Ŋibur. 1:14 - Ebaibul

¹⁴ Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Ŋibur. 1:14 Iomraidhean Croise

Akisy. 32:24

Kidoŋ iŋes bon lokekwat ŋoloce, kisilek ekile ece iŋes akuwar kia akitodol iwalari akwap.

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

Yob 1:6

Akoloŋit apei, tocununos ŋisubuna ŋulu anakuj kiŋaren Ekapolon, abu Satan daŋ bu neni acunakina ikes.

Ŋikiru. 104:4

Isitiyae iyoŋ ekuwuam alimorya ŋakiro kon; isitiyae iyoŋ akimilyaa akitoodiunia anyunyura kon.

Ŋikiru. 34:7

Ewuaunit emalaika ke Ekapolon ŋulu itopoloorito Ekapolon. ido elakununui ikes.

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Dan. 6:22

Abu Akuj kaŋ kiyaku emalaika keŋ ŋolo abu togol ŋakituka a ŋiŋatunyo, ikotere nyakanyama ikes ayoŋ, anerae abu Akuj kaŋ toryamu atemar mam asecit etiyat ayoŋ aneni keŋ ka aneni kon daŋ, okoe erwosit, mam aronis etiyat ayoŋ.”

Dan. 7:10

Abunit ayonae ŋina alelyaa akim alokicoloŋ keŋ aleleunit akim ŋin aneni ayai ŋolo iboit ŋikaru ka ŋikaru. Etiyanakinete iŋes ŋiketiyak ŋulu arae ŋalipyo ka ŋalipyo, awuasi ŋiketiyak keŋ ŋamilionio amiat alokiŋaren keŋ. Togeunae nai eikiiko ŋolo etubere ŋakiro, toŋaarae ŋikitaaboi.

Mat. 1:20

Nai ani eriŋa iŋes etamatamae ŋakiro ŋun, totakanu emalaika ŋolo ke Ekapolon neni keŋ anakiruja tema, “Yosepu lopapait a Daudi, nyikuryaniar akiit Maria toruwor aberu kon, anerae ŋini epoti iŋes ebunit aneni ke Etau a ŋolo Asegan;

Mat. 13:41

Iyakuuni Lokoku a Ituŋanan ŋimalaikan keŋ, tocunakis ŋituŋa daadaŋ ŋulu iteseceneneete ŋuluce ka ŋikasecak daadaŋ,

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Mat. 2:13

Ani kerotokis ikes, totakanu emalaika ŋolo ke Ekapolon neni a Yosepu anakiruja tema, “Tonyou, ya ikoku ka toto keŋ tosiya tari Ijipit. Kiboi aina tari ŋina akalimokinia ayoŋ iyoŋ, anerae ecamit Erode akimimaun ŋakiro a ikoku, ecamit akiar.”

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Mat. 4:11

Torotok nai Satan aneni a Yesu, tosodi potu ŋimalaikan ŋulu ka Akuj kiŋarakis iŋes.

Mar. 10:17

Ani erotokini Yesu iwace, tomotun epeikile neni keŋ, toryedik alokiŋaren keŋ, kiŋit iŋes tema, “Eketataman ŋolo ajokan, nyo itemokino ayoŋ etiya oryamunia akiyar ŋina nyedaun?”

Luk. 1:19

Toboŋok emalaika tema, “Ayoŋ Gaburiel, ŋolo awuoi alokiŋaren Akuj. Ekeyakuunitae ayoŋ neni kon, alimokin iyoŋ ŋakiro ŋuna ajokak ŋun.

Luk. 1:23

Ani kelunyar ŋirwa ŋulu ke etic keŋ, tolot Sakariya lore keŋ.

Luk. 16:22

“Totwan ekulyakit ŋol, yaasi ŋimalaikan iŋes kisiboikis diyete Aburaam anakuj. Totwan ekabaran daŋ, tonukae.

