Ŋibur. 1:11 - Ebaibul

¹¹ Esalunete ikes nai iropari iyoŋ; enyamunosi daadaŋ ikwa ŋilowi.

Ŋibur. 1:11 Iomraidhean Croise

Ŋikiru. 10:16

Erae Ekapolon erwosit ŋolo a ŋikaru ka ŋikaru, isunyarosi ŋituŋa a ŋakwapin anakwap keŋ alo Isirael.

Ŋikiru. 102:26

Edaunosi ikes, nai irubakini iyoŋ iyai; enyamunosi ikes daadaŋ ikwa ŋilowi. ilocokini iyoŋ ikes ikwa ŋilowi, ido edaunosi.

Ŋikiru. 29:10

Ekapolon iŋes ipukat akalele; Ekapolon iŋes ipukat ikwapei Erwosit ŋikaru ka ŋikaru.

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Isa. 34:4

Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Isa. 41:4

Ŋae etiyae ŋun ka ŋae eturubak ŋun itiyasi? Ŋae enyaraununui ŋanyameta ŋinapei anakisyakinet? Ayoŋ Ekapolon, arae ŋolo a ekiŋaren, ayakaun ayoŋ tari apaki ŋina esidyon.

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 50:9

Ekapolon Akuj iŋes ekeŋarakinit ayoŋ; ŋae epedori alimun atemar asecit ayoŋ? Enyamunosi ikes daadaŋ lopite ŋolo enyamunor elou; irikari ekurut ikes.

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Isa. 51:8

anerae irikari ekurut ikes lopite ŋolo irikarya abebe elou, irikari ekurut ikes lopite ŋolo irikarya ŋajul a amesek; nai erubakini alakuno ŋina ebunit aneni kaŋ ŋikaru ka ŋikaru ka eropari aiuno ŋina ebunit aneni kaŋ ananyameta a daadaŋ.

Isa. 65:17

“Eapi ayoŋ asubun nakuj ŋinakitete ka akwap ŋinakitete, nyetamunio nabo ŋiboro ŋuluŋorok, kori nyerubakinete eya natameta.

Mat. 24:35

Edaunosi nakuj ka akwap, nai nyedaunosi ŋakaakiro jik.

Mar. 13:31

Edaunosi nakuj ka akwap, nai nyedaunosi ŋakaakiro jik.”

Luk. 21:33

Edaunosi nakuj ka akwap, nai nyedaunosi ŋakiro kaŋ jik.

Ŋibur. 12:27

Isileereunito ŋakiro ŋuna ebookoi “Apeikitamaranikinet” ebe itamaranikinio ka elemaryo ŋisubuna daadaŋ, ikotere nai idoŋi ibore daadaŋ ŋini nyepedoryo akitamaranikin.

Ŋibur. 8:13

Anakirworo ŋuna ka Acamunet a ŋina Kitete, itoodiunit Akuj atemar aŋoroton ŋina ke ekiŋaren; ibore nai ŋini aŋoroton ka elosi amojoŋiyar, erae ikaŋopiyaran.

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”

Akis. 2:8

“Kigir neni ke emalaika a ŋolo ka atukot a Ŋikristo alo Simirina atemar: “Erae ŋakiro nu ŋuna eponito aneni a ŋolo erae ŋolo Eŋarenon ka ŋolo Esidyon, ŋolo abu totwan ka toyaru nabo.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

Akis. 21:1

Abu nai oanyuwa nakuj ŋina kitete ka akwap ŋina kitete. Apotu nakuj ŋina esyaunan ka akwap ŋina esyaunan toŋopiasi; toŋopia anam daŋ.