakimorikina ka Lokoku keŋ, Ekapolon yok Yesu Kristo.

2 Ŋikor. 11:31

Eyeni Akuj, Papa ke Ekapolon Yesu--ŋolo ipuritoe ŋikaru ka ŋikaru atemar nyerworo ayoŋ alyokonu.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Ŋipil. 2:9

Aŋun, abu Akuj kitopoloo iŋes nooi ka inak iŋes ekiro ŋolo epol akilo ŋirorwa daadaŋ,

Ŋibur. 2:11

Iŋes ŋolo itesegi ŋitai kaapei ka ŋulu itesegunio, erae papa kec epei. Erae ŋakiro ŋun nyitimitor Yesu anyarare ikes ŋikaitotoi keŋ.

Ŋibur. 2:9

Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

Akis. 2:15

Ikwaŋinapei, eyakasi kidiŋ kus ŋituŋa ŋulu etupito akitatam ŋina a ŋituŋa a ŋulu enyaritae Ŋinikolaitae.