Luk. 2:13

Ŋinapeipaki, bu asepic ŋina a ŋimalaikan anakuj, kimorikin ka emalaika ŋol, toeikis ipurosi Akuj ebasi,

Luk. 2:9

Totakanik emalaika ŋolo ke Ekapolon neni kec, tocaik akica ŋina ke Ekapolon ikes, tokuryaketa ikes nooi.

Ŋitic. 11:22

Todolo ŋakiro nu natukot ŋina a ŋikanupak a Yesu alo Yerusalem, ido kiyakiya atukot Baranaba alosit Antiokio.

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.

Ŋitic. 12:7

Atipei, totakanu emalaika ŋolo ke Ekapolon, kinuaku akica ejera. Totap emalaika eseket a Petero, kiiŋiiŋak kitekienyu, tolimok tema, “Tonyou atipei!” Tolacakinos ŋiriko anakan keŋ atipei.

Ŋitic. 13:2

Ani ilipete ikes neni ke Ekapolon ka kikanyete, tolimok Etau ŋolo Asegan ikes tema, “Kimyekisi Baranaba ka Saulo kitiyata etic ŋolo anyaritor ayoŋ ikes.”

Ŋitic. 16:26

Ŋinapeipaki, tomaranik akwap nooi, kiukok ejera ameun alokwap. Atipei toŋaaros ŋikekya daadaŋ, tolacaros ŋiriko aneni a ŋimabus a daadaŋ.

Ŋitic. 27:23

Anerae bien nakwaare, abu emalaika ŋolo ka Akuj a ŋina arae ayoŋ ŋolo keŋ ka ŋina elipi ayoŋ, bu neni kaŋ,

Ŋitic. 5:19

Nai ani nakwaare, toŋaa emalaika ŋolo ke Ekapolon ŋikekya ŋulu a mabus, ido yau ikes kiŋa, tolimok ikes tema,

Ŋirom. 11:14

Acepaki apedori ainakin arakao lotuŋa kaŋ, Ŋiyudayan, ikotere aŋuna kaŋ toiunia Akuj ikes ŋice.

Ŋirom. 13:6

Erae ŋakiro ŋunapei ŋun itacata iyes ocur daŋ, anerae itiyaete ŋikapolok aŋuna ka Akuj, apaki daadaŋ ŋina itiyaata etic ŋolo itemokino ikes kitiyata.

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋirom. 15:27

Erae ŋakiro ŋun ŋuna apotu ikes ŋilopeyek totubut akitiya. Erae tari amica aneni kec aŋuna a ŋituŋa a ŋul. Anerae ikwapei adauniata Ŋiyudayan akimor ka ŋulu nyerae Ŋiyudayan ŋarereŋisyo ŋuna ka Akuj, itemokino ŋulu nyerae Ŋiyudayan daŋ tomora ka Ŋiyudayan ŋarereŋisyo ŋuna a ŋiboro ka akwap.

Ŋirom. 8:17

Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

2 Ŋikor. 9:12

Anerae etic ŋolo itiyaete iyes ŋol, nyiŋaranakinit ŋituŋa ŋulu ka Akuj bon, nai eyaunit daŋ neni ka Akuj akipuro ŋina apolon adepar.

Ŋigal. 3:29

Ani nai kiraakasi iyes ŋulu a Kristo, iraakasi ŋiletok ŋulu ka Aburaam ka iryamunete ŋuna adau Akuj akiikin.

Ŋigal. 3:7

Itemokino nai iyes toyenut ebe, ŋiletok ka Aburaam ŋulu a kire, ikes ŋituŋa ŋulu eyakatar anupit neni ka Akuj.

Ŋigal. 3:9

Aŋun, ŋulu daadaŋ enupete ikwa Aburaam, iterereŋio ikwa iŋes.

Ŋiep. 3:6

Ŋakiro ŋuna imunono ikes nu ebe, aŋuna a Ŋakiro a ŋuna Ajokak, amora ŋituŋa ŋulu nyerae Ŋiyudayan ka Ŋiyudayan ŋarereŋisyo ŋuna ka Akuj; eraakasi ikes ŋipei ka amora ŋakiikineta ŋuna abu Akuj kiik alotooma Yesu Kristo.

