Ŋakit. 8:34 - Ebaibul

³⁴ Erereŋ ituŋanan ŋini epupi ŋakiro kaŋ, erereŋ ŋini iboi a ŋinakoloŋit alopukei kaŋ, erereŋ ŋini idarit alodiyete ŋipukei kaŋ aryamun ŋuna ecamit.

Ŋakit. 8:34 Iomraidhean Croise

1 Ŋirw. 10:8

Okoe etya alakara a ŋikilyok a akwap kon ai! Okoe etya alakara a ŋikapolok anapukan kon ai a ŋulu irukito ka iyoŋ jwi jwi topupete ŋakiro ŋuna ka aosou ŋuna irworo iyoŋ ai!

Ŋikiru. 27:4

Ibore ipei ŋini eitanit ayoŋ, ŋini adau ayoŋ akiŋit Ekapolon; iŋes akiboi alo Kai ke Ekapolon ŋirwa daadaŋ ŋulu ka akiyar kaŋ, arubakini ete akibuses ŋina ke Ekapolon ka akiwar acamit keŋ alo Kai keŋ.

Ŋikiru. 84:10

Ejok nooi ayakaun akoloŋit apei Kai kon, akilo ayakaun iwace ŋarwa aliput, ejok ayoŋ nooi ayakau lopuke ŋolo ka Akai ka Akuj kaŋ akilo ayoŋ akiboi aloeemae a ŋituŋa a ŋulu aronok;

Ŋikiru. 92:13

Ikwaanikin ikes ibusak eya Kai ke Ekapolon ka ŋikito ŋulu edupitae diyete Akai a Ekapolon, ŋulu ibusak analapatui aŋuna alo Kai ka Akuj yok.

Awos. 12:7

Emaikina nai ikes toorut ŋaokot ŋadi alobaren a ŋul, kiosakis nakito ŋuna anawae ka ŋuna alokidiama ŋipukei a ŋakais a ŋuna enyamyata ikes ŋimeesekin ŋul.

Ŋakit. 1:21

Iworoonor aosou alokoonae a ŋulu ileleba ŋituŋa Irworo aosou alopukei a ŋulu a etaun ebala,

Ŋakit. 3:13

Elakara ŋituŋa ŋulu eryamunete ŋakiro ŋuna ka aosou, elakara ŋituŋa ŋulu eryamunete ayenunun ŋakiro,

Ŋakit. 3:18

Erae aosou ekitoe ŋolo ka akiyar aneni a ŋulu einakina neni ka aosou, eryamunete ŋulu einakina neni ka aosou ŋarereŋisyo.

Mat. 7:24

“Aŋun, ituŋanan daadaŋ ŋini iirari ŋakaakiro kitiya, ikwaanikin ka ituŋanan ŋini aoson ŋini adukokini akai keŋ nataaba.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Luk. 10:39

Ayai nakaato keŋ a Marita ŋina anyaritae Maria, ŋina abu kiboikin nakejen a Yesu akipup ŋakiro ŋuna etatami iŋes.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Ŋitic. 2:42

Torubakis ikes daadaŋ epupete ŋakiro ŋuna etatamete Ŋikiyakia, togeut ikes alosenen natukot ŋina a ŋikanupak akimuj kaapei ka akinumunum Akimuj ŋina ke Ekapolon ta akilipenen.