Ŋibur. 1:3 - Ebaibul

³ Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 1:3 Iomraidhean Croise

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

Yob 37:22

Ebunit Akuj alo Kuju, emilimili ikwa egolid, eyai nawaetin ka Akuj ailiil ŋina ikitubuli.

Ŋikiru. 110:1

Atema Ekapolon neni a ekapolon kaŋ ebe, “Kiboikin teten kaŋ, akitodol neni ewuakinia ŋimoe kon napedor kon.”

Ŋikiru. 75:3

Ani emaranikini akwap ka ŋisubuna daadaŋ, ayoŋ esicasi ŋipirin ŋulu ewuar akwap.

Ekal. 8:4

Aŋuna emaikina kiwuapae ŋuna irworo erwosit, mam ituŋanan ecamakinitae kitepeg erwosit anakiro a ŋuna irworo erwosit.

Ŋilep. 15:15

Emaikina nai esacaradoti ya ŋainakineta ŋun, apei erae ainakinet aŋuna ka asecit ka ŋinace erae ŋina epeyo, ido emookuni esacaradoti ekile ŋol alokiŋaren Ekapolon aŋuna a ibore a ŋini alele anakuwan keŋ.

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Mat. 22:24

temasi, “Eketataman, abala koloŋ Moses, ‘Ani ketwana ekile tomam ŋidwe, itemokino lokaato keŋ kirum aberu, touri ŋidwe ŋulu eruwor ŋulu a lokaato keŋ a ŋolo atwana.’

Mar. 16:19

Kedau Ekapolon Yesu erwori neni kec, aponi yae iŋes nakuj, kiboikin nakan ŋina aloteten Akuj.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 1:4

Ayai akiyar daadaŋ neni keŋ, arae akiyar ŋin akica aŋuna a ŋituŋa.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 7:56

Tocelu Stepano tema, “Kiŋolikisi! Ete ayoŋ nakuj eŋaara ka Lokoku a Ituŋanan ewuoi alowae a ŋolo aloteten Akuj!”

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

Ŋirom. 8:34

Ŋae nai etubokini ikes? Emam ipei daŋ, anerae Yesu Kristo abu totwan, nabo akilo aponi kiteyarunae alokatwak, ido iboi alowae a ŋolo aloteten a ŋolo ka Akuj. Iŋes edyekit aŋuna yok Akuj.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

Ŋikol. 3:1

Adaun akiteyarun iyes kaapei ka Kristo, aŋun, itemokino kiwara ŋuna anakuj, neni iboiyo Kristo alokicoloŋ keŋ alowae a ŋolo aloteten a ŋolo ka Akuj.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 1:13

Nai nyelimokina Akuj tari epei a ŋimalaikan atemar, “Kiboikin lowae ŋolo aloteten kaŋ akitodol ŋina ewuakinia ayoŋ ŋimoi kon kwap ŋakejen kon, toreu iyoŋ ikes.”

Ŋibur. 10:12

Nai abu Kristo inak amuronot apei bon ŋina itemokino jik aŋuna a ŋasecisya; ido kiboikin lowae ŋolo aloteten Akuj.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

Ŋibur. 7:27

Nyikwaan iŋes ka ŋisacaradotin ŋulu apolok nooi ŋuluce; nyiitana iŋes ainanakin ŋamuronisya neni ka Akuj a ŋinakoloŋit, mono, aŋuna a ŋasecisya keŋ ka aŋuna a ŋasecisya a ŋulucetuŋa, anerae apaki ŋina ainakinia akuwan keŋ, abu inak amuronot apeiinakinet ŋina itemokino jik.

Ŋibur. 8:1

Akirot ŋina ikirworo iwon iŋes na: ikiyakar iwon Esacaradoti yok ŋolo Apolon nooi, ŋolo iboi alowae a ŋolo aloteten ke ekicoloŋ a ŋolo ka Akuj a ŋina etiron a ŋina anakuj.

Ŋibur. 9:16

Ŋuna ikamunito acamunet ŋina irumia ituŋanan ibore, nyecamakinio ituŋanan akirum ibore, mati keyenun kire atemar atwana ituŋanan ŋinilope ibore.

Ŋibur. 9:26

anerae kerae kikote nen, kisicanitae iŋes ŋarwa ŋuna alalak ŋinapei ka asubunet Akuj akwap. Akilo, abu iŋes bu abunet apei ŋina itemokino jik tari nasalunet, ikotere tolema asecit anamuronot keŋ ke elope.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Pet. 3:22

Abu iŋes tolot nakuj ka eyai lowae ŋolo aloteten Akuj, ipukat ŋimalaikan daadaŋ ka ŋikapolok ŋulu eyakatar ŋapedorosyo anakuj.

2 Pet. 1:16

Ŋina ikiteyenunere isua iyes ŋuna ka apedor ka abunore ŋina ke Ekapolon yok Yesu Kristo, pa ikilimonokinio isua iyes ŋiemuto ŋulu tamuna ŋulu nyiyookino. Ikianyuwarit isua apolou keŋ a ŋakonyen kosi a ŋilopeyek.

2 Pet. 1:17

Ayakae isua nen apaki ŋina ainakinia Akuj Papa iŋes apolou ka apedor, ŋina abunio etoil neni keŋ aneni ka Akuj anakica a ŋina ka apolou keŋ, ebala, “Erae lo Lokoku kaŋ ŋolo minat, ŋolo alelyania ayoŋ!”

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.

Yud. 1:25

Neni keŋ, a ŋolo erae Akuj ŋina donupei, Ekaiunan yok alotooma Yesu Kristo Ekapolon yok, toyai akipuro, apolou, agogoŋu ka apedor, tari eriŋa nyesubuna akwap, tokona ka ŋikaru ka ŋikaru! Amen.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”