Ŋipil. 2:17

Nai tari erae kainak akiyar kaŋ ikwa amuronot, kiyatakinae namuronot kus, ŋina erae anupit kus; alakari ayoŋ ka ikimori alelyan kus.

Ŋipil. 2:25

Atamaki ayoŋ atemar ejoikinit ayoŋ ekeyakik iyes lokaato yok Epapurodito, ŋolo ikitiyae ka ŋolo ikitijiye kaapei ka ayoŋ Satan alotic a ŋolo a Ŋakiro a ŋuna Ajokak. Etiya iŋes ikwa ekiyakitono kus akiŋarakin ayoŋ.

2 Ŋites. 1:7

ka ikisieŋuni iyes ŋulu iryamunito ŋican ka ikisieŋuni isua daŋ. Itiyakini iŋes ŋun apaki ŋina etakanunia Ekapolon Yesu anakuj kaapei ka ŋimalaikan keŋ ŋulu eyakatar apedor.

Tito 3:7

ikotere nai aŋuna ka ajokis keŋ ikituruworyo iwon ŋulu ikiyookino alokiŋaren Akuj ka oryamutu akiyar ŋina nyedaun, ŋina ikigeno iwon.

Ŋibur. 10:11

Itiyaete ŋisacaradotin daadaŋ ŋulu a Ŋiyudayan etic kec a ŋinakoloŋit, einanakinete Akuj ŋamuronisya ŋunapei sek ŋarwa ŋuna alalak. Kikote nen daŋ, nyelemarete ŋamuronisya ŋun ŋasecisya jik.

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

Ŋibur. 6:12

Nyikicamit isua iyes tokalanyakiata, nai ikicamit iyes kituputo ŋulu aryamut ŋuna adau Akuj akiikin aŋuna ka anupit ka atitinyikinit.

Ŋibur. 6:17

Ikwaŋinapei, acamit Akuj akisileerekin neni a ŋulu eikinit iŋes atemar nyilocokini iŋes ŋuna adau akiikin. Aŋun, abu kiyatak akikoŋiet nakiikinet keŋ.

Ŋibur. 8:6

Nai tokona, ainakin Yesu etic ŋolo ke esacaradoti ŋolo epol nooi akilo. Nabo ikoŋinapei, erae Acamunet ŋina iloit--Acamunet ŋina eyaunitor iŋes akimorikina ŋina ka Akuj ka ŋituŋa, anerae itorunit nakiikineta ŋuna ajokak nooi akilo.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.

1 Pet. 1:4

ido ikiyeni atemar ikiryamuni ŋarereŋisyo ŋuna alalak, ŋuna idaritor Akuj ŋituŋa keŋ. Ikidaritor iŋes iyes ŋarereŋisyo ŋun anakuj, aneni nyebosyata kori nyinyasunotor kori nyeŋopiaryata.

1 Pet. 3:7

Ikwaŋinapei, iyes daŋ ŋikilyok, itemokino kiboiyete ka ŋaberu kus ejok, toyenete atemar epalag ikes. Tokerito ikes, anerae einakini Akuj ikes daŋ ikwa iyes akiyar ŋina nyedaun. Kitiyata ŋun, ikotere tomam ibore isigukini akilip kus.

Yud. 1:14

Arae ikotere ikes abunio Enok ŋolo a ŋikanikaarei alokidiŋ ŋipapae ŋulu ka Adam todwarya tema, “Topupokisi! Erukunete Ekapolon ka ŋimalaikan keŋ ŋulu nyimarun,

Akis. 5:6

Abu ayoŋ eŋolik Imesek ewuoi alokidiŋ ekicoloŋ irikaunito ŋisubuna ŋuluomwon ka ŋikatukok. Atakani Imesek esibit earitae. Ayakar iŋes ŋamomwar ŋakanikaarei ka ŋakonyen ŋakanikaarei, ŋulu erae ŋitai ŋulukanikaarei ŋulu ka Akuj ŋulu iyakiyaritae nakwap daadaŋ.